IITOODA 5:15 - Bibliyeeda Ghaydit

¹⁵ abeeda gaygageanda ng'eedeedida gatmoadaanyi, ak gaweay heeda ashoohoocheanda, ak gaygweadu haleanjeadaanyi bea ghadooweeda aba badaydaanyi, was gideaba damanamughuush was gilooheanagi bea dearanga shayiiri; nea mwayiina nagheeda badayda, nea mwayiina hideeda badayda; aba gideaba dearanga ghadooweeda gil bea beelda, ak ea haleanjeeda ghadooweeda was dearanga giipkeata jea eapkaada gidamuyi.

IITOODA 5:15 Mawu Ofanana

1 SUGOODIGA 17:18

Hean gwayeesha Eliya, “Geendeayeesi naaha, Ea orjeeda siida ASEETA? Gihidu heedeanyu apkeanean riing'eedeanyu ak ginung' ghwahidu miyeeda orjeedeanyu!”

ESEKIELI 21:23

Ng'asheanji aba heeda nyaawa gaygawuurji beeneetkweanduumeeda marachi gil, aba madeeda fuga ghayi aksa habeawooda, ak gayghwanung' eapkaat ng'asheega munyas ak geang'waay.

ESEKIELI 29:16

Misri abeeda maygut gwandeawa uurda, ak fuga Israeli ea maygut ghabwat fuga Misri, ak fuga Israeli gayghoapkaat giidiinyeanda nyaawa, aba gideaba saawa ghayi ghabwat fuga Misri, ak fuga Israeli gayghwanal gideaba aniini geawooschi NG'UTAMIIDA was ASEETA.”

HOSEYA 3:2

Hean geasheaysi geaw gatmooni aba shekeelaji damanamuut bea lapiya ea homeeri ea mushoota shayiiri.

NG'ASHEEGA LAWI 1:2

“Abaloola fuga Israeli ak giyeeshi saawa, Iideepa gwanda jeedeang'wa siida eadu lukghumajeega heeda NG'UTAMIIDA, geanana lukghumeadaang'u jeeda dugwa ghana jeeda hawanda nooga,

NG'ASHEEGA LAWI 2:1

“Ama eadu siida wassean booga ghoah haleanjeeda ghadooweeda was haleanjeeda ghadooweeda bea NG'UTAMIIDA, haleanjeeda jea ghwasabwa geadi gajea booga miyaas; ak gaygoohiisa badayda nagheeda, nea ghwayiin uhuuda hideeda ng'andit,

NG'ASHEEGA LAWI 5:11

“Ama deepa ea mweamu ghoadayda ghariibajeesu hees iyeenya ghana dayi iyeenya bea ghariibajeanda, abeeda gaygweadu ghoah haleanjeadaanyi bea ghadooweeda aba badayda riing'eeda ghayi sin, gilagi aba jeeda damanamughuush bea giloohaji damanamughuush bea dearanga miyaasiin ghoah gidasighadoawanda aba badayda riing'eeda; ak ea maygooguuyi nagheeda, ak ea maygooguuyi geediga ng'andidi, aba gideaba haleanjeeda sighadoawanda aba badayda riing'eeda.

IITOODA 5:16

“Ak gaygweadu ashoohoocheanda gatmooda gwaneekiit, ak ghwayiin madeeda NG'UTAMIIDA;

Ebraniya 10:3

Nea aba lukghumeani iissa ghwanung' eapkaat riing'eeda aba gilakweay.