IITOODA 24:9 - Bibliyeeda Ghaydit

⁹ Ghwahiiy geaw, ak gwalil gawuurji ng'adiida, ak gawuurji soorearda; gayghwasat ng'eaha ak ghang'eat? Ak ea deatawa ghawooda dea wassean goonyi ghawooda, ak ea deamwaashta dea wassean mwaashtaneey.”

IITOODA 24:9 Mawu Ofanana

GIING'EETA 12:3

Gaydaadaw ghawooda fuga goonyi ghawooda, nea siida mwaashtaneey gaydamwaashta; nea aba badaydaang'u gayghoadaw ghawooda eemoojiga sean bea muunda ng'eanyiida.”

GIING'EETA 27:29

Gidabal ghoah buuneeda soomjoagaagu ak gwatkuy eemoojiga aba madeadaang'u Huwa ng'utamiida ambala orjooga geamadu, ak gwatkuy orjooga giyeang'wa aba madeadaang'u. Gagasa eamwaashta siida mwaashtaneey, ak geataw ghawooda siida goonyi ghawooda!”

GIING'EETA 49:9

Yuda gawuurji sea ng'adiida, aba shageata, orjeedeanyu guwi ak gibiigu. Ghoadoabiiw geaw ak gwalil aba ng'eanyi ak gwahinda geaw ng'adiida, ak gawuurji soorearda; manda siida ammu ghwasat.

1 SUGOODIGA 10:20

ak hean ng'anyeew damaniyeenya, ghamiinaada aba hoowa, ak gaba nih miinaada aba gidingeanda, aba heeda gidingeayooji lah. Ak ea manda gisisin aba jeemba sugoocheanduumeeda wassean.

2 DAMANYOOJIGA 9:18

Nea hoorgeeda geegala geeshan lah, nea geeshanga apteadawa geesina dahaabu, sing'oosiinyi geat sea hoorgeeda, nea meatkwajeega sean bea hoorgeeda gwanda geatinga nea ghamiinaada ng'anyeew iyeenya aba murdajeega geatinga,

ESTA 6:13

Ak gwarukusa Hamani gatmoadaanyi was Sereshi ea fugaaschi duupchi ng'asheega sean nyas niny. Hean ghwalamda fugaaschi mideawa weaghuumeeda ea gatmoadaanyi was Sereshi ak geeyeesha niny, “Inyas ghoabeada Mordekai aba madeeda siida ning'eat giibeedeayda, iibea fuga Yahudi, abeeda siisi ea majamuusa gajabeada aba madeadaanyi.”

AYUBU 41:10

Manda dea ng'waan jea gabadaksa ak ghwaheat asi ghoamu ng'eaha ghamiinaada aba madeedeanyu?

NYIIGHEEGA 122:6

Amwaasha ASEETA ghawooda aba badayda Yerusalemu: “Gagasa gamnyeeni fuga bwariinyi!

NYIIGHEEGA 2:12

Oang'waanya ng'asheega miyaas, adiidu ghwanyareas ak goorootiisi naweeda, aba gideaba nyarastaanyi gaygabay ghwayeat; ghang'wana fuga mang'awsa headaanyi.

RITEAYDA 23:22

“Nea iileeysiit ghuutaanyi aba huumwa, ak gisini ng'asheega sean eargu, abeeda gaydoaw weajoocheanda weajoodigaagu nea geawooschi siida jea gwasawan gea sawanyi.

ISAYA 31:4

Aba gideaba gwayeeshiinean NG'UTAMIIDA, gidamuumiida ng'adiida ghana dayeenda ng'adiida damanda fureewa shageataanyi, asi eara eeguursa jeagiischoodiga saang'a gang'uchi mayghoabeal aba nyeashta nyaawa nea mayghang'ut giyoonda aba ghuusiga nyaawa, asi NG'UTAMIIDA lugweega gayghwararang'aan ghwahidu gang'uchi Giijeeda Sayuni ea heayeenigaaschi

MIKA 5:8

Ak gheaptanga Yakobo gaygoobiida bugusta eemoojiga, aba bugusta fuga saang'a, gawuurji ng'adiida aba bugusta diyeanga dareabeeta, nea gawuurji dayeenda ng'adiida aba bugusta hawanda gisilga, sik bugusta, ak gooleapsa ng'eanyi nea ghabwaashaada, ak ea manda siida jea ghaweat.

IITOODA 22:12

Ghwalamda ASEETA ak gwayeesha Balaamu, “Adiideayeewi; ak ea adumwaashti fiisu, aba gideaba siitaw ghawooda.”

IITOODA 22:6

Asi beeni ang'iing'i, mooshteaynean fiisu, aba gideaba gaburdeawean uurda muuchi; gwadeepa abeeda dajoar saawa ak ghaahoani jeeda ng'eanyiida; aba gideaba aniini ghaanali siida iidawi ghawooda, siitaw ghawooda, nea siida iimwaashti ea simwaashta.”

IITOODA 23:24

Ang'ula, fiisu ghabeada ng'adiida was soorearda, ak gawuurji ng'adiida ng'eat, maygwalil ea eaghus ghwaak diyeayda, nea ghwali foojeanda diyeanga ang'waay.”

IITOODA 24:10

Hean ghwayeat nyarasta Balaki aba badayda Balaamu ak ghabwar geadi, ghwalamda Balaki ak gwayeesha Balaamu, “Geaguurneey mooshteaynean weajoodigeasu, ak ging'ulayi, ak ghamneawa ea niidawi ghawooda muuchi niba samwagu.

Mattayo 25:40

Ghwasha Sugoocheanda nea gwayeesha, ‘Aba huumwa gaydayeeshiineegwa, gili wassean noosisi siyagi aba jeedeaba orjusu bea giyeanya manang'iin goosinnean aniini.’

Mattayo 25:45

Ak gaygwayeesha niny, gaydayeeshiineegwa, ‘Aba huumwa, ghayi iissa iyoaheawi asisiina ng'asheesu siyagi aba jeedeaba orjusu manang'iin, abeeda ghoaheawi asinnean aniini.’

Gadiyeeda Giijasoodiga 9:5

Gwayeesha, “Ang'iing'i ng'eaha gil, Ng'utamiida?” Ghwasha nea gwayeesha, “Aniini geawooschi Yesu, dea ghamneawa ighabwasi;

GIIPKEATA DIIGHEANDA 30:7

Abeeda gayghwayiin NG'UTAMIIDA was ASEATAANG'U mooshteayeeksu badayda fuga sinyi ea weajoodigaagu ea gea sawanyi.