IITOODA 27:18 - Bibliyeeda Ghaydit

¹⁸ Gwayeesha NG'UTAMIIDA Musa, “Geani Yoshuwa orjeeda Nuni, was siida mideawa guroorooda, ak giyiini geatindaang'u uhuudaanyi;

IITOODA 27:18 Mawu Ofanana

GIING'EETA 41:38

Ng'ata gwayeesha Farao sugoodigaaschi, “Geamuuschi eanyasa siida sunu mideawa Guroorooda ASEETA?”

1 DAMANYOOJIGA 7:27

ak gwaji orjeedaanyi siguura Nuni, ak gwaji orjeedaanyi siguura Yoshuwa.

RITEAYDA 17:9

Ghwalamda Musa ak gwayeesha Yoshuwa, “Gwalni headiga aba jeedeanya, ak guwi numuji ng'ucheewana fuga Maleki, aniini gaydamiinaada aba uhuuda heayeeda nea geandeawi bileangida ASEETA aba geatindeanyu.”

DANIELI 5:14

Aniini naanyaschi iitaang'u bea gideaba gindeawi guroorooda ghaydit bea aseecheeka, ea gideaba gwanda jeadaang'u weeshinda ea nalooda ng'asheega ea weaghuumeeda huumwa.

IITOODA 11:17

Ak gaydararang'aan aniini ak geabalooleey aba hoowa, ak gaydageanda meatkweenagi bea uurda guroorooda ghayi eagoonyeey ak ghaadawji fiisu; ak gayghwasar sareendeaba fiisu sea ang'iing'i ak ea misareani ang'iing'i nea gibwaageaw.

IITOODA 13:16

Suh gheawunga fuga ajeakta Musa gaweay gagwalsa ghaang' ng'eanyiida. Nea Hosheya orjeeda Nuni, gang'asa Musa gheawunga siguura Yoshuwa.

IITOODA 13:8

Aba jeeda eemeeda Efraimu, Hosheya orjeeda Nuni.

IITOODA 27:23

ng'ata ghwayiin geatingaaschi uhuudaanyi, ak gwarukusa ng'asheega, gawuurji gidarukuteayda NG'UTAMIIDA aba ghuuta Musa.

Yohaana 3:34

Aba gideaba siida ghayi ajeagu ASEETA iissa gabaloola ng'asheega ASEETA ak ghoadaw guroorooda nea moodeena;

Gadiyeeda Giijasoodiga 13:3

Iing'ata giiluuldeaydeaba geat ea mooshta ASEETA ghwayiin geatinga nyaawa iheengeaba fiisu ak geesiksa gaweay.

Gadiyeeda Giijasoodiga 19:6

Iidu nea ghwayiin Bawlo geatingaaschi iheenga nyaawa, gaba niishuubeesa Guroorooda Ghaydit; ghang'eat gaba niibaloola iit nuut nea gwaramoorani ng'asheega.

Gadiyeeda Giijasoodiga 6:3

Asi fuga eaduupcheewi, aloada fih ispwa aba jeedeaba fiisu miyaasiin searoojiin, mideawa Guroorooda Ghaydit, ak ea weaghoodi, ak gajeataw gadiyeani.

Gadiyeeda Giijasoodiga 6:6

Ng'ata geayaat fiisu madeeda giijasoodiga, ak ghamwaash ASEETA nea ghwayiin geatinga nyaawa iheenga nyaawa.

GIIPKEATA DIIGHEANDA 1:37

Gwanyareeksean NG'UTAMIIDA aba giidiinyeanyeekeagwa, ak gwayi, ‘eara ang'iing'i majuna jeedeaba ng'eanyiita.

GIIPKEATA DIIGHEANDA 3:21

Hean geayeeshi Yoshuwa aba damandida, ‘nidaahi aba gheanyangaagu gidahinda NG'UTAMIIDA was ASEETEANG'WA sugoodi iyeenya, hean ea gicha gwasin gil aba jeeda ng'eanyoojiga jea ookeawsiina.

GIIPKEATA DIIGHEANDA 3:28

Ng'ata giirgweaksi Yoshuwa, hean ak giihang'waanyi nea giidawi uurda, niny gaygoosheedeawa fiisu nea ghoaghaaw, nea gayghwanung' goombal ng'eanyiida jea daaha.’

GIIPKEATA DIIGHEANDA 31:14

Ghwalamda NG'UTAMIIDA ak gwayeesha Musa, “Ng'ula, eawoojigaagu jea meawana nineekiit, guursiina Yoshuwa, ak gooweayi jeeda maheemajeanda siroondooscheesa, ak gaydaadaw niny iita.”

GIIPKEATA DIIGHEANDA 31:23

Ak gwarukusa NG'UTAMIIDA Yoshuwa was orjeeda Nuni nea gwayeesha, “Daruusiida, nea guwoosi mwaayi, aba gideaba gajaada diibiga Israeli jeeda ng'eanyiida ghayi eayeaksi habeawooda gideaba gaydaadaw saawa. Ak gaydagoonyi eara ang'iing'i.”

GIIPKEATA DIIGHEANDA 31:3

Gayghoaghaaw NG'UTAMIIDA was ASEATAANG'U gawa madeadaang'u, ak gayghwanung' goosha eemoojisu aba madeadaang'u, ak gajambala ak gaygawa Yoshuwa madeadaang'u gawuurji gidanyaashta NG'UTAMIIDA.

GIIPKEATA DIIGHEANDA 34:9

Ak Yoshuwa orjeeda Nuni ghwanyiit guroorooda weaghuumeeda, aba gideaba goombiit Musa ak ghwayiin geatingaaschi uhuudaanyi, hean gooleeysiit fuga Israeli niny, ak gwasinda gidarukusiinda NG'UTAMIIDA Musa.

1 Dimotteo 4:14

Adinung'waadi gadiyeedida iimuusi mida jeadaang'uuni, sigoonyi aba ramooraneedean, ak ghwayiin gweargwa geatinga nyaawa uhuudaang'u.

1 Dimotteo 5:22

Adilamachsi iinda geatinga uhuuda siida nea ading'udi geaw riing'eega buuneesuurja. Ak gishageadi geaw ak giimiidu.

Ebraniya 6:2

aba iita giimiinnooda, ea iita iinda geatinga iheenga buuneeda, iita duunooda miyeeda, ea girgweageeda maygamuudean.

YOSHUWA 1:17

Gawuurji gidaghayi siileeysiindi iit Musa aba haleanjeeda sean, asi gajeeleeyseey iit; gagasa mideawana NG'UTAMIIDA was ASEATAANG'U, gawuurji gidaghayi indeayeati Musa.

FUGA LAJA GIRGWEAGUUTKA 11:29

Ng'ata ghwahidu guroorooda NG'UTAMIIDA heeda Yefta, ak ghwala bugusta Gileyadi ea Manase, ak ghang'ata ea ghwahita Mispa bea Gileyadi, ak iing'eada Mispaheeda Gileyadi ghang'ata gawa heeda fuga Amoni.

FUGA LAJA GIRGWEAGUUTKA 3:10

Ng'ata ghwahidu headaanyi guroorooda NG'UTAMIIDA, ak ghoah siichea gwalaja girgweaguutka fuga Israeli; Iing'ata gwarita gawa ng'ucheeda, hean ghwayiin NG'UTAMIIDA geatingaaschi sugoocheanda Mesopotamiya siguura Gushani-rishatayimu, ama ng'ata ghwajoar Gushani-rishatayimu.

1 SAMWELI 16:18

Ghwalamda siyagi aba jeeda fugaaschi bea gadiyeeda ak gwayeesha, “Ng'ula, aniini naadaayi orjeeda Yeseheeda Betlehemu, was siida geariir aba lasooda gidoondooriida, was siida daruus biissa ea siida ng'ucheeda, baloola weaghuumeeda, was siida miy; mideayi sea NG'UTAMIIDA.”