IITOODA 23:8 - Bibliyeeda Ghaydit

⁸ Gaydamwaashtaaydaan siida mii ghamwaashta ASEETA? Gaydanyareeksiindaan siida mii gwanyareeksa NG'UTAMIIDA?

IITOODA 23:8 Mawu Ofanana

GHWASIILDEANGA 26:2

Ak gawuurji dariideanda ghana udabwaraada iing'eata ak ea mwaapta, ak eara mooshteayda mamiisiina siida mayghwanyas.

ISAYA 44:25

Inyeessa ghaadataschi gwadeagooda fuga ng'uyeega, nea ghaanung' gwadasheahiidi fuga was meanga; nea ghaaheawi ng'asheega fuga mideawa weaghuumeeda, nea ghaayamji fughareenga nyaawa ghoah leendeeda;

IITOODA 22:12

Ghwalamda ASEETA ak gwayeesha Balaamu, “Adiideayeewi; ak ea adumwaashti fiisu, aba gideaba siitaw ghawooda.”

IITOODA 22:6

Asi beeni ang'iing'i, mooshteaynean fiisu, aba gideaba gaburdeawean uurda muuchi; gwadeepa abeeda dajoar saawa ak ghaahoani jeeda ng'eanyiida; aba gideaba aniini ghaanali siida iidawi ghawooda, siitaw ghawooda, nea siida iimwaashti ea simwaashta.”

IITOODA 23:20

Ng'ula, sigoonan diigheanda jea daadaydaawa ghawooda, niny niidayda ghawooda, ak ea mwaamuusi deadeelu.

IITOODA 23:23

Aba huumwa manda geedi ghana beeneediga, ghana ng'uta aba badayda fuga Israeli. Asi ghamneawa iita Yakobo ea Israeli gajeergu, ‘Ng'ula, gidanisin ASEETA!’

IITOODA 23:7

Ak ghang'eat ghwasiildeangaaschi, nea gwayi, “Balaki gweananean Aramu, sugoocheanda Moabu aba giijeega ghayeawa, ‘Beeni, mooshteaynean Yakobo, ak gibeenu, nyareeksiina Israeli!’