IITOODA 20:13 - Bibliyeeda Ghaydit

¹³ Beesu bea Meribahiin, was heeda aniiksiina fuga Israeli NG'UTAMIIDA gil, ak ghoahiimu geaw gideaba ea ghaydit aba jeenyaawa.

IITOODA 20:13 Mawu Ofanana

NYIIGHEEGA 95:8

Ea adoahang'waanyi gurooruunatkeagwa, gawuurji gidaghayi bea hoowa bea Meriba, gawuurji eaweeda Masa aba dareapcheeda,

RITEAYDA 17:7

Ak geeguura gheawungeaba hoowa Masa ea Meriba, aba gideaba diibiga Israeli ghayi ghoaniikgh, ea gideaba geesim NG'UTAMIIDA nea geeyi, “NG'UTAMIIDA gwanda bugusteanya ghana manda.”

GIIPKEATA DIIGHEANDA 33:8

Ak gwayi aba badayda Lawi, “Adawa Lawi lagheangaagu siguura Dumimu, ea Urimu mideawa ghaydidandaang'u asagi, ghayi isimi aba Masa, ak giiwoowsi aba heeda beega Meriba,

GIIPKEATA DIIGHEANDA 32:51

Aba gideaba ghwanung'wa heeda masaweegeasu aba bugusta fuga Israeli aba heeda beega Meriba bea Gadeshi, bea jeeda dareapcheeda Sini, aba gideaba mii adeaptaaydanaan dea ghaydit aba bugusta fuga Israeli.

ESEKIELI 38:16

Ak gaydiyeada weesiina fugeasu was Israeli, ak gaywuurjeewana shamooghooda dukuta ng'eanyiida, nea muudeanooda eaweedida gaydeaneey ng'ucheewana ng'eanyiideanyu. Ak ghwanalan eemoojiga gideaba geajeakneey ang'iing'i Gogu nea ghoahiimu ghaydidandaang'u aba madeenyaawa.

ESEKIELI 36:23

Ak gaydaamiidu gheawungeasu haw, ghayi sing'uda ririnnyeanda aba jeeda eemoojiga, ghayi oang'udi ririnnyeanda aba jeenyaawa. Ak eemoojiga gayghwanal gideaba geawooschi NG'UTAMIIDA, gwarugu NG'UTAMIIDA was ASEETA, ii sinung' daamiidu aba jeedeang'wa aba madeedeang'wa.

ESEKIELI 20:41

Iyearuunaneegwa ng'eanyiida ghayi oodardeaysi, ak ghaabwadaneegwa geat; abeeda gaydaang'waay haleanjeedeang'wa oasabi geat ng'andit bea ghadooweeda, ak gaydaahiimu ghaydidandeanyu aba heedeang'wa nea madeeda eemoojiga suurja.

ISAYA 5:16

Ak NG'UTAMIIDA bea lugweega siikghaambiit aba girgweageeda doabiiwaat, nea ASEETA Ghaydit ghoahiimu geaw aba doobiiwnata.

NYIIGHEEGA 81:7

Giguuru aba jeeda sawanadeeda, ak gealealneey; ak ghaashaay ghuutaang'u aba heeda funyaat bea giighweandandeeda humng'eeda; ak geasimnyeey aba heeda beega Meriba.

NYIIGHEEGA 81:8

Ea fugeasu oaleaydiit, damanda eareekusiinaneegwa Ea Israeli, iigasayi aleeysean iit!