IITOODA 5:7 - Bibliyeeda Ghaydit

⁷ abeeda iiduukuuna riing'eega nyaawa sin; gayghoadayda leadeeda muuchi aba giidiinyeandaanyi sin, ak gayghwayiin uhuuda gideaba muut, ak ghoadaw siidida adiiysean.

IITOODA 5:7 Mawu Ofanana

NYIIGHEEGA 32:5

Ak aniini gearukuneey riing'eedeanyu, ak ea mii dafuy munyindeanyu ak geayeenyi “gaydamwas giidiinyeanyeekeasu aba heeda NG'UTAMIIDA”; ak gisamsean aba gidaroat aba riing'eedeanyu.

GHWASIILDEANGA 28:13

Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

NG'ASHEEGA LAWI 26:40

“Nea iiduukuuna munyasnacheeka nyaawa ea munyasnacheeka ghweaniga nyaawa aba jeeda ng'asheega munyas simanean, nea ghabeada gidameagasiidani,

NG'ASHEEGA LAWI 26:41

gwasunu eara aniini ghaabeadi gidamwabeada saawa ak geayeadu ea ghwahidu ng'eanyiida weajoodiga nyaawa; abeeda gurooruunatka nyaawa meayaada ghasmeahooda iiyaat geat ng'eanyi ak ghamwas lasooda aba riing'eega nyaawa;

NG'ASHEEGA LAWI 5:15

“Asi siida wassean isin ng'asheanda nea mabaysiina aba jeemba ng'asheanjagi aba jeeda gea ghaydidi bea NG'UTAMIIDA, gaygweadu haleanjeeda sighadoawanda aba giidiinyeanda aba heeda NG'UTAMIIDA, was lagweenda manda sirjeeda aba jeeda hawandaanyi bea nooga nea gigali sheayeadaanyi shiliingajeanda, was shekeeleeda heeda ghaydit; suh haleanjeeda ghadooweeda bea giidiinyeanda.

NG'ASHEEGA LAWI 5:16

Ak gayghoadayda waliida shoada bea ginisin aba gidaghaydit, ak gideaba muut gayghoadaw ashoohoocheanda; ak gaygwasin ashoohoocheanda giiduupcheeda aba badaydaanyi aba laghweenda was haleanjeeda ghadooweeda bea giidiinyeanda, ak gajeesamsa.

NG'ASHEEGA LAWI 5:5

Siida iideepa ea niidiiy aba jeemba ng'asheanjagi aba jeedeaba ng'asheesu, gaygwaduukuuna riing'eeda sin,

NG'ASHEEGA LAWI 7:7

Haleanjeeda ghadooweeda bea giidiinyeanda gawuurji sea haleanjeeda sighadoawanda aba badayda riing'eeda, deaweedeeda nyaawa ea agi; ashoohoocheanda sin giiduupcheeda aba gili siida jea ghwak ninyi.

IITOODA 5:8

Nea siida iimandeawana buweacheanda neeki jea ghoadaw haleanjeeda haleanjeeni bea leadeedean; gidida jea eeteelsa NG'UTAMIIDA aba giidiinyeanjiin gaygaba ashoohoocheanda, ea gisilleanda giirooroocheeda, ak gaysinana giirooroocheeda aba riing'eadaanyi.

Lukka 19:8

Ghang'eat Sakayo ghamiinaada ak gwayeesha, “Ng'ula, Ng'utamiida, gaydalach bugusta haleanjeedeanyu ak ghaadawji fuga barbari, ak iimida siida naareachi gida aba fughareeda, gaydeadeelsa niba aang'waan.”

YOSHUWA 7:19

Ng'ata gwayeesha Yoshuwa Akani, “Orjeedeanyu, aghaambiida NG'UTAMIIDA was ASEETA Israeli, ak giduukuuni niny; ak girukunean, ghamneawa gidisini, nea gidisini ea adufunyanaan.”