IITOODA 18:9 - Bibliyeeda Ghaydit

⁹ Haleanjeeni gayghoah gaagu aba jeedeaba haleanjeedida ghaydidi muuchiin, adeaghwarda aba beasta; giliwas haleanjeeda nyaawa bea ghadooweeda, ea giliwas haleanjeeda nyaawa bea ghadooweeda was booga, ea giliwas haleanjeeda nyaawa sighadoawanda aba badayda riing'eeda, ea giliwas haleanjeeda nyaawa sighadoawanda siyeanean aba badayda giidiinyeanda, gayghaghaydiit muuchi aba badaydaang'u ang'iing'i ea heeda diibigaagu.

IITOODA 18:9 Mawu Ofanana

2 SUGOODIGA 12:17

Hean ghang'at Hasaeli was sugoocheanda Shaamu ak ghwascheang'da ak gang'uchi sea Gati ak ghwajoar. Ng'ata ghwascheang'da Hasaeli gawa Yerusalemu.

NEHEMIYA 10:36

ak gajeeyeana gicha gheeda ASEETEANYA, heeda ashoohoodiga gadiiyi aba gheeda ASEETEANYA, duweachajeega orjoagaasa ea gea dugwaasa, gawuurji gidaghayi sing'waarda aba jeeda deaweeda, dayeega noagaasa ea gisilgaasa;

ESEKIELI 42:13

Hean gwayeeshiinean, “Ghoorajeega wiilooda ng'eanyiida ghayeawa ea ghoorajeega wiilooda ng'eanyiida biyeara duukusa heeda ghayi sinung'waada, ghoorajeega ghaydidi gil. Ak aba jeeni ashoohoodiga badiini madeeda NG'UTAMIIDA gaygweaksa haleanjeeda ghaydidi muuchi, ea haleanjeeda sisabwa geadi bea ghadooweeda was dearanga, ea haleanjeeda sisapa geadi aba riing'eeda, ea gea sisabwa geadi bea giidiinyeanda aba gideaba hiji ea ghaydit.

ESEKIELI 44:29

Ak gayghwaak booga sisabwa geadi bea ghadooweeda, ea haleanjeeda sisapa geadi bea giidiinyeanda, ea haleanjeeda sean siikghaydiit aba jeeda ng'eanyiida Israeli gayghoah daanyaawa.

NG'ASHEEGA LAWI 10:17

“Ghwasaan anda meayaagi haleanjeeda sighadoawanda aba badayda riing'eeda aba heeda ghaydit, aba gideaba gidaghaydit muuchi ak ea sigooneegwa ageanda munyinda buuneeda, ak goosinyi giiduupcheeda aba badahuuka nyaawa aba madeeda NG'UTAMIIDA?

NG'ASHEEGA LAWI 14:13

ak gaygwanuus dayeenda aba heeda sinuuksa haleanjeeda sighadoawanda aba badayda riing'eeda sea haleanjeeda ghadooweeda sighwarda, aba heeda ghaydit; was haleanjeeda sighadoawanda aba badayda giidiinyeanda, gawuurji haleanjeeda sighadoawanda aba badayda riing'eeda, bea ashoohoocheanda; aba gideaba ea ghaydit muuchi.

NG'ASHEEGA LAWI 2:10

Nea gida abit aba dearanga siyaat ghadooweeda gaygaba Haruni ea orjoagaaschi; nih meatkweeda ghaydit muuchi sighadoawanda sighwarda siitaw NG'UTAMIIDA.

NG'ASHEEGA LAWI 22:11

nea ashoohoocheanda iishaah soomjeanda ghoah daanyi aba lapiya, abeeda soomjeanda ghoamu ghwaak; sea fugiga siji mida jeedeaba gheanyiin ghoamu ghwaak hamitaanyi.

NG'ASHEEGA LAWI 22:7

Iimikta aseeta gayghamiidu; ama iidu ghoamu ghwaak haleanjeeda ghaydidi, aba gideaba suh hamitaanyi.’

NG'ASHEEGA LAWI 4:22

“Ama adiiy siida ahaaghwa fih, ak gwasin nea mabaysiina aba jeeda ng'asheega sean rugu NG'UTAMIIDA was ASEATAANYI gideaba majeesin, was giidiinyeanda,

NG'ASHEEGA LAWI 4:27

“Ama deepa goodiiy siyagi aba jeeda buuneeda ak gwasin riing'eeda nea mabaysiina ak gwasin ng'asheanjagi aba jeeda ng'asheega ayi NG'UTAMIIDA adoosinyi, was giidiinyeanda,

NG'ASHEEGA LAWI 5:1

“Nea siida wassean iyadiiy aba ng'asheanda iiy nea geebaloola nea geegasa gwarugu ng'asheanda aba gideaba niny muushoocheanda gil, aba gideaba gwadeepa ea nidaah ghana ghwanal gida, ak ea marukuna, gayghwanyas ng'asheega munyas.

NG'ASHEEGA LAWI 5:6

ak gaygweadu haleanjeadaanyi bea habeawooda bea giidiinyeanda heeda NG'UTAMIIDA aba badayda riing'eeda sin, was gisilleanda saawaat leabu jeeda hawanda nooga ea dayeenda gisilleanda ghanea mbooyda, ghoah haleanjeeda sighadoawanda aba riing'eeda; ak gaygwasin ashoohoocheanda giiduupcheeda aba badaydaanyi aba riing'eadaanyi.

NG'ASHEEGA LAWI 6:17

Mwajeawu nea geamwatawiit. Ak ghaadaydi ghoah aba heanyaawa haleanjeeda ghadooweeda sighwarda aba beasta; nih gajea gidaghaydit muuchi, gawuurji sea haleanjeeda sighadoawanda aba badayda riing'eeda ea haleanjeeda simeajanda aba badayda giidiinyeanda.

NG'ASHEEGA LAWI 6:19

Ak gwayeesha NG'UTAMIIDA Musa,

NG'ASHEEGA LAWI 6:30

Ak ea manda haleanjeeda sighadoawanda aba badayda riing'eeda jea eayaak was dea siyeadu foojeanda wassean jeeda maheemajeanda siroondooscheesa ak gwasin giiduupcheeda aba heeda ghaydit; gajeaghwarda aba beasta.

NG'ASHEEGA LAWI 7:1

“Nih deaweedeeda haleanjeeda ghadooweeda bea giidiinyeanda. Nih ea ghaydit muuchi;

NG'ASHEEGA LAWI 7:6

Gilinyoo ea ng'eedeeda gil aba jeeda ashoohoodiga gayghwaak ak gajeayaak aba heeda ghaydit; nih ea ghaydit muuchi.

NG'ASHEEGA LAWI 7:7

Haleanjeeda ghadooweeda bea giidiinyeanda gawuurji sea haleanjeeda sighadoawanda aba badayda riing'eeda, deaweedeeda nyaawa ea agi; ashoohoocheanda sin giiduupcheeda aba gili siida jea ghwak ninyi.

IITOODA 18:10

Ak gajaga haleanjeeni aba heeda ghaydit muuchi, gayghwaak giliwas ng'eedeeda haleanjeeni; ea ghaydit aba heedeang'wa.

GIIPKEATA DIIGHEANDA 18:1

“Ashoohoodiga Lawi, was eemeesean bea Lawi maygwanda ginyaawa ghana gichea gwahearan sea fuga Israeli; saawa gayghwaak haleanjeeda sisabwa geadi bea ghadooweeda sighwarda bea NG'UTAMIIDA, ea haleanjeeda suuk haguuw saawa.