IITOODA 32:1 - Bibliyeeda Ghaydit

¹ Abeeda orjooga Rubeni sea orjooga Gadi gwandeawa hawaniga saang'a bea dugwa; ak ghwadaah ng'eanyiida Yaseri ea ng'eanyiida Gileyadi, ak ging'ulayi, ng'eanyiini ng'eanyiida miy aba dugwa.

IITOODA 32:1 Mawu Ofanana

GIING'EETA 13:2

Abeeda Abramu nibaruur aba dugwa, ea lapiya, ea dahaabu.

GIING'EETA 13:5

Eara Lutuheeda adeayi sea Abramu eara niny gwandeawa hawanda ea dugwa ea maheemajeega,

GIING'EETA 29:32

Gagweayiit Leya ak gwaji baleanda, ak gaguura gheawungaaschi Rubeni; aba gideaba gwayi, “Nih nidaah NG'UTAMIIDA sawanadeedeanyu; asi aba huumwa ghamneawa siyeedeanyu gayghabwariinyan.”

GIING'EETA 47:4

Gwayeesha saawa Farao, “Aseasa geapkaanyi eepiidana ng'eang'i; aba gideaba manda nyeega dugwa soomjoagaagu; aba gideaba ning'waaniit geejeeda aba ng'eanyiida Ganaani; ak ghamneawa geemuscheey, nung' goobiida soomjoagaagu ng'eanyiida Gosheni.”

2 SAMWELI 24:5

Hean ghoaghaawa Yordani, ak gawus aba dirbeayda Aroeri, was mujiineeda mida jeeda moangoachiyda ng'eanyiida Gadi ea ghwahita Yaseri.

2 SAMWELI 24:6

Ak ghapka ea ghwahidu Gileyadi, ea ghwahita Gadeshi mida ng'eanyiida Hiti; ak ghapka ea ghwahidu Dani, hean ng'eada Dani gwaneayeada ea ghwahita Sidoni,

1 DAMANYOOJIGA 4:41

Fiisu sing'waar gheawunga nyaawaan ghapka ng'eanyiita damanda Hesekiya was sugoocheanda Yuda, ak geabwaanyaada maheemajeega nyaawa sea gea fuga Meunimu ghayi sinyasa hoowa, ak gealas uhuuda ea ghoah ghamneawa, ak goobiida ng'eanyiida nyaawa, aba gideaba hoowa gwanda nyeega jea ghwaak nooga nyaawa.

RITEAYDA 12:38

Ghwascheang'da gaweay nea gaguuyi eemeetuw adeayi saawa, ea dugwa saang'a, sea gisilga ea haleanjeeda saang'a.

YEREMIYA 22:6

Aba gideaba gwayi NG'UTAMIIDA aba badayda gheeda sugoocheanda Yuda: “‘Ghamneawa eara dagalaneeyi Gileyadi, Nea geagalaneey geawunda Lebanoni, Aba huumwa gaydanung' huwa eeshtearajeanda, Ea mujiineeda moobiiteena jeeda sih.

YEREMIYA 48:32

Geayeawdaneey ang'iing'i, boostaaneeda Sibma ea ghang'al fuga Yaseri! Damealgaagu niweay ea ghoaghaawa basooda, ak gaweay ea ghwahita basooda Yaseri; ak ea niibisa haghweagaagu bea geayda dea jea gwanyarja ea sabiiboadaang'u jea laja.

YEREMIYA 50:19

Ak gaydeadeelsa Israeli ng'eanyiida nyaawa, ak gayghwaak booga jea ghwaheas uhuuda giijeega Garmeli ea Bashani, ak gaygwalang'u aba uhuuda heayeeniga Efraimu ea Gileyadi.

YEREMIYA 8:22

Neada ea manda meajooda aba Gileyadi? Neada ea manda meang'nyeanda hoowa? Ghwasaan saseeda hudeaba fugeasu miighahaap?

MIKA 7:14

Ahaaghwana fugaagu aba bileangidaang'u, hawanda hearaniischoadaang'u, was dea apteada nea gaba geaw aba jeeda dareabeeta mida jeeda shiidaneeda ng'eanyiida; nung' ghoajeada saawa aba jeeda ng'eanyiida Bashani ea Gileyadi gawuurji eawoojigeaba garayi.

IITOODA 21:32

Ng'ata goojeakta Musa buuneeda gaweay gagwalsa ghaang' ng'eanyiida Yaseri, ak ghoang'waay mujiinajeagaaschi, ak ghahoan fuga Amori nyasa hoowa.

IITOODA 32:2

Hean gaweay orjooga Gadi sea orjooga Rubeni ak gaweay heeda Musa ea Eliyasari was ashoohoocheanda, ea gweargwa girgweageeda, ak gabalool sea saawa, nea gwayeesha,

IITOODA 32:26

Diibigaasa, ea gadeemgaasa, ea gisilgaasa, ea dugwaasa sean, gaygoobiida hiji bea mujiinajeega Gileyadiin;

IITOODA 32:3

“Ataroti ea Diboni, ea Yaseri, ea Nimra, ea Heshboni, ea Eleale, ea Sebamu, ea Nebo, ea Beoni,

IITOODA 32:35

ea Atroti-shofani, ea Yaseri, ea Yogobeha;

GIIPKEATA DIIGHEANDA 33:21

Gwaloosa geaw heeda was shiidaneeda ng'eanyiida, aba gideaba heesiitiiwsa mughuusheanda siida hawi; ak ghwahidu heeda fuga mida madeeda buuneeda, ea girgweaksiindaanyi bea fuga Israeli, ak gwasin gitoobiiwsa NG'UTAMIIDA.”

YOSHUWA 13:25

Ng'eanyiida nyaawa Yasa gil ea mujiinajeega sean bea Gileyadi, ea ng'eanyiida fuga Amoni silach bugusta nibiyeenya, ea ghwahita Aroya mida gayeewda Raba,

YOSHUWA 22:13

Hean goojeakta fuga Israeli Finehasi was orjeeda Eliyasari was ashoohoocheanda, heeda fuga Rubeni ea fuga Gadi ea eemeeda silach bugusta nibiyeenya bea Manase, aba ng'eanyiida Gileyadi,

YOSHUWA 22:9

Hean gabiikta gealga nyaawa fuga Rubeni ea gea Gadi ea fuga silach bugusta nibiyeenya bea eemeeda Manase, ak gwariteawa jeeda fuga Israeli aba Shilo, mida ng'eanyiida Ganaani, ak gaweay ea ghwahita ng'eanyiida Gileyadi; ng'eanyiida nyaawa ghayi ambal saawa gawuurji gida ghayi rukuteayda NG'UTAMIIDA aba naweeda Musa.

1 Yohaana 2:16

Aba gideaba haleanjeeda sean mida muunda ng'eanyiida, was haleanjeeda gasa saseeda ea haleanjeeda gasa gheanyanga ea ghwarjeeda eaweega, suh maleapna heeda Ghweanda, gwaleabu heeda ng'eanyiida.

FUGA LAJA GIRGWEAGUUTKA 5:16

Ghwasaan inyas giibiidi jeeda jabooda nooga, gigasayi aleeysiina iit durumbeati gisiguuriisiina hawaniga? Aba jeeda dooshinga Rubeni gwanda gidagasa guroorooda aba uurda.