IITOODA 18:11 - Bibliyeeda Ghaydit

¹¹ Ak gili ea daang'u; was haleanjeedida bea ghadooweeda sigatkat eekeal humng'eeda siitaw saawaan, aba gideaba haleanjeeda sean bea ghadooweeda siiyuuk bea fuga Israeli; suh neagoonyeey ang'iing'i ea orjoagaagu ea haweagaagu, nih gwadoobiiwseegwa damanda manda muudeanooda; giliwas sih aba jeedeaba gheang'u doabiiwaat gayghwaak haleanjeeni.

IITOODA 18:11 Mawu Ofanana

NG'ASHEEGA LAWI 10:14

Nea giyoodida sigatgat siikeal humng'eeda ea jeatida sigoonyiin gajayaaga aba heeda miy, ang'iing'i sea orjoagaagu ea haweagaagu; aba gideaba geegooneegwa ghoah saruutaang'u ea dea orjoagaagu, was lukghumeeda was haleanjeeda ghadooweeda bea hoyyoo bea fuga Israeli

NG'ASHEEGA LAWI 7:14

Ak gaygageanu aba jeedeaba suh ak ghoadayda mukaateeheanagi aba jeeda gilakil aba jeedeaba haleanjeedida bea ghadooweedean, ghoah haleanjeeda ghadooweeda bea NG'UTAMIIDA; ak gaygaba ashoohoocheanda ahiida foojeanda haleanjeeda ghadooweeda bea hoyyoo.

IITOODA 18:1

Ghwalamda NG'UTAMIIDA ak gwayeesha Haruni, “Ang'iing'i ea diibigaagu ea gealga ghweanigaagu ea ang'iing'i gajasareana munyinda heeda ghaydit; ang'iing'i ea diibigaagu ea dooshteang'wa gajasareana munyinda ashoohoocheanduumeedeang'wa.

IITOODA 18:10

Ak gajaga haleanjeeni aba heeda ghaydit muuchi, gayghwaak giliwas ng'eedeeda haleanjeeni; ea ghaydit aba heedeang'wa.

IITOODA 18:19

Haleanjeeda ghadooweeda sean siitiing'da eekeal humng'eeda bea haleanjeeda ghaydidi, daada fuga Israeli heeda NG'UTAMIIDA, neagoonyeey ang'iing'i ea orjoagaagu ea haweagaagu, nih gwadoobiiwseegwa damanda manda muudeanooda; nih neajeeda balang'da gil mwoamu eegeanda damanda manda muudeanooda aba madeeda NG'UTAMIIDA aba badaydaang'u, ea jeataang'u ang'iing'i.”

IITOODA 18:8

Ng'ata gwayeesha NG'UTAMIIDA Haruni, “Ng'ula, neagoonyeey haghweeda haleanjeedeanyu bea ghadooweeda sigatkat eekeal humng'eeda, aba gideaba, haleanjeeni sean bea fuga Israeliin siikghaydiit; ak ea neagoonyeey ang'iing'i ea diibigaagu haleanjeeni aba gideaba agooga simwaareagwa aba nagheeda, ak ghoah gitoobiiwseegwa damanda manda muudeanooda.

GIIPKEATA DIIGHEANDA 18:3

Ak gaygaba ashoohoodiga, gichea ghoadaw buuneeda, was haleanjeeda was lukghumeeda adea deeda gil ghana ea gisilleanda; gayghoadaw ashoohoodiga meang'eega ea madeang'aka ea gealeeda.