IITOODA 3:10 - Bibliyeeda Ghaydit

¹⁰ Ng'ata gayloada Haruni ea orjoagaaschi, ak gaygwasin gadiyeeda nyaawa bea ashoohoocheanduumeeda; nea iineekiisa siida wassean, gajeabwar ghami.”

IITOODA 3:10 Mawu Ofanana

2 SAMWELI 6:7

Ak ghwayeat nyarasta NG'UTAMIIDA aba badayda Usa; ak ghwalas ASEETA niny aba gideaba gooheaksa geatinda sandakwajeanda neajeeda; ak gameewsa murdeeda sandakwajeanda neajeeda bea ASEETA.

1 SUGOODIGA 12:31

Hean gwasin gealga aba heeda geaw, ak ghwaloat ashoohoodiga aba jeeda buuneesean mawoosa eemeeda Lawi.

1 DAMANYOOJIGA 6:32

Ak gwasin gadiyeeda sarmeeda aba madeeda maheemajeanda siroondooscheesa was heeda wagiida bwak ea ghwadeas Sulemani gheeda NG'UTAMIIDA aba Yerusalemu; ak gwasin gadiyeeda nyaawa nea gwalageanyi.

NEHEMIYA 6:11

Ak geayeenyi, “Heapi siida uurjeewean gaygamng'awi? Ak ea ng'eaha dea uurjeewean jea gawa jeeda gheeda sibata ASEETA ghoaghu eaweagaaschi? Aniini maydawa jeeda.”

RITEAYDA 29:9

ak giradi mananuunatka nyaawa Haruni ea orjoagaaschi ak gishuubi iheenga nyaawa ngoofajeega, ak ashoohoocheanduumeeda gajea daanyaawa gil gidamanda muudeanooda, ak gajiina Haruni ea orjoagaaschi jeeda gadiyeeda.

ESEKIELI 44:8

Ak ea mii afura haleanjeedeanyu ghaydidi, ak ea noogakiisi geat rabasta gafur heedeanyu ghaydit.

NG'ASHEEGA LAWI 22:10

“Dea was rabascheanda siida maba dooshta Lawi mayghwaak gidaghaydit. Ea rabascheanda gheeda ashoohoocheanda gil ghana ea siida siitaw gadiyeeda mayghwaak gida ghaydit;

IITOODA 1:51

Nea iissa iijea gawa maheemajeanda mwadi, nea iijea eengoor maheemajeanda, iissa gayghwahiing'u fuga Lawi, nea rabascheanda jea gwaneekiisa gajeabwar.

IITOODA 16:10

ea gideaba niyeaneey gooneekiinyi, sea orjooga giyeang'wa sean was orjooga Lawi sea ang'iing'i? Ama agooga googasayi eara ashoohoocheanduumeeda?

IITOODA 16:35

Ak gwashuubean beasta leabu heeda NG'UTAMIIDA, ak ghwalas uhuuda fuga nyiit bughalaji iyeenya ea haradam ea damanamughuush ghwarda hideedean.

IITOODA 16:40

ak ghoah gichea goopkeadi fuga Israeli, ak abeeda rabascheanda wassean maba jeata Haruni, ea adagwaneekiit ghaghwarda hideeda aba madeeda NG'UTAMIIDA; ea mawuurji sea Gora, ea buuneadaanyi; gawuurji gidabaloolda NG'UTAMIIDA niny, aba geatinda Musa.

IITOODA 18:3

Ak gaygafuriischi aba diigheandaang'u, ea furooda maheemajeanda sean; ak ea adagwaneekiisa dabita mida heeda ghaydit, ghana heeda wagiida, gajiidu gameewa, saawa ea agooga.

IITOODA 18:7

Nea ang'iing'i ea orjoagaagu gajang'ula ashoohoocheanduumeedeang'wa, aba badayda giliwas gil bea heeda wagiida, ea aba badayda haleanjeeda mida jeeda hang'da beashooda, ak gajasina gadiyeeda. Geagoonyeegwa ashoohoocheanduumeeda ghoah gadiyeeda miy sigooneegwa; nea rabascheanda jea gwaneekiit gajeabwar ghami.”

IITOODA 3:11

Hean ghwalamda NG'UTAMIIDA ak gwayeesha Musa,

IITOODA 3:38

Ak fugiga jea gooduuwsa madeeda maheemajeanda duukusa heeda ghayeawa, was madeeda maheemajeanda siroondooscheesa duukusa heeda arearuuna aseetean, gajea suh; Musa gil ea Haruni sea orjoagaaschi, ak gaygafur heeda ghaydit, ea furooda orjooga Israeli; nea rabascheanda jea gwaneekiit gajeabwar ghami.

Ruumi 12:7

ii gadiyeeda gil, aba jeeda gadiyeedeanya; ama ii siida anealshi, aba jeeda giinealshoadaanyi;

Efeeso 2:19

Asi ghang'eada ghamneawa agooga moowoosi rabasta ghana fuga ng'ata, goowooschi fuga bea ng'eanyiida sea fuga ghaydidi biissa awoosa fuga gheeda ASEETA,

GIIPKEATA DIIGHEANDA 18:5

Aba gideaba NG'UTAMIIDA was ASEATAANG'U niloat niny aba bugusta eemoojigeagwa, ghamiinaada ak gagadiiy aba gheawunga NG'UTAMIIDA, niny ea orjoagaaschi gida manda muudeanooda.

Ebraniya 8:4

Inyeeda gwachi gwanda badayda ng'eanyiida, ea mayghoah ashoohoocheanda earahay, nea gwanda ashoohoodiga adayiida haleanjeeda aba ginyaashta deaweeda.

FUGA LAJA GIRGWEAGUUTKA 17:5

Nea siisi was Mikahiin gwandeawa gheeda aseecheeka, ak gwasin sanaamu ak ghaghwal orjeanagi aba jeeda orjoagaaschi ghoah ashoohoocheanda.

1 SAMWELI 6:19

Ak ghabwar fuga mwaatkwa bea Bet-shemeshi, aba gideaba goong'weersa jeeda sandakwajeanda neajeeda bea NG'UTAMIIDA; ak ghabwar fih laadam ea damanamughuush aba jeenyaawa, ak gagiisan aba gideaba nibwar NG'UTAMIIDA fuga saang'a aba jeeda buuneeda.