IITOODA 21:9 - Bibliyeeda Ghaydit

⁹ Hean gwasin Musa ichibooda oomu ak ghwayiin uhuuda geeta, ak iissa siida iighanya ichibooda, iyang'weersa ichiboodida oomuun ghahaap.

IITOODA 21:9 Mawu Ofanana

2 SUGOODIGA 18:4

Hean gwanyarja hooweani sibadiini ghadooweedean, nea ghafwakta daranajeega, nea gwalaksa ng'eanyi Ashera. Ak gwahirjeaweada ea ghoah banajanga ichibooda oormeeda oomu ghayi sin Musa, aba gideaba eara aba damandida fuga Israeli gwajoohiisa geediga sing'andita, ak gaguura Nehushtani.

ISAYA 45:22

“Abiikni heedeanyu ak gajeelealneegwa, aba heeda oondi sean bea badayda ng'eanyiida! Aba gideaba aniini geawooschi ASEETA ak ea manda nuut.

SAKARIYA 12:10

“Gaydaadaw fuga gheeh Dawdi, ea fuga mida Yerusalemu guroorooda dagheerjeanduumeeda ea dea mooshta ASEETA. Ak saawa inyeesa ghwadaah deaghayi bwar abeeda gaygoonyahuushi aba badayda jeaptaanyi ghus, ak gajeadaah sawanadeeda aba badaydaanyi. Gawuurji siida daah sawanadeeda aba badayda duweacheadaanyi.

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Yohaana 12:32

Nea aniini iisiitiing'danean humng'eeda daheeli ng'eanyiida, gaydaksu buuneesean ghapka heedeanyu.”

Yohaana 6:40

Aba gideaba gidagasa Bwaabwa nih gil, gideaba siida nyooh ghwadaah Orjeeda ak ghamwas abeeda ghwanyas eaweega manda muudeanooda, ak gaydeaduudu eaweeda huuydean.”

Ruumi 1:17

Aba gideaba doobiiwnata ASEETA geatahaach aba jeadaanyi, ghang'eada masaweega ea gagul masaweega, gawuurji gissing'oarda gideaba, “Siida doabiiwaat aba masaweega gaygoobiideawa masaweega.”

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

2 Goriinto 5:21

Aba badahuukaasa geanung' ghoah niny riing'eeda nea niny ea mwanala riing'eeda, ak abeeda aba niny geahuuyi doobiiwnata ASEETA.

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

1 Yohaana 3:8

Siida sina riing'eeda gaba meang'nyeandeenda; aba gideaba meang'nyeandeenda ghayi gabean gwasina riing'eeda. Gissibaysiina wunooda Orjeeda ASEETA geataajiit ghwadatas gadiyeeda meang'nyeandeenda.