IITOODA 21:2 - Bibliyeeda Ghaydit

² Ghwarat Israeli gida aba heeda NG'UTAMIIDA nea gwayi, “Inyas giyiini fiisu geatingeasu aba huumwa abeeda gaydanyarjeaweada muuchi mujiinajeega nyaawa.”

IITOODA 21:2 Mawu Ofanana

GIING'EETA 28:20

Hean ghwaak Yakobo habeawooda, nea gwayi, “ASEETA iijea dandeawa, ak ghoahaaghwanaan aba naweani aayaachiin, ak gagoonan hamita jea daak ea hang'weaka jea deakwa,

NYIIGHEEGA 116:18

Gaydaadayda haleanjeedeanyu earasi NG'UTAMIIDA aba madeeda buuneadaanyi sean,

NYIIGHEEGA 132:2

was dea aksa habeawooda NG'UTAMIIDA ak gwarasa gida dea Mideawa uurda asagi bea Yakobo,

1 Goriinto 16:22

Siida wassean mwabwariinya Ng'utamiida, gagasa eamwaashta. Ng'utamiideanya ghwaan!

GIIPKEATA DIIGHEANDA 13:15

ak abeeda ang'iing'i gajahaaga ng'uta fuga sean mida jeeda mujiini, gaybwara gameewa, fuga sean mida jeeda mujiini ea dugwa nyaawa aba ng'aniipnata ng'uta.

GIIPKEATA DIIGHEANDA 13:16

Ak gajamughuusha easanga sean ak giyiini bugharjeanda mida bugusta mujiini, ak giijooni mujiini beasta ea haleanjeeda sean gawuurji haleanjeeda sisabwa geadi sigwariida siyeatiisa NG'UTAMIIDA was ASEATAANG'U, ak gayghoah eemeeda gidamanda muudeanooda, nea ea maygudu eadeas gicha.

GIIPKEATA DIIGHEANDA 20:16

Nea aba jeeda mujiinajeegeaba fiisu goonyi NG'UTAMIIDA was ASEATAANG'U ghoah hearaniischoodean, bwara gameewa sean gilinyoo gwandeawa eaweega,

GIIPKEATA DIIGHEANDA 7:2

Iimuchu nea ghwayiin NG'UTAMIIDA was ASEATAANG'U geatingaagu ak ghoajoarji; ak gajahuyda saawa; ak ea adiidu gisini neajeeda sea fiisu, nea adiidu giihiimsi baydeayda.

YOSHUWA 6:17

Nea mujiini ea haleanjeeda mida jeeda gajeataw NG'UTAMIIDA gwanyarjeaweada; geaghus Rahabooda hiseada sea fuga sean mideawa aba jeedeaba gheanyi gayghaghu, aba gideaba ghafuy giijasoodiga siicheagu.

YOSHUWA 6:26

Ak ghwanung' Yoshuwa ghwaak habeawooda saawa aba damandida nea gwayi, “Gagasa eamwaashta aba madeeda NG'UTAMIIDA siida jea ghang'eat ak ghwadeas mujiineani bea Yerikohiin. “Nea dea jea ghwadeas sindeeta gayghami duweacheadaanyi, nea dea jea gwasin dooshta gayghami gheareemaneadaanyi mwanang'.”

FUGA LAJA GIRGWEAGUUTKA 11:30

Hean gweaksa Yefta habeawooda NG'UTAMIIDA, ak gwayeesha, “Inyas gajiina fuga Amoni geatingeasu,

1 SAMWELI 1:11

Ak ghwaak habeawooda nea gwayi, “Ea NG'UTAMIIDA bea lugweega, inyeeda aba huumwa gayng'ula sawanadeeda hudaang'u bea gadiyeeda, ak giipkaachaan aniini, ak ea adagwarooseey hudaang'u bea gadiyeeda, ak giidawi hudaang'u bea gadiyeeda baleanda, ak abeeda gaydaadaw niny NG'UTAMIIDA aba jeeda eaweagaaschi sean, ak ea manda janaweeda jea eareaghwa uhuudaanyi.”