IITOODA 22:5 - Bibliyeeda Ghaydit

⁵ Hean goojeakta buuneeda heeda Balaamu orjeeda Beori, mida Betori, mida ghuuta Eenda, aba ng'eanyiida Amawi ak gaguursa nea gwayeesha, “Ng'ula gwanda fuga leabu ng'eanyiida Misri; ak gwadukuta badayda ng'eanyiida, ak ea sukwa geefursiinyi.

IITOODA 22:5 Mawu Ofanana

GIING'EETA 13:16

Gaydanung' gwadeena jeacheengaagu sigeeda ng'eanyiida; ama mida siida ammu gwayiida sigeeda ng'eanyiida, abeeda eara jeacheengaagu gajeamu eeyiida.

NYIIGHEEGA 105:24

Hean ghwanung' gwaji fugaaschi muuchi, ak ghwanung' gameanyiidi fugaaschi ea ghang'al weajoodiga nyaawa.

RITEAYDA 10:15

Ak gwadukuta ng'eanyiisean, ea gamisaniit ng'eanyiisean, nea ghwaak booga sean mida jeeda ng'eanyiida ea haghweega sean bea geediga abuut roopta lagheanga ak ea moapta eara seendoanagi bea geeta ghana booga jeeda madamnyeanda aba ng'eanyiisean bea Misri.

MIKA 6:5

Ea fugeasu, eapkaada gidanyaashta Balaki was sugoocheanda ng'eanyiida Moabu, ea gidashaayda Balaamu was orjeeda Beori ea gidaghayi bunu aba Shitimu ea ghoah Gilgali, ak ghoanali gitoabiiwda gadiyoojiga NG'UTAMIIDA.”

IITOODA 23:7

Ak ghang'eat ghwasiildeangaaschi, nea gwayi, “Balaki gweananean Aramu, sugoocheanda Moabu aba giijeega ghayeawa, ‘Beeni, mooshteaynean Yakobo, ak gibeenu, nyareeksiina Israeli!’

IITOODA 31:8

Ak geabwar sugoodiga Midiyani sea fih suuk sibaruuday saawa; Efi, ea Rekemu, ea Suri, ea Huri, ea Reba, was sugoodi muut bea Midiyani; ak ghabwar eara Balaamu orjeeda Beori aba ng'uta.

GIIPKEATA DIIGHEANDA 23:4

aba gideaba mwadeaptaawaneegwa mukaate ea beega aba naweeda, damanda oorini ng'eanyiida Misri, ea gideaba niidaw gadiyeeda Balaamu was orjeeda Beori aba badaydaang'u siida ng'eanyiida Betoreeda Mesopotamiya, ak ghamwaashtaneey.

GIIPKEATA DIIGHEANDA 23:5

Eara gwasa ghanyea maygooleeysiit NG'UTAMIIDA was ASEATAANG'U Balaamu, ak ghwayam NG'UTAMIIDA was ASEATAANG'U mooshteayda ghoah ghawooda aba headaang'u, aba gideaba NG'UTAMIIDA was ASEATAANG'U ghaabwariinyi.

YOSHUWA 13:22

Eara Balaamu was orjeeda Beyori, was siida ruku ramooranga bwar fuga Israeli aba ng'uta aba jeeda fugiga ghayi sibwariin.

YOSHUWA 24:9

Hean ghang'eat Balaki was orjeeda Sipori, was sugoocheanda Moabu, ak gang'uchi sea fuga Israeli; ak goojeakta buuneeda eeguursa Balaamu was orjeeda Beori ghwahidu ghamwaashtaneegwa,

Yuuda 1:11

Dashageada saawa! Aba gideaba ghwaat geeshta naweeda Gayni, ak ghwanung'waada geat ghwanyas ng'asheega munyas bea Balaamu, ak goosha aba gidaghayi heawaata Gora.

Giidaheechta 2:14

Ak geandeawi ng'asheesu ng'ay aba badaydaang'u: gideaba gindeawi fiisu ng'ay aba hoowa aat geeshta giinealshooda Balaamu, niny ghayi ghoanaal Balaki ak gwaruusa orjooga Israeli ak ghwanung' ghwaak hamichoojiga siyaat lukghumajeega siitaw sanaamu ea biissa mealuuleega.