IITOODA 32:22 - Bibliyeeda Ghaydit

²² ak geajoar ng'eanyiini aba madeeda NG'UTAMIIDA; abeeda iimuchu gabiikta, ak abeeda ea majandeawana giidiinyeanda aba madeeda NG'UTAMIIDA, ghana aba heeda Israeli; ak gayghoah ng'eanyiini deang'wa aba madeeda NG'UTAMIIDA.

IITOODA 32:22 Mawu Ofanana

2 SAMWELI 3:28

Iidu nea ghwayiiy Dawdi iita, gwayi, “Aniini ea sugoocheanduumeedeanyu maygwanda munyinda aba madeeda NG'UTAMIIDA damanda manda muudeanooda aba badayda foojeanda Abneri orjeeda Neri.

NYIIGHEEGA 78:55

Hean ghahoan eemoojiga aba madeanyaawa, ak gageanu ng'eanyiida nyaawa gwalakiisa ak Israeli ghoah daanyaawa, ak ghwanung' goobiida eemoojiga Israeli jeesinga maheemajeega nyaawa.

NG'ASHEEGA LAWI 14:34

“Eaweeda ihitaawi ng'eanyiida Ganaani, eagoonyeegwa ghoah deang'wa, gaydayiin geeyooda udamusuura jeeda ng'eanyiida jea ghoah deang'wa,

IITOODA 32:21

nea giliwas ng'eedeeda bea ghaheang'wa mideawa dabita ng'ucheeda gayghoaghaawa Yordani aba madeeda NG'UTAMIIDA, bwak ea gooruuta weajoodigaaschi aba madeadaanyi,

GIIPKEATA DIIGHEANDA 3:20

bwak ea ghoadaw NG'UTAMIIDA buweadeegeagwa fuufeanda, gawuurjeeweegwa, nea goombali ng'eanyiida adaw NG'UTAMIIDA was ASEETEANG'WA giigheawda Yordani ama ng'ata gaygaba siisi biikta heeda ambaliischeewa was heeda agoonyeegwa.’

YOSHUWA 1:15

ea ghoadaw NG'UTAMIIDA buweadeegeagwa fuufta gawuurji gidaghayi goondaneegwa ak geembal ng'eanyiida ghayi adaw NG'UTAMIIDA was ASEETEANG'WA saawa; ng'ata gajabiiksiina ng'eanyiida ghayi iteang'wa oombali, ak gajoombala was ng'eanyiida guh Musaheeda was siida gadiyeeda bea NG'UTAMIIDA was giigheawda Yordani bea heeda biyeara.”

YOSHUWA 10:30

ghwayiin gicha NG'UTAMIIDA ng'eanyiida ea sugoocheandaanyi geatinga fuga Israeli; ak ghabwar aba ng'uta, ea fuga sean mida jeedida; ak ea moabuuda siisi ghuh aba jeeda; ak gwasima sugoocheandaanyi gidasima sugoocheanda Yeriko.

YOSHUWA 10:42

Ak ghoang'waay Yoshuwa sugoodisu seaniin ea ng'eanyiida nyaawa sean aba damandida aba gideaba NG'UTAMIIDA was ASEETA Israeli, gang'uchi aba badayda fuga Israeli.

YOSHUWA 11:23

Hean ghoang'waay Yoshuwa ng'eanyiisean, gawuurji gidarukusiinda NG'UTAMIIDA ng'asheega sean Musa; ak ghoadaw Yoshuwa fuga Israeli gwahearan, nea gwaheeli gaba nih bea eemeadaanyi. Ak gwayi saw ng'eanyiida ak ea mudugwanda ng'ucheeda.

YOSHUWA 13:8

Sea fuga mwaatkwa bea eemeeda Manase silach bugusta, ea fuga Rubeni ea gea Gadi ghwanyas hearaniischooda nyaawa, adaw Musa saawa, bea giigheawda Yordani bea meatkweeda ghayeawa, gawuurji gida ghayi adawda Musaheeda was siida gadiyeeda NG'UTAMIIDA:

YOSHUWA 18:1

Hean ghabwat geat fuga sean bea Israeli aba ng'eanyiida Shilo, ak geamiinda maheemajeanda siroondooscheesa aba hoowa; nea abeeda ea nijoar fuga Israeli fugeaba ng'eanyiita.

YOSHUWA 2:19

Nea gili was sih jea gwarina gidaghuuteaba gheang'u ak gawa naweeda abeeda foojeandaanyi gaygwanda uhuudaanyi nea gabwageaw, ak aseasa ea majeendeawana ramaseanda; nea geatinda iisiyiin uhuumba siida wassean indeayeesi jeeda gheeda, foojeandaanyi gaygwanda iheengaasa.

YOSHUWA 22:4

Ak ghamneawa NG'UTAMIIDA was ASEETEANG'WA niidaw fuufta fugeagwa ooduupcheewi, gawuurji gida ghayi rukusiinda saawa; asi ayamni geat ak gooweayi gealgeagwa mida jeeda ng'eanyiida oombali, ghayi gooneegwa Musaheeda was siida gadiyeeda NG'UTAMIIDA sigooneegwa bea giigheawda Yordani.

YOSHUWA 22:9

Hean gabiikta gealga nyaawa fuga Rubeni ea gea Gadi ea fuga silach bugusta nibiyeenya bea eemeeda Manase, ak gwariteawa jeeda fuga Israeli aba Shilo, mida ng'eanyiida Ganaani, ak gaweay ea ghwahita ng'eanyiida Gileyadi; ng'eanyiida nyaawa ghayi ambal saawa gawuurji gida ghayi rukuteayda NG'UTAMIIDA aba naweeda Musa.