IITOODA 16:16 - Bibliyeeda Ghaydit

¹⁶ Ng'ata gwayeesha Musa Gora, “Ang'iing'i ea girgweageadaang'u sean numuji apkaani hiji bea madeeda NG'UTAMIIDEAN, ang'iing'i, ea saawa, ea Haruni;

IITOODA 16:16 Mawu Ofanana

RITEAYDA 16:9

Ak ghwalamda Musa ak gwayeesha Haruni “Eeshiina eemeesean bea Israeli, gideaba, ‘Apkaani aneekiisiina madeeda NG'UTAMIIDA, aba gideaba niyiiy giiniikghteang'wa.’”

IITOODA 12:4

Ng'ata gwasham, NG'UTAMIIDA Musa ea Haruni ea Miriyamu ak gwayeesha, “Arita jarooda agoogeeni asamwaguun, aweayeena jeeda maheemajeanda siroondooscheesa.” Hean gwarita jarooda fiisu asamwaguun.

IITOODA 16:15

Hean ghwanyareas Musa muuchi, ak gwayeesha NG'UTAMIIDA, “Adumwasi haleanjeeda nyaawa bea ghadooweeda; aniini miidageandeawa saawa eara digeanagi, ak ea mii dasawan eara siyagi aba jeenyaawa.”

IITOODA 16:17

ak ea daba siisi geanu gidaanyi sigwariideawa hideeda, ak ghwayiin hideeda jeeda, ak gooyeadu madeeda NG'UTAMIIDA, haleanjeeda sigwariideawa hideeda hita bughalaji iyeenya ea haradam ea damanamughuush; ak eara ang'iing'i ea Haruni ea daba siisi mideawa gidaanyi gwariideawa hideeda.”

2 Dimoteo 2:14

Apkeasiina fugaagu ng'asheesu nea gireekusi aba madeeda ASEETA gideaba ghoabuut ng'asheega ng'alealeeda mwaloada gil nung' gwarooda fuga aleeysiit.

1 SAMWELI 12:3

Ak aniini geandi hiji; ak ghoahuuyi muushoodiga aba madeeda NG'UTAMIIDA ea madeeda siidaanyi simwaar. Neada ea neageandi deedeabeang'a? Ghana neageandi digeedeabeang'a? Ghana ea ng'eaha siida naareachi gidaanyi? Ak ea neasawanyi ng'eaha? Ak ea neageandeawi geatindeabeang'a haleanjeeda seawshooda ak ghwanung' gang'oowiidi gheanyangeasu? Asi amuuwuuni aba badaydeanyu ak gaydawalu.”

1 SAMWELI 12:7

Asi amiinaada nea goomajeegiichi, ak geargweakseegwa aba madeeda NG'UTAMIIDA ak gaydargu doobiiwnata sean bea NG'UTAMIIDA ghayi sineegwa ea ghweanigeagwa.