IITOODA 8:8 - Bibliyeeda Ghaydit

⁸ Ng'ata ea dageana heewi mwanang' was eeshpajakcheanda, ea haleanjeadaanyi bea ghadooweeda was dearanga, dearanga miyaasiin guuyi sea nagheeda, ak gigeanu heew nuut mwanang' was eeshpajakcheanda ghoah haleanjeeda ghadooweeda aba badayda riing'eeda.

IITOODA 8:8 Mawu Ofanana

RITEAYDA 29:1

“Nih gichea hinda saawa gil iijea aghaydiida saawa; ak gagadiyeesean ghoah ashoohoodiga. Geani heeyda duu ea mwanang' ea lagweendi iyeenya miyaas,

RITEAYDA 29:3

Ak giyiini sean jeeda sooscheanjagi ak giyeani sean jeeda sooscheanda, ak giyeadu heeyda ea lagweendigiga asiyeenyean.

ISAYA 53:10

Ak NG'UTAMIIDA gagasa gideaba gaygwasawan, ak ghwanung' gagiisan; ak saseadaanyi ghwanung' ghoah lukghumeeda aba badayda riing'eeda, ak gayghwadaah jeataanyi ak gayghwanyas giibinda geaw; ak gidagasiida NG'UTAMIIDA gaygwasa aba geatingaaschi;

NG'ASHEEGA LAWI 1:3

“Nea lukghumeadaang'u ii dea jea eaghwarda leabu jeeda dugwa, gayghoadayda jurukuta manda sirjeeda; gayghoadayda aba ghuuta maheemajeanda siroondooscheesa, ak abeeda ghamwas NG'UTAMIIDA;

NG'ASHEEGA LAWI 16:3

Nea Haruni geaghus ghwaan heeda ghaydit: nea gweadu jurukuta mwanang' jea ghaghadoawanda aba badayda riing'eeda ea lagweenda ghoah haleanjeeda ghadooweeda sighwarda.

NG'ASHEEGA LAWI 2:1

“Ama eadu siida wassean booga ghoah haleanjeeda ghadooweeda was haleanjeeda ghadooweeda bea NG'UTAMIIDA, haleanjeeda jea ghwasabwa geadi gajea booga miyaas; ak gaygoohiisa badayda nagheeda, nea ghwayiin uhuuda hideeda ng'andit,

NG'ASHEEGA LAWI 4:14

abeeda riing'eeda sin iisiyi bwak ea eanal, abeeda gayghoadayda eemeeda eeshpajakcheanda ghoah haleanjeeda sighadoawanda aba riing'eeda ak gweadu madeeda maheemajeanda siroondooscheesa;

NG'ASHEEGA LAWI 4:3

amadeepa ea ashoohoocheanda simwaar jea ghwanung' ghwanyas buuneeda riing'eeda, abeeda gayghoadayda niny dea riing'eeda ghayi nisin was eeshpajakcheanda manda sirjeeda ak ghoadaw NG'UTAMIIDA aba badayda riing'eeda ghoah haleanjeeda ghadooweeda aba badayda riing'eeda.

NG'ASHEEGA LAWI 8:2

“Aada Haruni sea orjoagaaschi, ea hang'weaka ea nagheeda eeshteayda, ea jurukuta jea eaghadoawanda aba badayda riing'eeda, ea lagweendi iyeenya, ea sooscheanda mida mukaateeyda meamwatawiida;

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

2 Goriinto 5:21

Aba badahuukaasa geanung' ghoah niny riing'eeda nea niny ea mwanala riing'eeda, ak abeeda aba niny geahuuyi doobiiwnata ASEETA.