IITOODA 11:10 - Bibliyeeda Ghaydit

¹⁰ Hean ghwayiiy Musa nea gooyeawda buuneeda aba jeeda gealga nyaawa, giliwas sih aba ghuuta maheemajeandaanyi; ak ghwayeat nyarasta NG'UTAMIIDA muuchi, ak ghwanyareas Musa.

IITOODA 11:10 Mawu Ofanana

NYIIGHEEGA 106:25

Ak ghoaniin aba jeeda maheemajeega nyaawa, nea mealeeysiina iit ghuuta NG'UTAMIIDA.

NYIIGHEEGA 139:21

Ea NG'UTAMIIDA, aniini gajea mwaasti fuga sinyi? Ak gajea meafooli fuga adiing'u geat aba badaydaang'u?

NYIIGHEEGA 78:21

Hean iiy NG'UTAMIIDA, ghwanyareas muuchi; ak geayeat beasta aba badayda Yakobo, ak gagal nyarasta badayda Israeli.

NYIIGHEEGA 78:59

Ak ghwayiiy ASEETA, ak ghwanyareas, ak ghaheawa muuchi fuga Israeli.

ISAYA 5:25

Asi aba seareeni ninyareas NG'UTAMIIDA aba badayda fugaaschi, ak ghoahaakta geadi ghwalas saawa, ak gayghaboadan giijeega; ea gawuurji ea muscheeka nyaawa aba dang'adga naweadinga gawuurji duguuga mwadaagha. Ak eara aba badaydeaba suh seaniin ea miighahawda nyarastaanyi orjeedaanyi gudugwanda humng'eeda aba lasooda.

YEREMIYA 17:4

Ak gajoang'aang'aara geatingeagwa aba heeda hearaniischooda ghayi eagoonyeegwa, ak gaydanung' agadiyeesiina weajoodigeagwa aba ng'eanyiida moanali, aba gideaba nyarasteanyu niyeata beasta nea ea maygamis damanda manda muudeanooda.”

IITOODA 11:1

Iimuchu ghoang'eat buuneeda giiniikghta, ak gwarugu ng'asheega munyas ak ghwayiiy NG'UTAMIIDA; hean iiy NG'UTAMIIDA ng'asheesu, hean ghwanyareas; ak ghwayeat beasta NG'UTAMIIDA aba badahuuka nyaawa, ak ghwaak ea gooneaweesa muudeanooda museasooda.

IITOODA 11:11

Ghwalamda Musa ak gwayeesha NG'UTAMIIDA, “Ghwasaan inyas gisimanean ng'asheanda muy nea geawooschi soomjeandaang'u?

IITOODA 11:9

Iidu nea ghoaptu rahooda bugusta eaweeda, ak goobissa museasooda, ghoaptu maanaheedida nea goodeana rahooda.

IITOODA 12:3

Nea abeeda siisi was Musahiin ea siida garbabu muuchi gil ea ghang'al buuneesean mida badayda ng'eanyiida.

IITOODA 12:9

Hean ghwayeat nyarasta NG'UTAMIIDA aba badahuuka nyaawa; ak ghang'eat gawa heechea gawa.

IITOODA 16:27

Ak ghang'amwa heeda neekeewa giibinda Gora, ea Datani ea Abiramu aba meadajeega sean; ak gwarita jarooda geaba Datani ea Abiramu, ak ghamiinaada aba ghuusiga maheemajeega nyaawa, sea gadeemga nyaawa, ea orjooga nyaawa, sea diibiga nyaawa manang'i.

IITOODA 21:5

Ak gooniiksa buuneeda ASEETA, ea Musa, nea gwayeesha, “Ghwasaan inyas gooyeaneasa eang'amwana ng'eanyiida Misri, ak geeshealsi dareapcheeda? Aba gideaba manda hamita, ak ea manda beega, ak ea niheawa jeesingaasa hamidi muyiin.”

Marko 10:14

Daah Yesu gissin ginealangaaschi gwanyareeksa ak gwayeesha, “Anung'waada diibiga ghapka heedeanyu adoakghuumnyi, aba gideaba Gheambalmeeda ASEETA gammiisa fuga uurji suh.

Marko 3:5

Hean ghoaduup ghaang' Yesu buuneeda aba nyarasta ak ghang'ut giiseaneega iidaah hang'ooynacheeka gurooruunatkeaba fugiga. Gwayeesha siidida aptu geatindean, “Asi adoabiiwa geatindaang'u.” Ghoadoabiiw siidida geatindaanyi ak gabiikta geatinda gamajegiit.

GIIPKEATA DIIGHEANDA 32:22

Aba gideaba beasta sighwar aba nyarasteanyu, ak gayghwaagaada ea ghwahita heeda maloonghajeega, ak gayghwaak ng'eanyiida ea beagaaschi, ak beasta gayghwaak sindeecheeka giijeega.