IITOODA 18:4 - Bibliyeeda Ghaydit

⁴ Ak gajeekuuyi saawa ea ang'iing'i, ak gwasin gadiyeeda furooda maheemajeanda siroondooscheesa, aba gadiyoojiga sean bea maheemajeanda; ak ea adagwaneekiiseegwa rabascheanda.

IITOODA 18:4 Mawu Ofanana

ESEKIELI 44:14

Abeeda saawa gaydanung' ghoah furiischoodiga, furiischoodiga gheeda sibata ASEETA. Ak gaygwasin gadiyoojiga sean ea gadiyoojiga sean jea eesin aba jeedida.

IITOODA 1:51

Nea iissa iijea gawa maheemajeanda mwadi, nea iijea eengoor maheemajeanda, iissa gayghwahiing'u fuga Lawi, nea rabascheanda jea gwaneekiisa gajeabwar.

IITOODA 1:53

Nea fuga Lawi gaygwajip maheemajeega nyaawa nea ghwanung' gwaneaweesa maheemajeanda muuwuunooda aba meadajeega sean, ak ea mwahina nyarasta badahuuka fuga Israeli; ak gaygafur fuga Lawi maheemajeanda muuwuunooda.”

IITOODA 18:3

Ak gaygafuriischi aba diigheandaang'u, ea furooda maheemajeanda sean; ak ea adagwaneekiisa dabita mida heeda ghaydit, ghana heeda wagiida, gajiidu gameewa, saawa ea agooga.

IITOODA 18:5

Nea agooga gajasina gadiyeeda furooda heeda ghaydit, ea furooda heeda wagiida, ak ea manda nyarasta gicha aba badahuuka fuga Israeli.

IITOODA 3:10

Ng'ata gayloada Haruni ea orjoagaaschi, ak gaygwasin gadiyeeda nyaawa bea ashoohoocheanduumeeda; nea iineekiisa siida wassean, gajeabwar ghami.”

IITOODA 31:30

Nea haleanjeeda mwaatkwa bea fuga Israeli gaygeani agi jea eatayda aba jeeda giliwas haradam ea damanamughuush, aba buuneeda, ea aba dugwa, ea aba digeeniga, ea aba nooga; aba gideaba dugwa sean, adawa fuga Lawi, was fuga fur heeda ghaydit bea NG'UTAMIIDA.”

IITOODA 8:26

geaghus gagadiiyeesa fuga gheanyaawa aba jeeda maheemajeanda siroondooscheesa, gwasin gadiyeeda weeta, ak ea maygudu gabiikta gagadiiy gicha. Nih gichea sisiina fuga Lawi aba iita furiischooda nyaawa.”

1 SAMWELI 6:19

Ak ghabwar fuga mwaatkwa bea Bet-shemeshi, aba gideaba goong'weersa jeeda sandakwajeanda neajeeda bea NG'UTAMIIDA; ak ghabwar fih laadam ea damanamughuush aba jeenyaawa, ak gagiisan aba gideaba nibwar NG'UTAMIIDA fuga saang'a aba jeeda buuneeda.