IITOODA 17:5 - Bibliyeeda Ghaydit

⁵ Ak abeeda bileangida siida aaloachi gayghafiirfiir; ak gaydareekusa giiniikghta fuga Israeli, aniikgh aba badahuukeagwa.”

IITOODA 17:5 Mawu Ofanana

2 DAMANYOOJIGA 26:16

Hean nea ghwanyas uurda hean ghang'ut ghwarjeeda, ak ghoah giibeedeaydaanyi. Aba gideaba gwasissa munyinda NG'UTAMIIDA was ASEATAANYI, aba gideaba gawa jeeda gheeda sibata NG'UTAMIIDA ghaghwarda geediga ng'andidi aba heeda wagiida bea geediga ng'andidi.

ESRA 2:62

Fiisu geegaseada gheawunga nyaawa aba jeeda dooshta ak ea meanyasa ak aba seareani saawa iidu geaheawa ea maweayi jeeda dooshta ashoohoodiga aba gideaba mii miyaas;

NYIIGHEEGA 105:26

Ak goojeagu Musa was siidaanyi bea gadiyeeda, sea Haruneeda ghayi loat.

RITEAYDA 16:7

ak numuji sakteayda gajadaaha giigheambiita NG'UTAMIIDA aba gideaba niyiiy gideaniiksiindi NG'UTAMIIDA. Aseasa geawooschi ng'eaha inyas gooniikseasaan?”

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 13:11

Gwayi NG'UTAMIIDA gaydalas uhuuda fuga ng'eanyiida aba riing'eeda nyaawa, ea gea sina ng'asheega munyas, ak gaydanung' goosha miyeenooda fuga ghwarjeeda nea gearareang'u weashweashta fuga ng'weani jeesin.

ISAYA 27:6

Galanya jeata Yakobo gayghang'uda ng'eanyi hawunga, nea fuga Israeli gooruudu deakghweeda ak ghafiirfiir, ak gayghwanyiit ng'eanyiisean haghweega.

ISAYA 5:24

Asi gaygawuurji ng'ushapta beasta inyeesa ghwaak mbarariida gajeami, ea nyeega gajeami abissa jeeda beasta, ak eara hawunga nyaawa gajea munyas, nea eara deakghweeda nyaawa gayghwaraghwaata jeameeda gawuurji birjeanda; aba gideaba ghaheawa deaweedeeda NG'UTAMIIDA lugweega, nea gafool ng'asheandaanyi dea Ghaydit bea Israeli.

ESEKIELI 16:41

Nea gajeaghwarda gealgaagu aba beasta ak gayghwanung' ghwadaah gadeemga saang'a nyarastaang'u. Ak gajabuuda mealuuleega aba heeda siida wassean.

ESEKIELI 23:27

Ak aniini ea gichea danung' gooshealda hiseadayeanduumeadaang'u gil, ea mealuuleagaagu ghayi iyeani ng'eanyiida Misri. Adiidu gigatkadi gheanyangaagu ak giipkaadi gicha Misri.

HOSEYA 14:5

Gaydawuurji rahooda aba heeda Israeli; nea gayghwadaakghwanda deakghweeda, ak gayghwadardaayda hawunga gawuurji geeta;

IITOODA 1:51

Nea iissa iijea gawa maheemajeanda mwadi, nea iijea eengoor maheemajeanda, iissa gayghwahiing'u fuga Lawi, nea rabascheanda jea gwaneekiisa gajeabwar.

IITOODA 11:1

Iimuchu ghoang'eat buuneeda giiniikghta, ak gwarugu ng'asheega munyas ak ghwayiiy NG'UTAMIIDA; hean iiy NG'UTAMIIDA ng'asheesu, hean ghwanyareas; ak ghwayeat beasta NG'UTAMIIDA aba badahuuka nyaawa, ak ghwaak ea gooneaweesa muudeanooda museasooda.

IITOODA 16:11

Asi iisunu ang'iing'i sea fugaagu sean bwatgeat noabwachi geat nea magasa NG'UTAMIIDA; ama Haruni, niny gooniiksi aba naaha?”

IITOODA 16:5

ng'ata goobalool Gora sea fugaaschi sean bwatgeat, ak gwayeesha, “Sakteayda gayghoahiimu NG'UTAMIIDA fugaaschi geabeang'a, ak ea ng'eaha siida ghaydit, ak ea ng'eaha siida jea ghwanung' gawa headaanyi; aba gideaba, siida jea ghwaloat niny dea jea gawa heeda.

IITOODA 17:10

Ng'ata gwayeesha NG'UTAMIIDA Musa, “Adealda bileangida Haruni aba madeeda muushoodiga, ak geetiiw ghoah gwadeagooda aba badahuukeaba fiisu munyasiin ak abeeda giduulu giiniikghta nyaawa aniikseaniin, ak ea mameewa.”

IITOODA 17:6

Hean goobalool Musa fuga Israeli; ak ghoadaw niny fuga nyaawa hees sean bayiiga, giliwas bileangi aba siyagi haw aba gidabeada gealga ghweaniga nyaawa, bayi damaniyeenya; nea bileangida Haruni gwanda jeeda bayiiga nyaawa.

IITOODA 17:8

Iimuchu gawa Musa jeeda maheemajeanda muuwuunooda; ak ging'ulayi, bileangida Haruni bea gheeh Lawi nifiirfiir, niiruudu seenga, ak gooruudu deakghweeda; ak gwalagu haghweega hees was rabeakgha.

1 Goriinto 10:10

nea adoanikghti gidaghayi aniikghta fuga mwaatkwa aba jeenyaawa, ak ghwalas uhuuda habitkwajeega.

YOSHUWA 4:7

Hean abeeda gajarukusiina saawa gideaba ghayi ghwajaam beega Yordani aba madeeda sandakwajeanda neajeeda bea NG'UTAMIIDA; damanda aghaawa Yordani, hean ghwajaam beega Yordani. Asi lagheang'su gaygaba giipkeata fuga Israeli damanda manda muudeanooda.”