IITOODA 28:6 - Bibliyeeda Ghaydit

⁶ Nih haleanjeeda ghadooweeda sighwarda galeagasean, ghayi sirugu aba giijeeda Sinayi ghoah shearooda ng'andit gil, was haleanjeeda ghadooweeda sighwarda bea NG'UTAMIIDA.

IITOODA 28:6 Mawu Ofanana

2 DAMANYOOJIGA 2:4

Ng'ula ghaadeaschi gheeda aba gheawunga NG'UTAMIIDA, was ASEETEANYU, ak ghaaghaydiichi ghoah heeda wagiida, aba lukghumajeega sigwariida ng'andidi, ea mukaateeyda giihiimnooda bea galeagasean, ea haleanjeeda wagiida sigwariida bea sakteayda ea shing'ada, ea gea eawoojiga sabaato, ea gea sheeda eesh, ea gea ghweelmeeda ghayi rugu NG'UTAMIIDA, was ASEETEANYA. Nih diigheanda manda muudeanooda gil aba heeda fuga Israeli.

2 DAMANYOOJIGA 31:3

Nea gujaweeda sugoocheanda bea jeeda meanang'oocheanduumeadaanyi gaba haleanjeeda sisabwa geadi sigwariida; haleanjeeda sisabwa geadi sigwariida bea sakteayda ea shing'ada, ea haleanjeeda sisabwa geadi sigwariida bea sabaato, ea sheega eeshish, ea ghweelmajeega siloat gawuurji gising'oarda aba jeeda deaweedeeda NG'UTAMIIDA.

ESRA 3:4

Ak geang'waay ghweelmeeda sisna udahabeaschajeega, gawuurji gissing'oarda, nea geetayiida haleanjeeda ghadooweeda sighwarda galeagasean nea geanung' gabadiina agi aba gidanyaashta deaweeda, aba gidamiisa giliwas askwearja,

NYIIGHEEGA 50:8

Maydareekuseey aba badayda lukghumajeagaagu; haleanjeadaang'u bea ghadooweeda sighwarda gwanda madeedeanyu galeaga sean.

RITEAYDA 24:18

Ak iidu gawa Musa jeeda shamooghoodida, ak gwadiyeada gawa uhuuda giijeeda. Musa goobiida uhuuda giijeeda eawooji haradam eawa ea askweari.

RITEAYDA 31:18

Hean damanda ahiida baloolda sea niny, aba uhuuda Giijeeda Sinayi, ghoadaw Musa laghean iyeenya baragi bea muuwuunooda, lagheanga ng'oar ASEETA aba mooneeda.

ESEKIELI 46:14

Ak gilinyoo ea sakteayda gil gajeatayda haleanjeeda sisapa geadi was dearanga. Gilagi aba jeeda gea as lah bea giihearmoanagi ea gilagi aba jeeda gea as samwagu bea bayoagagi bea nagheeda. Ak gajeekuuyi dearangiga miyaasiin was haleanjeeda sisapa geadi galeaga sean was dearanga bea NG'UTAMIIDA, ak nih ea deaweeda gil jea eesina damanda manda muudeanooda.

ESEKIELI 46:15

Gilinyoo ea sakteayda gil gajeataw Ng'utamiida dayeenda gisilleanda, ea dearanga, ea nagheeda ghoah haleanjeeda ghadooweeda bea galeaga sean.

NG'ASHEEGA LAWI 27:34

Suh digheanyeeka ghayi rukusa NG'UTAMIIDA Musa aba badahuuka fuga Israeli aba uhuuda Giijeeda Sinayi.

NG'ASHEEGA LAWI 6:9

“Rukusiina Haruni ea orjoagaaschi gideaba, Nih deaweedeeda haleanjeeda ghadooweeda sighwarda. Haleanjeeda jea eaghwarda aba heeda wagiida eaweesean ea gamuchu, ak beasta heeda wagiida gajeanung'waada ghwayeat.

AMOSI 5:25

“Heapi ghayi nooyeanean lukghumeeda ea haleanjeeda sisabwa geadi bea ghadooweeda gweanyeew haradam ghayi oondeewi aba jeeda dareapcheeda? Ea fuga gheeh Israeli.

IITOODA 28:5

ak gajadayda gideaba damanamughuush bea gilo bea dearanga miyaasiin ghoah haleanjeeda ghadooweeda was booga siikuuyi sea gidameagweena iyeenya bea ghadeeda nagheedeesh.

IITOODA 28:7

Nea haleanjeadaanyi bea ghadooweeda sileeha gajea gidameagweena iyeenya gil bea gikoombe aba dayeanaanjagi bea gisilleanda; nea heeda ghaydit gajahiisiina haleanjeeda ghadooweeda sileeha was difaayeeda ng'weani siitaw NG'UTAMIIDA.

Filippi 2:17

Eara eayiinan uhuuda haleanjeeda sisapa geadi bea ghadooweeda aba badayda masaweegeagwa, aniini geahoosanyi nea geang'weelayi sea agoogeeni seaniin.