IITOODA 12:6 - Bibliyeeda Ghaydit

⁶ Ng'ata gwayeesha, “Asi ayiinya ng'asheegeasu; iimida sibaneeda jeedeang'wa, abeeda, aniineeda was NG'UTAMIIDA, gaydeahiimsa geaw niny aba jeeda giirgweatka, ak gaydeabalool niny aba jeeda giirgweatka.

IITOODA 12:6 Mawu Ofanana

GIING'EETA 15:1

Iimuchu nea ghang'ata ng'asheesu ghwahidu ng'asheanda NG'UTAMIIDA heeda Abramu aba giirgweatka, ak geehiimsa nea geeyeesha, “Adibeali Abramu, aniini geawooschi igeamboadaang'u; asi giimeardaang'u gaygwaheedu.”

GIING'EETA 20:7

Asi ghamneawa adealda gatmooda siida; aba gideaba siisi sibaneeda, ak gayghamwaash ghawooda aba badaydaang'u, ak gaynyasa eaweega. Ama miidealdani, abeeda ginali gideaba aba huumwa gaymeawa, ang'iing'i sea haleanjeeda sean indeawi.”

GIING'EETA 28:12

Hean goorgweadi ak ghwadaah gidingeanda miinaada aba ng'eanyi nea ghwahita uhuudaanyi humng'eeda; ak ging'ulayi, malaykajeega ASEETA gwadiyeada nea ghwararang'aan aba uhuuda!

GIING'EETA 28:16

Ng'ata ghang'eada Yakobo ruweanga ak gwayi, “Aba huumwa hiji gwanda NG'UTAMIIDA; ak ea mwaanali.”

GIING'EETA 37:5

Muchu goorgweadi Yosefu, iidu nea gwarukwiisa orjooga ghaamwat iita hean geesit ghwaraanya.

GIING'EETA 37:9

Muchu gabiikta goorgweadi girgweacheanda nuut, ak gwarukusa orjooga ghaamwat, ak gwayeesha, “Ng'ula, geargweadayi girgweacheanda nuut; asi ng'ula, aseeta ea sheeda, ea miin damwanagi nea gwatkuy aba madeedeanyu.”

GIING'EETA 46:2

Ak goobalool ASEETA Israeli aba giirgweatka eawa, ak gwayeesha, “Yakobo, Yakobo.” Ak gwayeesha, “Aniini geandi hiji.”

2 SAMWELI 7:4

Hean eaweedida ghwahidu ng'asheanda NG'UTAMIIDA heeda Natani ak gwayeesha,

1 SUGOODIGA 3:15

Ghang'eat Sulemani ak ging'ulayi ghwanya goorgweadi. Ng'ata gawa Yerusalemu ak ghamiinaada aba madeeda sandakwajeanda neajeeda NG'UTAMIIDA, ak ghoadayda lukghumajeega sighwarda ea gea hoyyoo, ak gwasissa ghweelmeeda soomjoagaaschi sean.

1 SUGOODIGA 3:5

Ak aba Gibeoni, ghwahidu NG'UTAMIIDA heeda Sulemani eawa aba jeeda giirgweatka; ak gwayeesha ASEETA, “Musa gidigasayi ak gaydagoonyi.”

AYUBU 33:15

Aba jeeda giirgweatka, aba gisiihiimsa siida eawa, damanda abisiina buuneeda ruweanga ng'weani, nea gwalil aba badahuuka bulaleenga nyaawa,

AYUBU 4:13

Nea abeeda geandi jeeda giirgweatkeaba eawa, nea abeeda buuneeda gwanda jeeda ruweanga saang'a.

NYIIGHEEGA 105:15

nea gwayeesha, “Adoasachi fugeasu aamwaarji, ak ea adoosawanyi sibangeasu!”

NYIIGHEEGA 89:19

Ak ghoah gidirukusiini fugaagu ghaydidi aba giirgweatka nea giyeeshi, “Naayiinyi shiipka uhuuda siida asagi mideawa uurda, naanung' ghaghaambiit siida siloat aba bugusta buuneeda.

RITEAYDA 7:1

Ak gwayeesha NG'UTAMIIDA Musa, “Daaha naanung' uurjeewana ASEETA aba heeda Farao, ak Haruneeda was orjeeda geamadu gayghoah sibaneadaang'u.

YEREMIYA 23:25

Naayiinyi gidarukwiida sibanga was gea ramoorani ng'uyeega aba gheawungeasu, nea gwayeena, ‘Nearamoorani, nearamoorani!’

YEREMIYA 23:28

Sibaneeda mideawa giirgweatka daramoorana, aba dea mideawa ng'asheegeasu ginung'waadi gwarukwiida aba doobiiwnata. Heapi seendooda ghajaam ghoamu gabareanyi sea ngaano. Gwarugu NG'UTAMIIDA.

ESEKIELI 1:1

Gweaydeaba diktam ea damanamughuush bea sheedeaba ang'wan gil eaweedeaba muut bea sheeda, damanda eandeewi bugusta fuga siipaleak, nea geandi ghuuta eenda Gebari, hean ghwajaada humng'eeda ak ghaadaayi gidahiimnaan ASEETA.

DANIELI 10:8

Ak geanung'wanaan heeda nea gabwageaw ak ghaadaayi Giirgweatsu heesiin, hean gooshealanean uurda; ak ghwayamwa gheamamdeanyu, ak ea meapuunaan uurda.

DANIELI 2:19

Ak geehiimsa ng'asheanda Danieli aba jeeda giirgweatka eawa. Ak gabadiischeesa Danieli ASEETA humng'eeda.

DANIELI 7:1

Aba gweayda madeeda bea Belshasa was sugoocheanda Babeli, goorgweadi Danieli ak geahiimu aba jeeda uhuudeanyu damanda eali aba bulaliida, hean ghang'oar giirgweatka, ak gwarugu ng'asheega daah.

DANIELI 8:2

Ak ghaadaayi aba giirgweatka; ak ghaang'weardi ak ghaadaayi geandi mujiineeda haw was Susa, mida jeeda ng'eanyiida Elamu; ak geargweadayi, nea geandi ghuuta eenda Ulai.

HOSEYA 12:11

Ng'eanyiida Gileyadi iimida riing'eeda aba huumwa gayghoah gidamwadaagha nea aba Gilgali geenuus heewga lukghumajeega, aba heanyaawa bea wagiida gaygawuurji lagheanga siimughuush aba lilaneeda madamnyeanda.

YOELI 3:1

“Aba gideaba ang'ula, eaweedida, ea damandida, jea deadeelsiina miyeenooda Yuda ea Yerusalemuun,

SAKARIYA 1:8

“Ghaadaayi eawa siida mida badayda Faraasajeanda areara, ak ghamiinaada aba dang'adiga geediga was mihadaasi mida jeeda burgadeeda, ak murdeadaanyi gwanda Faraasajeega suuk areeri ea gea murjeew ea gea eashish.

IITOODA 24:4

Gwayi, siida iiy ng'asheega ASEETA, siida daah gidahiimsa ASEETA hoauur, siida duguy ak ea meedukuta gheanyanga;

Mattayo 1:20

Iidu nea gudugooteemsheesa ng'asheanji ghwahidu headaanyi malaykajeanda Ng'utamiida aba jeeda giirgweatka ak gwayeesha, “Yosefu, orjeeda Dawdi, adibeali ea nung'waada gheenda Mariya ghoah gatmoadaang'u, aba gideaba gweayuumeani itaanyiin ghwanyas aba uurda Guroorooda Ghaydit.

Mattayo 2:19

Iing'ata miyeeda Herode, hean gabussa Yosefu Malaykajeanda Ng'utamiida aba jeeda giirgweatka aba Misri,

Mattayo 23:31

Aba sareani goomuuwu gideaba goowooschi orjooga fuga ghayi nuus sibanga.

Mattayo 23:34

Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinealshacheewa nea ghoahoanyi aba gilinyoo ea mujiini,

Mattayo 23:37

“Ea Yerusalemu, Yerusalemooda, inuusay sibanga nea gifuti lagheanga fuga siicheakseey! Neagasayi dabwada geat diibigaagu niba hada, gawuurji gidahiniida nghaghooda dayeagaaschi aba jeeda meang'eagaaschi ak ghoaheawi!

Mattayo 27:19

Damanda mideawa Bilato uhuuda hoorgeeda argweacha goojeakta gatmoadaanyi siida weah gwayeesha, “Adiidu gighasi geaw siisi doabiiwaadiin, aba gideaba geesawanan muuchi aba jeeda giirgweatka aba badaydaanyi.”

Lukka 1:11

Hean goobeersa Malaykajeanda Ng'utamiida ak ghamiinaada aba murdeeda geatinda dugwa bea heeda wagiida siyiina geeta siing'andiita.

Lukka 1:22

Hean nea gwardu jarooda, ghwaraay goobalool buuneeda, ak gwajeeng'u buuneeda gideaba siihiimsa gil aba jeeda gheeda sibata ASEETA; goobaloola geatinga nea niroat ghuuta.

Lukka 20:6

Ama siyeeshi, ‘Gwaleabu heeda buuneeda,’ ada gaygafuteasa buuneesean aba lagheanga aba gideaba ghamwas sean gideaba Yohana sibaneeda.”

Gadiyeeda Giijasoodiga 10:11

ak ghwadaah nea ghwajaada humng'eeda, ak geerareang'u giduurji hang'da haw, nea geeng'waanyaan meatkwajeega sean asang'wan ea ghwahidu ng'eanyi.

Gadiyeeda Giijasoodiga 10:17

Damani duu ghahamng'eanyi Betaro aba ng'asheesu dea aba giirgweatkean gidawas, ging'ulayi, fuga gwachi ajeakta Gorneliyo, ea nihita gidaghuuta gheeh Simon, hean ghamiinaada aba gidaghuuta

Efeeso 4:11

Hean gageanu mwaatkwa ghoah giijasoodiga, nea mwaatkwa ghoah sibanga, nea mwaatkwa ghoah fuga jea gwarukwiida giijaasta miy, mwaatkwa ghoah haghweadoodiga ea giinealshoodiga,

GIIPKEATA DIIGHEANDA 18:15

“NG'UTAMIIDA was ASEATAANG'U gaygwanyagu aba jeedeang'wa sibaneeda uurjeewean, gaygwarina jeeda eemeeda gweanu, ak gajooleeysiina iit niny

GIIPKEATA DIIGHEANDA 18:18

Gaydanyaksa saawa sibaneeda uurjeeweey jea gwarina jeeda buweadeega nyaawa; ak gaydayiin ng'asheegeasu ghuutaanyi, ak abeeda gaygwarukwiisa saawa ng'asheega sean ghayi earukusi niny.

Ebraniya 1:1

ASEETA ghayi goobalool ghweanigaasa aba ghuusiga sibanga aba naweadinga saang'a ea damanyoojiga saang'a;

Giidaheechta 11:10

Nea fuga mida badayda ng'eanyiida gaygahoosan aba badahuuka nyaawa nea gang'weela ak saawa gweatiisa geat haleanjeeda siipareanyi, aba gideaba sibang'su asiyeenyean gwasawan fugiga mida badayda ng'eanyiidean.

Giidaheechta 11:3

Ak gaydaadaw Muuwshoodigeasu asiyeenya uurda ak ghwaramoar eawooji sagalam ea bughalaji iyeenya ea laadam, nea siikwealsa guniyajeega.”

1 SAMWELI 28:6

Hean iidu nea ghamwaash NG'UTAMIIDA, ea mwasha NG'UTAMIIDA ghuutaanyi, eara aba giirgweatka, ghana aba ashoohoocheanda ghana aba sibanga.

1 SAMWELI 3:15

Hean gwalil Samweli ea gamuchu; ak ghwajaat gidaghuudajeega gheeda NG'UTAMIIDA. Ak ghabeal Samweli ak ghoawal gwarukusa Eli gidasiihiimsa.

1 SAMWELI 3:21

Iimuchu gabiikta NG'UTAMIIDA ghoahiimu geaw aba Shilo, aba gideaba goohiimsa geaw NG'UTAMIIDA Samweli aba Shilo aba gidarugu ng'asheanda NG'UTAMIIDA. Ak ghwahidu ng'asheanda Samweli heeda fuga sean bea Israeli.