IITOODA 16:5 - Bibliyeeda Ghaydit

⁵ ng'ata goobalool Gora sea fugaaschi sean bwatgeat, ak gwayeesha, “Sakteayda gayghoahiimu NG'UTAMIIDA fugaaschi geabeang'a, ak ea ng'eaha siida ghaydit, ak ea ng'eaha siida jea ghwanung' gawa headaanyi; aba gideaba, siida jea ghwaloat niny dea jea gawa heeda.

IITOODA 16:5 Mawu Ofanana

NYIIGHEEGA 105:26

Ak goojeagu Musa was siidaanyi bea gadiyeeda, sea Haruneeda ghayi loat.

NYIIGHEEGA 115:10

Ea jeata Haruni, akghusa NG'UTAMIIDA! Niny musanyeandeang'wa gil ea igeamboodeang'wa.

NYIIGHEEGA 65:4

Ghang'wana siidida iloadiin ak ginung' gwaneekiit goobiida jeedeaba gheang'u ghaydit! Ak gajeelang'uuda alooheedeaba gheang'u ghaydit sibateeweey.

RITEAYDA 28:1

“Asi eani Haruni was orjeeda geamadu, sea orjoagaaschi ea niny, aba jeeda fuga Israeli, gagadiyeesean ghoah ashoohoodiga Haruni gil ea orjooga Haruni, was Nadabu ea Abihu, ea Eleasari ea Itamari.

RITEAYDA 28:41

Ak gishuubi orjeeda geamadu was Haruni, sea orjoagaaschi sea niny ak gimwaari saawa ak giyiini saawa jeeda gadiyeeda, ak gisaji saawa aba gadiyeeda ak gaygagadiyeesean ghoah ashoohoodiga.

RITEAYDA 28:43

inyeesa gaygooshuup Haruni ea orjoagaaschi, damanda jea gaweewa jeeda maheemajeanda siroondooscheesa, ghana ibuwa gwaneekiisa heeda ghaydit bea wagiida aba gadiyeeda, aba gideaba gwadeepa ea mwasara giidiinyeanda ak gameewa. Nih gayghoah diigheanda damanyoojiga sean, ghang'eada niny ea ghoah jeacheangaaschi.

YEREMIYA 30:21

Nea sugoocheanda nyaawa gaygaba jeeda nyaawa, Nea sugoocheanda gea goombal saawa gaygwarina jeeda nyaawa; Gaydanung' gwaneekiisean, ak gayghwahidu murdeedeanyu, Aba gideaba gayghoamu ng'eaha gwaneekiisean aba uurdaanyi? Gwarugu NG'UTAMIIDA?

YEREMIYA 49:19

Ng'ula, gaygwascheeng'deayda ng'adiida leabu dareabeeta Yordani ak gawa heeda haghweeda miy nih gichea dahoanda Edomu nea geashamnyi gil; ak gaydanung' ghoahaaghwa eemeeda siida jea daloat. Aba gideaba neada gawuurjeewean ng'eaha? Ak gayghoamu ng'eaha goorgweaksean? Ak ea ana jeagiischoochean gil dea ammu ghamiinaada aba madeedeanyu?

YEREMIYA 50:44

“Ng'ula, gawuurji ng'adiida leabu jeeda dareabeeta Yordani ak ghoabita jeeda hilgweanda gisilga, ak ghwanyas haghweeda miy ak gaydahoan gwanung'usa heeda; ak gaydanung' gwaheedu dea aaloachi. Aba gideaba gawuurjeewean ng'eaha? Ak gaygaguurnean ng'eaha? Ak jeagiischoocheanda jea ghamiinaada aba madeedeanyu aneeda?

ESEKIELI 40:46

Nea ghooriida mida meatkweeda wiilooda ng'eanyiida ghayeawa gaba ashoohoodiga, gadiiyi aba heeda wagiida. Suh orjooga Sadoki gil bea jeeda orjooga Lawi ghapka heeda NG'UTAMIIDA gagadiiyeesa niny.

ESEKIELI 43:19

Ashoohoodiga bea dooshta Lawiin was jeata Sadoki, gea jea gwaneekiisean gil ak ghwahit ak gagadiyeesean gearugu aniini NG'UTAMIIDA was ASEETA. Ak gajadawa jurukuta mwanang' ghoah haleanjeeda sisapa geadi aba riing'eeda.

ESEKIELI 45:4

Ak hiji gajea ghaydit aba jeeda ng'eanyiida ak gaygaba ashoohoodiga gadiyeesa heeda ghaydit, nea gwaneekiit gagadiiyeesa NG'UTAMIIDA ak ghoah heeda gealga nyaawa ea heeda ghaydit bea heeda ghaydit.

NG'ASHEEGA LAWI 10:3

Ng'ata gwayeesha Musa Haruni, “Nih gidarugu NG'UTAMIIDA, ‘Gaydaahiimu geaw gideaba geawooschi ghaydit aba heeda fuga neekeewean, ak gajeakghaambiidan aba madeeda buuneesean.’” Hean ghwasiinda Haruni.

NG'ASHEEGA LAWI 8:2

“Aada Haruni sea orjoagaaschi, ea hang'weaka ea nagheeda eeshteayda, ea jurukuta jea eaghadoawanda aba badayda riing'eeda, ea lagweendi iyeenya, ea sooscheanda mida mukaateeyda meamwatawiida;

MALAKI 3:18

Ak abeeda gajeamuusa ooheeleena fuga miyaasiin ea gea munyas, ak gooheeli siida bada ASEETA ea dea mabata niny.

IITOODA 16:3

ng'ata ghabwat geat nea ghaheawa ng'asheega Musa ea Haruni ak gwayeesha, “Agooga noosheagiichi aba gideaba fuga bwatgeat sean ea ghaydidi, giliwas sih aba jeenyaawa, gwanda NG'UTAMIIDA jeenyaawa; abeeda ghwasaan inyas giidiing'u geaw aba fuga bwatgeat bea NG'UTAMIIDA?”

IITOODA 16:6

Asina ng'asheanji; ageani haleanjeeda sigwariideawa hideeda, Gora sea fugaaschi sean bwatgeat;

IITOODA 17:5

Ak abeeda bileangida siida aaloachi gayghafiirfiir; ak gaydareekusa giiniikghta fuga Israeli, aniikgh aba badahuukeagwa.”

IITOODA 17:8

Iimuchu gawa Musa jeeda maheemajeanda muuwuunooda; ak ging'ulayi, bileangida Haruni bea gheeh Lawi nifiirfiir, niiruudu seenga, ak gooruudu deakghweeda; ak gwalagu haghweega hees was rabeakgha.

Yohaana 15:16

Aniini moaloadaan agooga, ghaaloacheagwa aniini ak ghaanung' aweayeena ak goojiili haghweega jea ghwashng'u; ak abeeda gagooneegwa Bwaabwa gida wassean iyoomuschi aba gheawungeasu.

Gadiyeeda Giijasoodiga 1:2

ea ghwahita eaweeda siyaada humng'eeda, iing'ata nea niidaw diigheanda giijasoodiga ghayi loat aba naweeda Guroorooda Ghaydit.

Gadiyeeda Giijasoodiga 1:24

Ng'ata geamwaash ASEETA nea geeyi, “Ng'utamiida, ang'iing'i ginali gurooruunatka buuneesean, asi ahiimneasa aba jeedeaba fiisu asiyeenyean siida iloadi,

Gadiyeeda Giijasoodiga 13:2

Ghayi eaweecha nea ghabwat Ng'utamiida, nea gooluulda geat, hean gwayeesha Guroorooda Ghaydit, “Aloada Barnaba ea Sawli gwasin gadiyeeda eaguursi gwasin.”

Gadiyeeda Giijasoodiga 15:7

Geebalool ea gageawiit baloolda, hean ghang'eat Betaro ak gwayeesha, “Ea fuga eaduupcheewi, agooga ghoanali gideaba ghayi aba mwadi ASEETA ghwaloadan aba bugusteang'wa, ak aba ghuuteanyu ghwayiiy fuga Eemoojiga ng'asheanda giijasta miy ak ghamwas.

Gadiyeeda Giijasoodiga 22:14

Hean gwayeeshean, ‘ASEETA ghweanigaasa niloanyi aba gidagasa, ak gidaahi dea Asagi Doabiiwaat ak giyiinyi ghuutaanyi;

Efeeso 2:13

Ak ghamneawa aba jeeda Gristo Yesu agoogeeni ghayi oowooschi sheagiin ea siineekiideegwa aba foojeanda Gristo.

2 Dimoteo 2:19

Ak sindeeta ghayi iin ASEETA ea nimiinaada nea majeek, nea uhuudaanyi geengoorsa ng'asheesu, “Ng'utamiida ghwanal gea was gaaschi.” Ak gicha “Gilinyoo gwaruku gheawunga Ng'utamiida ea danung'waada ng'asheega munyas.”

Ebraniya 12:14

Gagasa giimiriikta hoyyoo aba heeda buuneesean, aba ghaydidanda nea manda siida jea ghwadaah Ng'utamiida iimandeawana.

Giidaheechta 1:6

ak gagoaneasa sugoocheanduumeeda, ak geahuuyi ashoohoodiga aba heeda ASEATAANYI ea Ghweanda, giigheambiita daanyi ea sugoocheanduumeeda ea ghoah damanda manda muudeanooda. Amin.

1 SAMWELI 2:28

Ak ghaaloachi niny aba jeeda dooshinga sean bea Israeli ghoah ashoohoocheandeanyu, ghwascheang'da gawa heeda wagiida, ak ghaghwarda geediga ng'andidi, nea gookwa hang'da aba madeedeanyu; ak ghaadawji ghaheang'wa haleanjeeda sean bea ghadooweeda sighwarda aba jeeda fuga Israeli.