IITOODA 15:8 - Bibliyeeda Ghaydit

⁸ Iimuchu nea gigasayi adayda heeyda ghadooweeda jea eaghwarda, ghana ea haleanjeeda ghadooweeda sinuus, aba geandeayda gida sirat, ghana ea haleanjeeda ghadooweeda bea hoyyoo gil bea NG'UTAMIIDA;

IITOODA 15:8 Mawu Ofanana

NG'ASHEEGA LAWI 1:3

“Nea lukghumeadaang'u ii dea jea eaghwarda leabu jeeda dugwa, gayghoadayda jurukuta manda sirjeeda; gayghoadayda aba ghuuta maheemajeanda siroondooscheesa, ak abeeda ghamwas NG'UTAMIIDA;

NG'ASHEEGA LAWI 1:9

nea hiineegaaschi ea leang'eanyoojiga gaygoohuun aba beega. Ak gayghaghwarda ashoohoocheanda sean aba heeda wagiida, ghoah lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 22:21

Ama adayda siida wassean lukghumeeda hoyyoo was haleanjeeda ghadooweeda bea NG'UTAMIIDA, jea goomajeek habeawooda gageanda habeawooda ghana ea haleanjeeda ghadooweeda adayda nea gagasa, aba jeeda dugwa ghana ea jeeda hawanda nooga, jea eamwas gagasa aamiy; gagasa ea maba bada.

NG'ASHEEGA LAWI 3:1

“Nea haleanjeeda siida ii lukghumeeda hoyyoo gil bea ghadooweeda, iyadayda deeda leabu jeeda dugwaaschi, ea jurukuta gil ghana ea saawaat, gayghoadayda dea manda sirjeeda aba madeeda NG'UTAMIIDA.

NG'ASHEEGA LAWI 3:5

Ak gayghaghwarda orjooga Haruni aba heeda wagiida aba badayda haleanjeeda ghadooweeda sighwarda, mida badayda ghweenga mida jeeda beasta; suh haleanjeeda ghadooweeda sighwarda, ak ghoah shearooda ng'andit aba heeda NG'UTAMIIDA.

IITOODA 15:24

ama deepa ea giidiinyeanda sisin nea meanala, nea gwadeepa ea mwanala girgweageeda, abeeda gayghoadayda girgweageeda sean eeshpajakcheanjagi mwanang' ghoah haleanjeeda ghadooweeda sighwarda, ghoah shearooda ng'andit aba heeda NG'UTAMIIDA, sea haleanjeadaanyi bea ghadooweeda was booga, ea haleanjeeda ghadooweeda sileeha, gawuurji gidanyaashta diigheanda, ea ghwaranyagi ghoah haleanjeeda ghadooweeda aba badayda riing'eeda.

IITOODA 15:7

ak haleanjeeda ghadooweeda sileeha was bayoagagi ea dea agweena iyeenya bea difaayi, ak gwasissa shearooda ng'andit haleanjeeda ghadooweeda ak ghwanung' gahoosan NG'UTAMIIDA.

IITOODA 15:9

ak abeeda gajadayda sea danyi haleanjeeda ghadooweeda was booga was gideaba bea samwagu bea damanamughuush bea gilo bea booga miyaasiin siikuuyi sea nagheeda agweena iyeenya gikoombe.

IITOODA 8:8

Ng'ata ea dageana heewi mwanang' was eeshpajakcheanda, ea haleanjeadaanyi bea ghadooweeda was dearanga, dearanga miyaasiin guuyi sea nagheeda, ak gigeanu heew nuut mwanang' was eeshpajakcheanda ghoah haleanjeeda ghadooweeda aba badayda riing'eeda.