IITOODA 19:11 - Bibliyeeda Ghaydit

¹¹ “Nea siida ang'waay musta wassean gaygaba ririnnyaan eawooji ispwa;

IITOODA 19:11 Mawu Ofanana

IITOODA 5:2

“Rukusiina fuga Israeli gideaba dearuuta giliwas sih bearji udamusuura aba jeeda museasooda, ea giliwas sih bearji mananda, ea gilinyoo gaba ririnnyaan aba ging'ooyda musta;

IITOODA 31:19

Ootuwsiina riteayda museasooda ak goopiidi eawooji ispwa; nea siida wassean nibwar siida, ea siida wassean jea ghawaas siida sibwar, oamiini geat sea giing'oonyangeagwa aba eaweeteaba samwagu ea eaweeteaba ispwa.

NG'ASHEEGA LAWI 21:1

Hean gwayeesha NG'UTAMIIDA Musa, “Abaloola ashoohoodiga, was orjooga Haruni, ak giyeeshi saawa manda siida jea ghabwara geaw ririnnyeanda aba badayda siida meah aba jeeda fugaaschi,

IITOODA 19:16

Nea siida wassean mida jarooda jea ghoang'waay siida sibwar ghami ghana siida meah miyeeda gealaan nea mameewsiina ghoah, ghana ghoang'waay geapkeeda siida ghana bung'eeda, gaygaba ririnnyaan askwearjooji ispwa.

IITOODA 9:10

“Eeshiina fuga Israeli, iideepa gaba ririnnyaan siida wassean aba jeedeang'wa ghana aba jeacheengeagwa aba ging'ooyda musta, ghana easheagi gwanda bareanyeeka, gayghoang'waay Basaakeeda NG'UTAMIIDA.

IITOODA 9:6

Abeeda gwanda headiga hita moana nea nibwara geat ririnnyeanda aba ging'ooyda musta siida, ea ghwaraay ging'ooyda Basaaka eaweecheanji; ak gaweay madeeda Musa ea Haruni eaweedida;

NG'ASHEEGA LAWI 21:11

ak ea maygawa jeeda ghooriida heeda mida siida nimi, ghana ghabwara geaw ririnnyeanda, eara aba heeda ghwaan ghana heeda ghaamwat;

Ebraniya 9:14

abeeda gayghwaraanyaataan muuchi foojeanda Gristo, dea aba Guroorooda manda muudeanooda ghoadaw geaw ASEETA nea meerukunana badaydaanyi gidamuy, gayghoamiidu fughareengeagwa aba gadiyoojiga nimeewa ak gagadiiyeesa ASEETA majeek.

Efeeso 2:1

Ak gagooneegwa eaweega, nea abeeda ea noomeewayi aba giidiinyeanyeeka ea riing'eega,

2 Goriinto 6:17

Asi arinana jeenyaawa, ak gooheeleewi geat saawa gwarugu Ng'utamiida, ak ea adoang'waanyi gida mideawa ririnnyeanda; ak abeeda gaydaadeagwa ghoah.

Ruumi 5:12

Asi riing'eeda iihidu jeeda ng'eanyiida aba badayda siida asagi ak gweadu riing'eeni miyeeda, iidu ghwahita miyeeda heeda buuneesean aba gideaba nisin sean riing'eeda–

HAGAYI 2:13

Ghwalamda Hagayi ak gwayeesha, “Nea siida iibea ririnnyaan aba gideaba nuwaas gidameah iiwaas gida wassean aba jeedeaba haleanjeeni, abeeda gaygaba ririnnyaani?” Gwayeesha ashoohoodiga Hagayi, “Gaygaba ririnnyaan.”

HEAREEGA 4:14

Gwaneaydooschi aba naweadinga gawuurji siida ng'oaw, sibwara ririnnyeanda foojeanda ak ea manda siida jea ghwasat hang'weaka nyaawa.

NG'ASHEEGA LAWI 11:31

Suh mii miyaasiin aba heedeang'wa aba jeeda diyeanga sean badiina ng'eanyi; siida wassean jea ghwasat dugusu iinimeewa gaygaba ririnnyaan ea ghwahita shing'ada.

Gadiyeeda Giijasoodiga 21:26

Muchu ghang'eat Bawlo ak goodeayi fugiga ghadooweeda ak ghoamiidu geaw sea saawa ak gawa jeeda gheeda sibata ASEETA, gwarukusa buuneeda huuydeanda eaweeda giimiinoodeaba geat nea gaba siisi adayda haleanjeeda sisapa geadi aba badahuuka nyaawa.

Gadiyeeda Giijasoodiga 21:27

Iidu nea niriikghta goosha eawooji ispwa hean ghwadaah fuga Yahudi leabu Asiya ak ghwadaah nea gwanda jeeda gheeda sibata ASEETA, hean geehaak eemeesean ak geeng'waay,

NG'ASHEEGA LAWI 5:2

Ghana gwadeepa ghoang'waay siida wassean gidamuy, adea musta diyeayda mii miy ghana musta deeda muy ghana ea musta diyeanga badiina ng'eanyi, nea mwanala niny, ak ea mudaamiy, gayghwanyas riing'eeda.

IITOODA 6:6

“Askwearjoojigiga sean adaw geaw NG'UTAMIIDEAN adagwaneekiisa musta.

ISAYA 52:11

Aweayeena, aweayeena, ariteawana hoowa, adoasachi gidamideawa ririnnyeanda, ariteawana bugustaanyi awasa miyaas, agoogeeni oasareanyi haleanjeeda NG'UTAMIIDEAN.

NG'ASHEEGA LAWI 22:4

Maygwanda siida dooshta Haruni bea badeeda ghana dea bearji mananda jea ghwaak haleanjeeda ghaydidi ea eaghus ea niimmiidu. Siida wassean jea ghwasat gida wassean bea ririnnyeanda aba badahuuka fuga nimeewa ghana ea siida ng'ut muunda,

ESEKIELI 39:12

Nea aba giibuusta ng'eanyiida, fuga Israeli gaygapnyiisachi sheeh ispwa.

ESEKIELI 44:26

Nea iimida dea ning'uda geaw ririnnyeanda abeeda gaygoobideatunu ea ghang'ata eawooji ispwa, abeeda gajea nimiidu.