IITOODA 20:1 - Bibliyeeda Ghaydit

¹ Muchu gaweay fuga sean bwatgeat bea Israeli, ea gaweay dareapcheeda Sini, aba sheeda madeeda, ak gooduuw buuneeda aba Gadeshi; ak gameewsa Miriyamu hoowa, ak geebung'sa.

IITOODA 20:1 Mawu Ofanana

GIING'EETA 14:7

iidu gwayamu geat ea ghwahidu Enmishpati (nea Gadeshi), ak ghwajoar darooraka sean bea Maleki, ak eara fuga Amori abiita Hasason-tamari.

NYIIGHEEGA 29:8

Daghata NG'UTAMIIDA ghwanung' gwaduumduum dareapcheeda, NG'UTAMIIDA gooduumduum dareapcheeda Gadeshi.

RITEAYDA 15:20

Ghang'eat Miriyamueeda was sibaneeda bea geenyea Haruni, hean gawa nea ghwaada geat bundiida, hean ghaat geeshta gadeemga sean nea gaba siisi mideawa bundiida, gaweay nea ghang'was.

RITEAYDA 2:4

Abeeda ghamiinaada huda ghaamwat nea sheagi, ghwadaah gichea gabussa niny nea meadaaha.

RITEAYDA 2:7

Ghwalamda huda ghaamwat ak gwayeesha hudeaba Farao, “Gaydawa daguursa huda jea gooreerneey jeebi aba jeeda gadeemga fuga Ebraniya?”

ESEKIELI 47:19

“Ak meatkweeda wiilooda ng'eanyiida biyeara, moonghooda gaygawa ea ghwahita gheang'deenda Meriba-gadeshi. Ak ghang'eada Meriba-gadeshi moonghooda ak gagal wiilooda ng'eanyiida biyeara ea ghwahita basooda haw nea gwasik gayeewda ng'eanyiida Misri.

MIKA 6:4

Aba gideaba geascheeng'naneegwa ng'eanyiida Misri, nea gearuunaneegwa gheeda soomjeandumeeda; ak ghaanung' gawa madeadaang'u Musa, ea Haruni, ea Miriyamu.

IITOODA 12:1

Iimuchu gabalool Miriyamu sea Haruni badayda Musa aba badayda gatmooda eemeeda Gushi ghayi ghoah; aba gideaba nighi gatmooda eemeeda Gushi.

IITOODA 12:10

Ng'ata ghabeawa shamooghoodida uhuuda maheemajeanda; ak ging'ulayi, Miriyamu ghwanyas udamusuura, ak gaweeshiit ea ghawaar gapkeanda; hean gang'ula Haruni Miriyamu, ak ging'ulayi, ninyas udamusuura.

IITOODA 12:15

Asi Miriyamu geerasa riteayda museasooda eawooji ispwa; ak ea maneayi buuneeda ea eeteelu Miriyamu gah gicha.

IITOODA 13:21

Hean ghwascheang'da ghaghwalda ghaang' ng'eanyiida ghang'eada dareapcheeda Sini ea ghwahita Rehobu, ea ghwahita jeeda Hamati.

IITOODA 13:26

Gaweay ea ghwahita heeda Musa, ea heeda Haruni, ea heeda fuga bwat geat sean bea Israeli, aba dareapcheeda Barani, aba Gadeshi; ak gweasa saawa iita, ea fuga sean bwat geat, ak goohiimsa saawa haghweega ng'eanyiida.

IITOODA 20:16

amadu nea geeyeawusi NG'UTAMIIDA, ghwayiiy ghuusigaasa, ak goojeagu malayka, ak gooruuneasa eerinana Misri; ak ghamneawa geendi Gadeshi, was mujiineeda mida murdeeda ng'eanyiideang'wa.

IITOODA 20:22

Ng'ata ghabeawa Gadeshi; fuga Israeli, ea fuga bwatgeat sean, ea ghwahita giijeeda Hori.

IITOODA 20:28

Hean ghafwakta Musa hang'weaka Haruni, ak gooshuup hang'weaksu orjeedaanyi was Eliyasari; ak gameewsa Haruni uhuuda giijeeda; ng'ata ghwararang'aana Musa ea Eliyasari giijeeda.

IITOODA 26:59

Gheawunga gatmooda Amramu geeguura Yokebedi was hudeaba Lawi ghayi jih Lawi aba ng'eanyiida Misri; ak gwajiilsa Yokebedi Amramu Haruni, ea Musa, ea huda ghaamwat siguura Miriyamu.

IITOODA 27:14

aba gideaba ghoaheawi ng'asheandeanyu aba dareapcheeda Sini damanda aniiksiinanean eemeeda, nea moawali gheang'deanyu aba ghuuta beega aba madeeda gheanyanga nyaawa.” (Suh beega Meriba gil mida Gadeshi mida dareapcheeda Sini.)

IITOODA 33:36

Muchu ghabeawa Esion-geberi, ak gooduuw aba dareapcheeda Sini (nea Gadeshi).

GIIPKEATA DIIGHEANDA 1:46

Hean goopiidi Gadeshi gweanyeeka saang'a, aba eawoojiga oopiidi hoowa.

GIIPKEATA DIIGHEANDA 2:14

Nea eawoojiga beata sing'eadi Gadesh-barneya ea eakghaawana eenda Senedi gweanyeeka ea diktam ea damasis, bwak ea eebwar goosha seaygeeda fuga ng'ucheeda, aba jeeda maheemajeega nyaawa, ghoah gidakta NG'UTAMIIDA habeawooda.

GIIPKEATA DIIGHEANDA 32:51

Aba gideaba ghwanung'wa heeda masaweegeasu aba bugusta fuga Israeli aba heeda beega Meriba bea Gadeshi, bea jeeda dareapcheeda Sini, aba gideaba mii adeaptaaydanaan dea ghaydit aba bugusta fuga Israeli.

FUGA LAJA GIRGWEAGUUTKA 11:16

Iinea gwarina Misri, fuga Israeli gwasik mooheeda ea ghwahita basooda Shaamu, bwak ea ghwahita Gadeshi;