IITOODA 5:18 - Bibliyeeda Ghaydit

¹⁸ ak gayghwayiin ashoohoocheanda gatmooda madeeda NG'UTAMIIDA, ak gaygootineada buudeega mida uhuuda gatmooda, amang'ata gayghoadaw haleanjeeda ghadooweeda was dearanga giipkeata geatingaaschi, was haleanjeeda ghadooweeda was dearanga beelda, nea gaygwandeawa ashoohoocheanda beegiga ng'weani eatu mooshteaydean aba geatindaanyi;

IITOODA 5:18 Mawu Ofanana

GHWASIILDEANGA 5:4

Ak huuydeandaanyi, gajea ng'waan ea ghang'al gidang'weanda, nea gwanda ghuuta ng'uta sishit meadajeega sean.

REEKUSIINDA 7:26

Ak ea naadaayi gidawas ng'weaniidooda ea ghang'al miyeeda, nea gatmooda was gurooroadaanyi ghaseeda gil ea geangarmooda, nea geatingaaschi gawuurji munyaloalajeega; nea siida bwariiy ASEETA gaygamulsa, nea siida riing'eeda gayghaghas niny.

ISAYA 38:17

Ng'ula, ghaanyaschi sawanadeeda haw aba badayda hoyyooydeanyu, ak aba gida ibwariiydanaan ak ea niighuuhi eaweegeasu aba ghuuta shoomanda haloota, aba gideaba nihisi riing'eegeasu sean badaydaang'u.

YEREMIYA 2:19

Asi ang'iing'i gaygabiikseey munyindaang'u, nea ng'ooweataang'u gayghwaaknyi, Nala ak gidaahi gideaba eamuy ak ea ng'waan, asi nala ak gidaahi gideaba nih ng'asheanda muy muuchi mideawa ng'weaniidooda; aba gideaba ninung'usi heeda NG'UTAMIIDA, was Ng'utamiida bea lugweega.

NG'ASHEEGA LAWI 13:45

“Siida badeeda bearji geeyooda gaygookwa hang'weaka beareadi ak gayghwanung'waada buudeega uhuudaanyi ea mwang'afa, ak gaygwadukuta muunda ghuutaanyi duukusa heetiyeada ak gooyeawda, ‘Gaba ririnnyaan, gaba ririnnyaan.’

IITOODA 5:15

abeeda gaygageanda ng'eedeedida gatmoadaanyi, ak gaweay heeda ashoohoocheanda, ak gaygweadu haleanjeadaanyi bea ghadooweeda aba badaydaanyi, was gideaba damanamughuush was gilooheanagi bea dearanga shayiiri; nea mwayiina nagheeda badayda, nea mwayiina hideeda badayda; aba gideaba dearanga ghadooweeda gil bea beelda, ak ea haleanjeeda ghadooweeda was dearanga giipkeata jea eapkaada gidamuyi.

IITOODA 5:17

ng'ata gaygageanu ashoohoocheanda beega ghaydidi aba jeeda dabicheanda sisna sheang'weeda; ng'ata gageanu ashoohoocheanda birjeanda mida jeeda maheemajeanda, ak ghwayiin jeedeaba beesu;

IITOODA 5:19

ak gayghwanung' ashoohoocheanda ghwaak gatmooda habeawooda, ak gay gwayeesha gatmooda, ‘Iimanda ng'eedeeda niluudayeewi nea mii yamwa geaw ak giyaadi geeshta ng'asheega ririnnyeanda, nea goombalnyi siyeadaang'u, nea beesu ng'weani eatu mooshteaydean ea adiidu ghwanyasnyi.

IITOODA 5:22

Nea beega eatu mooshteayda gaygaweay jeadaang'u, ak ghwanung' ghoapka jeadaang'u, nea gisoonani;’ ak gayghwasha gatmooda nea gwayi, ‘Amin, Amin.’

1 Goriinto 11:15

Iidu gatmooda ii mideawa buudeega geawi gahaguuwsa? Aba gideaba geataw buudeega geawi gwadukuta saseeda.

1 Goriinto 11:6

Aba gideaba gatmooda ii madukuta uhuudaanyi, ghang'wana ghwareakghu buudeagaaschi; amadeepa gaba baspaseega gideaba gayghwalach gatmooda buudeagaaschi ghana eareakghu abeeda ghang'wana gwadukuta uhuudaanyi.

GIIPKEATA DIIGHEANDA 29:18

Ashageada adagwarina jeedeang'wa ng'eedeeda ghana gatmooda ghana fugeaba ghoah ghana eemeeda, dea yamwa gurooroadaanyi eaweecheanji aba heeda NG'UTAMIIDA was ASEETEANG'WA, ak gawa gagadiiyeesa aseecheekeaba eemoojisu, mida bugusteang'wean abeeda gaygawuurji hawunyeanda jih furooda ea haghweega ng'weani,

Ebraniya 13:4

Geeshooda dasisiina mureeda buuneesean, nea eara bulaliida gagasa ea mandeawana ririnnyeanda; aba gideaba ASEETA gaygoorgweaksa fuga munyas ea gea mealuuli.

1 SAMWELI 15:32

Ng'ata gwayi Samweli, “Eani hiji Agagi sugoocheanda Amaleki.” Hean ghwaan Agagi nea ghaboadan. Gwayi Agagi, “Aba huumwa ng'weaninda miyeeda ning'ata.”