IITOODA 32:23 - Bibliyeeda Ghaydit

²³ Ama moogasi asina ng'asheanji, abeeda agooga ea noosinyi riing'eeda aba madeeda NG'UTAMIIDA, ak abeeda ghoanali agooga gideaba riing'eeni iteang'wean majaghanyi ea mwanyaseagwa.

IITOODA 32:23 Mawu Ofanana

GIING'EETA 13:13

Abeeda fuga Sodoma ea munyas, ak gaba riing'a muuchi aba madeeda NG'UTAMIIDA.

GIING'EETA 4:7

Iisini ng'asheega miyaas, abeeda ea mwajeamwasnyi? Ama misini ng'asheega munyas, abeeda riing'eeda gwaneekiisa gidaghuuta; nea gagaseey, ak gagasa joara.”

GIING'EETA 44:16

Ng'ata gwayeesha Yuda, “Gajeeyeeshiineeyiin ng'utamiideanyu? Gajeebaloolana naaha? Ghana gajeamuustaan eeyeena miyeetiinya? ASEETA nidaah munyasnacheeka soomjoagaagu; ng'ula, aseasa geewooschi soomjooga ng'utamiideanya, aseasa ea siida sinyasa gikoombe.”

2 SAMWELI 3:39

Nea askweareani geawooschi ng'arng'ar, earapeadi simwaaran doaw sugoocheandean; nea fiisu was orjooga Seruyaan ea hang'oonyi aba heedeanyu. Dawalda NG'UTAMIIDA munyinda siida muy gawuurji giteena giidiinyeandaanyi!”

1 SUGOODIGA 2:32

Gaygoodeelsa NG'UTAMIIDA foojeandaanyi uhuudaanyi, aba gideaba damanda mandeawana iita Dawdi was bwaabwa, gwanuus aba ng'uta fih iyeenya doobiiweadi ea ghang'al niny, Abneri was orjeeda Neri, shirikarajeanda haw bea lugooda Israeli, ea Amasa, orjeeda Yeta, was shirikarajeanda haw bea lugooda Yuda.

1 SUGOODIGA 2:33

Hean foojeanyeeka nyaawa gaygabiiksa uhuuda Yoabu ea iheenga jeacheangaaschi gida manda muudeanooda; ak aba Dawdi, ea gheanyi, ea hoorgeadaanyi, gaygaba hoyyooyda jea gwaleabu heeda NG'UTAMIIDA gida manda muudeanooda.”

NYIIGHEEGA 139:11

Nea iyooyeenyi, “Geagasayi gookwealan misaneeda, nea ghwayamwa weeshinda neaweesean ghoah eaweeda;”

NYIIGHEEGA 140:11

Siida beera buuneeda adagamnyeen aba jeeda ng'eanyiida; ak munyinda ea danyasa fuga ng'ooweata ak ghwalas uhuuda!

NYIIGHEEGA 90:8

Ak ea niyiini munyasnacheakaasa madeadaang'u, nea riing'eegaasa funyaat gwanda heedeesh was madeeda gheanyangaagu.

GHWASIILDEANGA 13:21

Fuga riing'eega gayghwanyas ng'asheega munyas, nea fuga doobiiweadi gayghwanyas gea miyaas.

GHWASIILDEANGA 24:16

Aba gideaba siida doabiiwaat gayghoabeada niba ispwa ak ghang'eat gicha, nea fuga munyas searooji gaygwaruusa ng'asheega munyas.

GHWASIILDEANGA 5:22

Siida muy seara gajeang'waay aba munyindaanyi, nea gabwa geaw gayghoang'waay ghuduumbwaada aba jeeda riing'eadaanyi.

ISAYA 3:11

Dashageada siida muy! Gaygwanda badaydaanyi gidamuy aba gideaba gajeataw gidageatindaanyi.

ISAYA 59:12

Aba gideaba giidiinyeanyeekaasa nisaang'ayiit aba madeadaang'u, nea riing'eegaasa gamuuwu aba badaydeanya. Aba gideaba giidiinyeanyeekaasa geendeawi aseasa, ak munyasnacheakaasa ea sinali:

YONA 1:7

Gaba siisi eesha nuut, “Beeni eebwara lagheanga ak gajeanala siida bea ramaseanda ayi bwak ea ghoahiidu heedeanya munyinda.” Hean ghabwar lagheanga ak ghwanyas lagheaneeda Yona.

Ruumi 2:9

Ak gaygwanda deawiitmeeda ea sawanadeeda aba heeda buuneesean sina ng'asheega munyas, aba madeeda siida Yahudi ea siida Yunani,

1 Goriinto 4:5

Asi iissa ea adoorgweaksi ng'asheanda nea miighwahita damanda nea miighwahidu Ng'utamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda ASEETA.

YOSHUWA 7:18

Ak gweadu fugeaba gheanyi nea gapkeana agi, ak geegeanda Akaniheeda was orjeeda Garmi, bea orjeeda Sabidi bea orjeeda Sera, bea eemeeda Yuda, ak geegeanda.