IITOODA 27:16 - Bibliyeeda Ghaydit

¹⁶ “Gidabal NG'UTAMIIDA, was ASEETA gurooruunatka haleanjeeda sean mideawa sasanuuka, ea dayiina siida jea ghoahaaghwa eemeeda,

IITOODA 27:16 Mawu Ofanana

1 SUGOODIGA 5:5

Ak ghamneawa geagasayi dadeas gheeda aba gheawunga NG'UTAMIIDA was ASEETEANYU, gawuurji gidarukusiinda NG'UTAMIIDA Dawdi was bwaabwa, ‘Orjeedaang'u, jea danung' goopteadawa hoorgeadaang'u, gayghwadeas gheeda aba gheawungeasu.’

2 SUGOODIGA 11:8

Gajaneaweesiina sugoocheanda aba meadajeega sean. Nea gaba siisi mideawa dabitaanyi bea ng'ucheeda, nea giliwas sih nyooh gwaneawu gajeenuus. Ak gajooteayeena sugoocheanda, iirita nea gabiigu gah.”

REEKUSIINDA 12:7

Ak gabiiksa birjeanda ng'eanyi gawuurji gidaghayi uurji, nea guroorooda gabiiksa ASEETA ghayi guh.

YEREMIYA 3:15

“‘Ak gaydagoonyi jeagiischoodiga gasa gurooroodeanyu, jea ghoahaaghwiidaneegwa fughareeda ea nalooda.

YEREMIYA 32:27

“Ng'ula, aniini geawooschi NG'UTAMIIDA was ASEETA, fuga sean heapi gwanda ng'asheanda hang'waay was sean mwaamuusi?

YEREMIYA 38:16

Hean gweaksa habeawooda sugoocheanda was Sedekiya Yeremiya aba makcheameeda nea gwayeesha, “Aba gidabiideata NG'UTAMIIDA ninyeeda ghayi sinneasa gurooruunatkaasa, maydanuusnyi nea maydayiinyi geatingeaba fiisu gasa gwanuusnyiin.”

ESEKIELI 18:4

Ng'ula, gurooruunatka sean geasu gil. Guroorooda ghweanda ea dea orjeeda deanyu gil, nea dea sina riing'eeda gayghami.

ESEKIELI 34:23

Ak saawa gaydanyaksa jeagiischoocheanjagi Dawdi was siideanyu bea gadiyeeda dea jea ghoahaaghwa saawa gil. Gayghoahaaghwa saawa ak gayghoah jeagiischoocheanda nyaawa.

ESEKIELI 37:24

“Abeeda siideanyu bea gadiyeeda was Dawdi gayghoah sugoocheanda nyaawa. Ak jeagiischoocheanda nyaawa gajea agi, ak gayghwaat geeshta hamurajeegeasu, nea ghoang'waay deaweedajeegeasu.

IITOODA 16:22

Hean ghoabeada nea ghabwada jeesinga ng'eanyi, nea gwayi, “Ea ASEETA, ASEETA bea gurooruunatka gilinyoo gwandeawa saseeda, gaygwasin siyagi riing'eeda, ak gaynyareeksiina fuga sean bwatgeat?”

IITOODA 27:15

Hean goobalool Musa NG'UTAMIIDA nea gwayeesha,

Mattayo 9:38

asi amoasha Ng'utamiida bea booga goojeagu fuga gadiyeeda ghapka ghwalach boagaaschi.”

Yohaana 10:11

Aniini geawooschi haghweadoocheanda miy. Haghweadoocheanda miy iissa ghoaghaashta eaweagaaschi aba badayda gisilga.

Gadiyeeda Giijasoodiga 20:28

was gea ghayi nung' Guroorooda Ghaydit ahuwa fuga jea ghoahaaghwa, ak goong'ulayi ganiiseeda ASEETA ghayi nyas aba foojeanda Orjeedaanyi bea saseadaanyi.

GIIPKEATA DIIGHEANDA 31:14

Ghwalamda NG'UTAMIIDA ak gwayeesha Musa, “Ng'ula, eawoojigaagu jea meawana nineekiit, guursiina Yoshuwa, ak gooweayi jeeda maheemajeanda siroondooscheesa, ak gaydaadaw niny iita.”

Ebraniya 12:9

Murdeedeaba ng'asheesu, geendeawi ghweanigaasa bea ng'eanyiida jea ghwalaseasa ak geesisi saawa mureeda. Abeeda ea mammiiseasa muuchi gideaba gajeetuuksiina geat Bwaabeeda gurooruunatka ak geanyaschi eaweega?

1 SAMWELI 12:13

Asi ghamneawa ang'ula sugoocheanda ealoachi, ghayi oomuschiin; ang'ula niyiin NG'UTAMIIDA sugoocheanda madeedeang'wa.