IITOODA 16:11 - Bibliyeeda Ghaydit

¹¹ Asi iisunu ang'iing'i sea fugaagu sean bwatgeat noabwachi geat nea magasa NG'UTAMIIDA; ama Haruni, niny gooniiksi aba naaha?”

IITOODA 16:11 Mawu Ofanana

1 DAMANYOOJIGA 26:19

Nih gidasilajaadayda furiischoodiga; aba jeeda fuga Gora, ea orjooga Merari.

NYIIGHEEGA 106:16

Iidu nea gwashissa ghaang' saawa Musa aba museasooda sea Haruneeda ghaydit, asagi bea NG'UTAMIIDA,

RITEAYDA 17:2

Ng'ata gooniiksa buuneeda Musa nea gwayeesha, “Gooneasa beega jea ealeaha.” Ghwalamda Musa ak gwayeesha saawa, “Ghwasaan anda gooniiksean? Ak ghwasaan anda gooniiksi NG'UTAMIIDA?”

IITOODA 11:1

Iimuchu ghoang'eat buuneeda giiniikghta, ak gwarugu ng'asheega munyas ak ghwayiiy NG'UTAMIIDA; hean iiy NG'UTAMIIDA ng'asheesu, hean ghwanyareas; ak ghwayeat beasta NG'UTAMIIDA aba badahuuka nyaawa, ak ghwaak ea gooneaweesa muudeanooda museasooda.

IITOODA 16:12

Ng'ata goojeakta Musa buuneeda gaguursa Datani sea Abiramu, orjooga Eliyabu; ak gwayi saawa, “Aseasa majeapkaana.

IITOODA 16:3

ng'ata ghabwat geat nea ghaheawa ng'asheega Musa ea Haruni ak gwayeesha, “Agooga noosheagiichi aba gideaba fuga bwatgeat sean ea ghaydidi, giliwas sih aba jeenyaawa, gwanda NG'UTAMIIDA jeenyaawa; abeeda ghwasaan inyas giidiing'u geaw aba fuga bwatgeat bea NG'UTAMIIDA?”

Lukka 10:16

“Siida aleeyseegwa iit, gooleeysean iit aniini, nea dea heawaneegwa, ghaheawanaan aniini, nea dea heawanaan ghaheawa dea ghayi ajeakneani.”

Yohaana 13:20

Aba huumwa, aba huumwa, geayeeshiineegwa, Siida deapta dea eajeagu abeeda ghwadeaptanaan aniini, nea siida deaptanaan aniini abeeda ghwadeapta dea ajeaknean.”

Gadiyeeda Giijasoodiga 5:4

Madamnyeanda damanda mii shaaydaawana, abeeda mii daang'u? Ama ning'ata sheaydeayda, abeeda haleanjeeda ea manda geatingaagu? Abeeda ginyastiin gideaba gaysina ng'asheanji aba jeeda gurooroadaang'u? Ang'iing'i mireengani buuneeda gireenganayi ASEETA.”

Ruumi 13:2

Asi gwasunu eara aba siida shaang' fuga ambaliischi siisi gang'uchi sea ng'asheanda guh ASEETA, nea fuga shaang' gay ghwanyas ghoorjooda.

1 Goriinto 10:10

nea adoanikghti gidaghayi aniikghta fuga mwaatkwa aba jeenyaawa, ak ghwalas uhuuda habitkwajeega.

1 Goriinto 3:5

Asi Apolo ng'eaha? Ama Bawlo ng'eaha? Soomjooga ghayi nung' amwasa gil, gawuurji gidadawda Ng'utamiida giliwas sih gwasin.

Yuuda 1:16

Fiisu inyeessa ghoaniikgh, fuga mideawa sicheeda, inyeessa ghwaat geeshta ng'asheega nyaawa gasa, fuga hees ghuusi gwara geat, reengani buuneeda ak ghwanyas gheata gidagasa.

1 SAMWELI 8:7

Ng'ata gwayeesha NG'UTAMIIDA Samweli, “Aleeysiina ghuusiga buuneeda aba ng'asheega sean rukuneey; aba gideaba mafoolnyi, gafoolan aniineeda eawooschi sugoocheanda haweewa saawa.