IITOODA 20:12 - Bibliyeeda Ghaydit

¹² Ghwalamda NG'UTAMIIDA ak gwayeesha Musa ea Haruni, “Asi iinukwa moondeawani masaweega aba heedeanyu aniini, ak ea moosinnean mureeda aba madeeda gheanyanga fuga Israeli, asi aba ng'asheanji, mwajayaada eemeeni bwatgeadiin jeedeaba ng'eanyiita aadawji saawaan.”

IITOODA 20:12 Mawu Ofanana

2 DAMANYOOJIGA 20:20

Iing'ata ghang'eatng'eat sakteayda ak gwarita gaweay jeeda dareapcheeda Dekowa; nea iinea gwarita ghamiinaada Yehoshafati ak gwayeesha, “Ooleeysiinean iita ea fuga Yuda sea fuga abiita Yerusalemu! Asisiina masaweega NG'UTAMIIDA was ASEETEANG'WA, ak abeeda gajanyasa uurjeenga; asisiina masaweega sibangaaschi ak abeeda gajanyagaada.”

NYIIGHEEGA 106:32

Hean ghoanyareas niny aba heeda eenda Meriba, ak ghwanyas Musa sawanadeeda aba badahuuka nyaawa;

NYIIGHEEGA 99:8

Ea NG'UTAMIIDA was ASEETEANYA, was dea shaah; aba heanyaawa guwoosi ASEETA samiisa, ak niny gawaliida giidiinyeanyeeka nyaawa.

ISAYA 7:9

Ak Efraimu goombal Samariya, nea Samariya goombal orjeeda Remaliya. Inyas ea moamwasi, aba huumwa mwajanyasa majeeknata.’”

ISAYA 8:13

Oapkaada gideaba NG'UTAMIIDA bea lugweega anda ea ghaydit ak gajoowala niny ak niny gwandeawa gharbeeda.

ESEKIELI 20:41

Iyearuunaneegwa ng'eanyiida ghayi oodardeaysi, ak ghaabwadaneegwa geat; abeeda gaydaang'waay haleanjeedeang'wa oasabi geat ng'andit bea ghadooweeda, ak gaydaahiimu ghaydidandeanyu aba heedeang'wa nea madeeda eemoojiga suurja.

ESEKIELI 36:23

Ak gaydaamiidu gheawungeasu haw, ghayi sing'uda ririnnyeanda aba jeeda eemoojiga, ghayi oang'udi ririnnyeanda aba jeenyaawa. Ak eemoojiga gayghwanal gideaba geawooschi NG'UTAMIIDA, gwarugu NG'UTAMIIDA was ASEETA, ii sinung' daamiidu aba jeedeang'wa aba madeedeang'wa.

ESEKIELI 38:10

“Gwayi NG'UTAMIIDA was ASEETA, abeeda eaweecheanji gajateemsheena aba jeadaang'u. Ak gaymanya sinooda ng'asheega munyas.

NG'ASHEEGA LAWI 10:3

Ng'ata gwayeesha Musa Haruni, “Nih gidarugu NG'UTAMIIDA, ‘Gaydaahiimu geaw gideaba geawooschi ghaydit aba heeda fuga neekeewean, ak gajeakghaambiidan aba madeeda buuneesean.’” Hean ghwasiinda Haruni.

IITOODA 11:15

Nea iisimanean ng'asheanji, abeeda gibwarjaan dami aba geeshang'su, nea iyaanyaschi alooheeda aba madeadaang'u ea adinung'waadi dang'uchi sawanadeedeanyu.”

IITOODA 20:24

“Haruni gayghami; maygawa jeeda ng'eanyiida aadawji fuga Israeli, aba gideaba noaheawi diigheandeanyu aba ghuuta beega Meriba.

IITOODA 27:14

aba gideaba ghoaheawi ng'asheandeanyu aba dareapcheeda Sini damanda aniiksiinanean eemeeda, nea moawali gheang'deanyu aba ghuuta beega aba madeeda gheanyanga nyaawa.” (Suh beega Meriba gil mida Gadeshi mida dareapcheeda Sini.)

Mattayo 17:17

Ghwalamda Yesu nea gwayeesha, “Ea seaygeeda mandeawana masaweega biissa ea roodeadi, gajeendeaydooscheena ea ghoah eeju? Agooga gaydamilikiidaneegwa ea ghoah eeju? Ayeani heedeanyu.”

Mattayo 17:20

Gwayeesha Yesu, “Gwasin gheashooyda masaweegeagwa. Geayeeshiineegwa aba huumwa, inyeeda goondeawi masaweega deena ghajiileanda haradaali, gajoamuusa ayeeshiina giijeeni, ‘Loadadawana hiji ak guwi hoowa,’ ak gaygawa, ak ghanyi ea manda ng'asheanda hang'waay majoamuusa sinooda.”

Lukka 1:20

Asi ng'ula, gayghwaroat ghuutaang'u ea ea mudamuusa baloola ea ghwahita eaweeda jea ghang'ataawa ng'asheesu, aba gideaba mimwasi ng'asheegeasu jea gwasa aba damanda nyaawa.”

Lukka 1:45

Ghang'wana siida jea ghamwas gideaba gay gwasa ng'asheega rukusa Ng'utamiida.”

Yohaana 1:17

Aba gideaba deaweeda geegu aba naweeda Musa; nea dagheerjeanduumeeda ea huumeanda ghapkaana naweeda Yesu Gristo.

Ruumi 4:20

Nea iisibaloola badayda ghanyea mashta aba iita heeleesiinda ASEETA, hean gamajeegiit aba masaweega, nea ghoaghaambiit ASEETA,

GIIPKEATA DIIGHEANDA 1:37

Gwanyareeksean NG'UTAMIIDA aba giidiinyeanyeekeagwa, ak gwayi, ‘eara ang'iing'i majuna jeedeaba ng'eanyiita.

GIIPKEATA DIIGHEANDA 34:4

Ghwalamda NG'UTAMIIDA ak gwayeesha niny, “Nih ng'eanyiida ghayi eayeaksi habeawooda Abrahamu, ea Isaka, ea Yakobo gil, gideaba ‘gaydaadaw jeacheengaagu.’ Asi nidaahi aba gheanyangaagu, ak ea majageawsiina hoowa.”

GIIPKEATA DIIGHEANDA 4:21

Ng'ata gwanyareeksean NG'UTAMIIDA aba ramaseandeang'wa ak gweaksean habeawooda nea gwayi, ang'iing'i majaghaawana eenda Yordani ea gideaba maydahita ng'eanyiida miy gooneegwa NG'UTAMIIDA was ASEETEANG'WA.

YOSHUWA 1:2

“Musaheeda was Siideanyu bea gadiyeeda nimi; asi adiing'diing'da, aghaawana Yordanean, ang'iing'i ea fiisu, aweayeena ng'eanyiida jea daadaw saawa was fuga Israeli.

1 Betro 3:15

aba jeesinga gurooruunatkeagwa asisiina Gristo mureeda gawuurji Ng'utamiida. Nea galeagasean goowooschi hideadi nea goofurji giliwas sih guurneegwa aba rarooda mida jeedeang'wean, ak goosinyi aba garbabanda ea mureeda;