IITOODA 15:4 - Bibliyeeda Ghaydit

⁴ nea siida eadu haleanjeadaanyi bea ghadooweeda gayghoadaw NG'UTAMIIDA haleanjeeda ghadooweeda was booga was gideaba damanamughuush bea gilooyda dearanga miyaas, siikuuyi sea gideaba ang'wan bea gideeshteayda nagheeda;

IITOODA 15:4 Mawu Ofanana

ESRA 7:17

Ak gisini badiida aba lapiyeeni, shaaha heewga, ea gisilga seaweadi, ea dayeega gisilga, sea booga ghadooweeda ea haleanjeeda sileeha gajadayda nea giyiini heeda wagiida bea gheeda ASEETEANG'WA mida Yerusalemu.

RITEAYDA 29:40

gajadayda lagweenda madeeda sea gweeraji samwagu bea dearanga miyaas, siikuuyi nagheeda heasaat bayoagagi ea gidasilach ang'wan ea difaayi ea gidasilach ang'wan suh haleanjeeda ghadooweeda bea leeshooda.

ISAYA 66:20

Nea gaygweana fugeagwa sean ooduupcheewi eemoojiga sean, gawuurji haleanjeeda sisapa geadi bea ghadooweeda aba heeda NG'UTAMIIDA, aba badayda digeeniga ea mutukwajeega ea badayda ghabearanga ea badayda digeeniga, ea badahuuka diyeanga asasi, bwak ea ghwahita giijeedeanyu ghaydit Yerusalemu gwarugu NG'UTAMIIDA. Gawuurji gida eatiideayda fuga Israeli haleanjeeda nyaawa sisapa geadi bea ghadooweeda gheeda NG'UTAMIIDA aba dabicheanda miy.

ESEKIELI 46:14

Ak gilinyoo ea sakteayda gil gajeatayda haleanjeeda sisapa geadi was dearanga. Gilagi aba jeeda gea as lah bea giihearmoanagi ea gilagi aba jeeda gea as samwagu bea bayoagagi bea nagheeda. Ak gajeekuuyi dearangiga miyaasiin was haleanjeeda sisapa geadi galeaga sean was dearanga bea NG'UTAMIIDA, ak nih ea deaweeda gil jea eesina damanda manda muudeanooda.

NG'ASHEEGA LAWI 1:13

nea hiineegaaschi ea leang'eanyoojigaaschi gaygoohuun aba beega. Ak gayghoadayda ashoohoocheanda sean, ak ghaghwarda aba heeda wagiida; nih lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 14:10

“Ama eaweeteaba sis gaygageanu dayi iyeenya bea gisilga was lagweendiga manda sirjeeda, ea ijoanagi bea gisilleanda bea gwanyagi manda sirjeeda, ea dearanga ghadooweeda sigeanu heedeaba samwagu aba jeeda damanamughuush was dearanga miyaasiin siikuuyi sea nagheeda, ea gideeshteayda ramagu ghwanyiit.

NG'ASHEEGA LAWI 2:1

“Ama eadu siida wassean booga ghoah haleanjeeda ghadooweeda was haleanjeeda ghadooweeda bea NG'UTAMIIDA, haleanjeeda jea ghwasabwa geadi gajea booga miyaas; ak gaygoohiisa badayda nagheeda, nea ghwayiin uhuuda hideeda ng'andit,

NG'ASHEEGA LAWI 2:15

Ak gajaguuyeewana nagheeda, ak giyiini uhuuda hideeda ng'andit; nih booga sighadoawanda.

NG'ASHEEGA LAWI 23:13

Nea booga ghadooweeda gajea haleanji iyeenya gil aba jeeda gea atamanamughuush bea eefayda dearanga miyaasiin guuyi nagheeda, jea eaghwarda bea NG'UTAMIIDA, ghoah shearooda ng'andit; ea haleanjeeda sileeha bea ghadooweeda was difaayi, was gideaba ang'wan bea hiina.

NG'ASHEEGA LAWI 3:7

Ama adayda dayeenda gisilleanda ghoah haleanjeadaanyi bea ghadooweeda, abeeda gayghoadayda aba madeeda NG'UTAMIIDA,

NG'ASHEEGA LAWI 6:14

“Nih deaweedeeda dearanga sighadoawanda. Gayghoadaw orjooga Haruni NG'UTAMIIDA, aba heeda wagiida.

MALAKI 1:11

Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.

IITOODA 28:12

sea gideaba damanamughuush bea damanamughuushcheew samwagu bea gilo was dearanga miyaasiin ghoah haleanjeeda ghadooweeda was dearanga siikuuyi sea nagheeda, aba giliwas heeyda, ea gideaba damanamughuushcheew iyeenya bea dearanga miyaasiin ghoah haleanjeeda ghadooweeda was dearanga siikuuyi sea nagheeda, aba lagweenjeanji asagiin;

IITOODA 28:4

Gajadayda dayeanaanjagi bea gisilleanda sakteayda, ak gajadayda dayeenda niirja bea gisilleanda shing'ada;

IITOODA 29:6

ak gayghabwada haleanjeeni bea ghadooweeda sighwarda aba ng'ushiinda sheedean, ea haleanjeadaanyi bea ghadooweeda was booga, sea haleanjeeni bea ghadooweeda sigwariida bea galeagaseaniin, ea haleanjeadaanyi bea ghadooweeda was booga, sea haleanjeadaanyi bea ghadooweeda sileeha, gawuurji gidanyaashta diigheandaanyi, ak ghoah shearooda ng'andit, suh haleanjeeda ghadooweeda siitaw NG'UTAMIIDA sighwarda.

IITOODA 7:13

ak haleanjeadaanyi bea ghadooweeda ea giihearmoanagi gil bea lapiya, nea durumanataanyi ea shekeelaji bughala ea diktam ea damanamughuush, ea gweeriinagi bea lapiya nea durumanataanyi ea shekeelaji laadam gil ea damanamughuush, aba shekeeleeda heeda ghaydit; dabidi sean asiyeenyean abeeda ghwanyiit dearanga miyaasiin siikuuyi sea nagheeda ghoah haleanjeeda ghadooweeda was dearanga;

Ruumi 15:16

ak abeeda ghaahuuyi siida gadiyeeda bea Gristo Yesu aba jeeda Eemoojiga, ak abeeda geasissi gadiyeeda Giijasta miy bea ASEETA gadiyeeda was ashoohoocheanduumeeda ak abeeda ghoah Eemoojiga haleanjeeda sisapa geadi bea ghadooweeda miyaas, iing'ata nea niimmiidu Guroorooda Ghaydit.

Ebraniya 13:16

Adoofooli sinooda ng'asheega miyaasiin nea goobareanyi haleanjeeda oondeawi, aba gideaba lukghumeeda sunu goohoosan ASEETA.

FUGA LAJA GIRGWEAGUUTKA 9:9

Hean gwayeesha saytuunajeandida, ‘Iing'ulayi gaydanung'waada nagheedeanyu, nea aba badaydeanyu iissa geesissa aseecheeka ea buuneeda mureeda, ak gaydawa daneay aba iheenga geediga?’