IITOODA 14:5 - Bibliyeeda Ghaydit

⁵ Hean ghoabeada Musa ea Haruni ak ghabwada jih ng'eanyi aba madeeda fuga bwat geat bea Israeli.

IITOODA 14:5 Mawu Ofanana

GIING'EETA 17:3

Hean ghoabeada Abramu ak gwatkuy ak gwayeesha ASEETA Abramu;

1 SUGOODIGA 18:39

Daah buuneeda, gwahiing'sa geat ng'eanyi; ak gwayi, “NG'UTAMIIDA, ASEETA gil, NG'UTAMIIDA, ASEETA gil.”

1 DAMANYOOJIGA 21:16

Gagatkat Dawdi gheanyangaaschi, ak ghwadaah malaykajeanda NG'UTAMIIDA nea ghamiinaada aba dageascheeda ng'eanyiida ea dea humng'eeda, nea gwandeawa ng'uta sifagu aba geatindaanyi, nea geekeal Yerusalemu. Hean ghoabeada Dawdi sea gweargwa ea ghabwada jeesinga ng'eanyi, nea niikwa hang'weaka guniyajeega aba giiseaneega.

ESEKIELI 9:8

Damanda sinuuseada abeeda geapuudan nea geabwaageaw, hean ghaabeadi ak ghaabwadi jih ng'eanyi ak geayeawdi nea geayeenyi, “Ea NG'UTAMIIDA was ASEETA, gaylasa uhuuda fuga sean bea Israeli ghayi siipuut nea ginung' gwasa nyarastaang'u aba badayda Yerusalemu?”

DANIELI 10:9

Ng'ata ghayiinyi ghuuta ng'asheagaaschi; hean aayiinyi ghuuta ng'asheagaaschi, ghaabeadi ak ghaabwadi jih ng'eanyi ak gealili nea ghaang'udi gheamamdeanyu ng'eanyi.

NG'ASHEEGA LAWI 9:24

Ng'ata ghwahidu beasta leabu heeda NG'UTAMIIDA ak ghwaak haleanjeeda ghadooweeda sighwarda ea ghashneeda aba heeda wagiida; iidu nea ghwadaah buuneeda, goojuur, ak goobeedeayi ak gagula gheamamuunatka nyaawa ng'eanyi.

IITOODA 14:6

Nea Yoshuwa orjeeda Nuni, ea Galebu orjeeda Yefune, gaba jeeda fuga weay gagwalsa ghaang' ng'eanyiida, hean ghabwaashaada hang'weaka nyaawa,

IITOODA 16:22

Hean ghoabeada nea ghabwada jeesinga ng'eanyi, nea gwayi, “Ea ASEETA, ASEETA bea gurooruunatka gilinyoo gwandeawa saseeda, gaygwasin siyagi riing'eeda, ak gaynyareeksiina fuga sean bwatgeat?”

IITOODA 16:4

Hean nea ghwayiiy Musa ng'asheesu, ghoabeada nea ghwabada jih ng'eanyi;

IITOODA 16:45

“Ang'amwana jeeda fuga bwatgeat, ak abeeda ghaalamwaji dalas uhuuda.” Ak ghoabeada ak ghabwada jeesinga ng'eanyi.

IITOODA 17:10

Ng'ata gwayeesha NG'UTAMIIDA Musa, “Adealda bileangida Haruni aba madeeda muushoodiga, ak geetiiw ghoah gwadeagooda aba badahuukeaba fiisu munyasiin ak abeeda giduulu giiniikghta nyaawa aniikseaniin, ak ea mameewa.”

IITOODA 20:6

Ng'ata ghabeawa Musa ea Haruni madeeda fuga bwatgeat ak ghwahita ghuuta maheemajeanda siroondooscheesa, ak ghoabeada nea ghwabwada jeesinga ng'eanyi. Hean ghwahidu giigheambiita NG'UTAMIIDA heanyaawa,

Mattayo 26:39

Hean gawa mwadi gilimwanang' ak gwatkuy ak gakula gheamamdaanyi ng'eanyi ak ghamwaash ASEETA nea, gwayi, “Ea Bwaabwa, iimuusi ginung' ghwasajaadawanaan bayoogi, ea adaghoah gida eagasiidi aniini, nung' ghoah gidigasiidi ang'iing'i.”

YOSHUWA 5:14

Ak gwayeesha, “Manda; geaghus gideaba geawuurjeewi shirikarajeanda haw bea lugweega NG'UTAMIIDA ak ghaahidu ghamneawa.” Ng'ata gwatkuy Yoshuwa ea ghang'uda gheamamdaanyi ng'eanyi, ak ghabwat nea gwayeesha, “Ng'utamiideanyu gagasa gwayeeshean siidaanyi bea gadiyeeda?”

YOSHUWA 7:10

Gwayeesha NG'UTAMIIDA Yoshuwa, “Ng'eada ghwasaan anda gijaksiindunu geaw ng'eanyi?

Giidaheechta 4:10

inyeessa gwearsu atiktam ea ang'waniin iissa goobeedeaysa madeeda siidida apteada aba uhuudeaba hoorgeedida bea gheambalmeedean ak ghaghadoawan ninyeeda majeek ea ghoah damanda manda muudeanooda; nea gwajaksa shiipka nyaawa madeeda hoorgeedida bea gheambalmeedean, nea gwasarman,

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

Giidaheechta 7:11

Abeeda malaykajeega sean ghamiinaada aba murdajeega sean bea hoorgeedida bea gheambalmeedean ea dea gweargwa, ea deaba diyeangiga majeekcheewi assang'waniin, ak goobeedeayi ak ghabwada jeesinga ng'eanyi aba madeedeaba hoorgeedida bea gheambalmeedean ak ghaghadoawan ASEETA