IITOODA 11:1 - Bibliyeeda Ghaydit

¹ Iimuchu ghoang'eat buuneeda giiniikghta, ak gwarugu ng'asheega munyas ak ghwayiiy NG'UTAMIIDA; hean iiy NG'UTAMIIDA ng'asheesu, hean ghwanyareas; ak ghwayeat beasta NG'UTAMIIDA aba badahuuka nyaawa, ak ghwaak ea gooneaweesa muudeanooda museasooda.

IITOODA 11:1 Mawu Ofanana

GIING'EETA 38:10

Ak ng'asheega sin gamunyiit aba madeeda NG'UTAMIIDA, ak ghabwar eara niny.

2 SAMWELI 11:27

Hean nea ghang'ata gutuunooda heareega, goojeakta Dawdi siida gweadu gheanyi, ak ghwanung' ghoah gatmoadaanyi, ak gwajiilsa baleanda. Iidu ng'asheanda sin Dawdi ghoanyareas NG'UTAMIIDA.

2 SUGOODIGA 1:12

Ghwalamda Eliya ak ghwasha nea gwayeesha, “inyas ghaawaschi siida ASEETA, dararang'aana beasta leabu humng'eeda, ak ghwaaknyi ea fugaagu as haradam ea damanamughuush.” Hean ghwararang'aan beasta ASEETA leabu humng'eeda ak ghwaak niny ea fugaaschi as haradam ea damanamughuush.

AYUBU 1:16

Deagheata nea miighoabuut ghuuta baloolda, ghwahidu sih nuut ak gwayeesha, “Ghooptu beasta ASEETA aba humng'eeda ak ghwalas uhuuda gisilga ea fuga gadiyeeda ak ghwanung' goosha, ak geapuudan aniini nea geabea geaw deaneey iita.”

NYIIGHEEGA 106:18

Ak ghwayeat beasta aba jeeda fuga nyaawa bwat geat; ak ghwaak ng'ushapta beasta fuga munyas.

NYIIGHEEGA 78:21

Hean iiy NG'UTAMIIDA, ghwanyareas muuchi; ak geayeat beasta aba badayda Yakobo, ak gagal nyarasta badayda Israeli.

NYIIGHEEGA 78:63

Hean ghwaak beasta gheareemanga nyaawa, nea haweega nyaawa ea mayghwanyas gheareemanga jea ghaghi.

RITEAYDA 16:7

ak numuji sakteayda gajadaaha giigheambiita NG'UTAMIIDA aba gideaba niyiiy gideaniiksiindi NG'UTAMIIDA. Aseasa geawooschi ng'eaha inyas gooniikseasaan?”

RITEAYDA 16:9

Ak ghwalamda Musa ak gwayeesha Haruni “Eeshiina eemeesean bea Israeli, gideaba, ‘Apkaani aneekiisiina madeeda NG'UTAMIIDA, aba gideaba niyiiy giiniikghteang'wa.’”

ISAYA 10:17

ASEETA weeshinda fuga Israeli gil ak gawuurji beasta, dea ghaydit bea Israeli gayghoah ng'ushapta beasta; nea aba jeemba eaweecheanjagi gayghwaak haleanjeeda sean eara ng'eamga ea halaghweenga aba jeemba askweareanagi.

ISAYA 30:33

Aba gideaba heechea ea ghwardaawa sugoocheanda Ashuru goola eesin garayi; nea shoomanda gidahaw gil, ak aahaw jih ak beasta gwanda ea ghweenga aasaang'a, ak gayghaghuut NG'UTAMIIDA aba Giisiimeandaanyi uurji eenda gulda.

ISAYA 33:14

Fuga riing'eega mida Sayuni nibeal, nea gaboodani fuga mwaawala gheang'da ASEETA nea gwayi: “Gaygabadaksa ng'eaha beastida ng'waaniin? Ak gayghoamu goobiida ng'eaha jeeda beasta manda muudeanooda?”

HEAREEGA 3:39

Ghwasaan anda ghoaniikgh siida majeek, aba badayda riing'eagaaschi iisilas?

ESEKIELI 20:36

Gideargweaksiindi ghweanigeagwa aba dareapcheeda Misri, ea gichea deargweaksiindaneegwa gil gwarugu NG'UTAMIIDA was ASEETA.

NG'ASHEEGA LAWI 10:2

Ak ghwahidu beasta leabu madeeda NG'UTAMIIDA ak ghwaak saawa, ak gameewa aba madeeda NG'UTAMIIDA.

NAHUMU 1:5

Giijeega iissa ghaboadan aba madeadaanyi, nea gwanyara heayeeniga; ak geegatkat ng'eanyiida aba madeadaanyi, ng'eanyiida ea haleanjeeda sean mida jeeda.

HABAKUKI 3:5

Madeadaanyi goosheedeawa geeyooda, ak gamaseaw dawni nea mii sheagi.

IITOODA 10:33

Hean gabalaga giijeeda NG'UTAMIIDA ak gaweay eawooji samwagu; nea goosheedeawa sandakwajeanda neajeeda bea NG'UTAMIIDA aba beata eawooji samwagu, nea gagasa ng'eanyiida jea gafuufa saawa.

IITOODA 11:18

Ng'ata giyeeshi fiisu, ‘Oamiini geat nea mii ghwahita numuji, ak gajoayaaga banyeega; aba gideaba nooyeawusi iidiga NG'UTAMIIDA, nea gooyeenyi, “Gaygagooneasa ng'eaha banyeega jea eayaaga? Aba gideaba ghayi ghang'wana aba ng'eanyiida Misri.” Asi aba ng'asheanji gaygagooneegwa NG'UTAMIIDA banyeega ak gajayaaga.

IITOODA 12:2

Hean gwayi saawa, “Huumwa gil NG'UTAMIIDA neada goobalool Musa ak ghwahidi? Neada ea meabaloaleasa eara aseasa?” Hean ghwayiiy NG'UTAMIIDA ng'asheega nyaawa.

IITOODA 14:2

Hean gooniiksa buuneesean bea Israeli Musa ea Haruni; ak gwayeesha buuneesean bwat geat, “Gwachi ghang'wana geemeewiisi ng'eanyiida Misri, ghana gwachi ghang'wana geemeewiisi jeedeaba dareapcheeni.

IITOODA 14:22

aba gideaba fiisu seaniin, was gea nidaah giigheambiiteanyuun ea gwadeagwajeegeasu, ghayi easinyi aba ng'eanyiida Misri, ea hoowa bea dareapcheedean, ak ghoaraanya simoodeanyu ghamneawa niba damanamughuush, nea mooleeysiiniit ghuuteanyu;

IITOODA 14:27

“Fiisu bwat geat munyasiin gaygooniikiisean ea ghoah eeju? Aniini naayiinyi giiniikghta fuga Israeli, nea ghoaniikgh aba badaydeanyu.

IITOODA 14:28

Ayeeshiina, ‘Aba gideabiideati, gwarugu NG'UTAMIIDA, aba huumwa aniini aba gidoorukusiindi iidigeasu, nih gichea dasinneegwa agooga;

IITOODA 16:11

Asi iisunu ang'iing'i sea fugaagu sean bwatgeat noabwachi geat nea magasa NG'UTAMIIDA; ama Haruni, niny gooniiksi aba naaha?”

IITOODA 16:35

Ak gwashuubean beasta leabu heeda NG'UTAMIIDA, ak ghwalas uhuuda fuga nyiit bughalaji iyeenya ea haradam ea damanamughuush ghwarda hideedean.

IITOODA 17:5

Ak abeeda bileangida siida aaloachi gayghafiirfiir; ak gaydareekusa giiniikghta fuga Israeli, aniikgh aba badahuukeagwa.”

IITOODA 21:5

Ak gooniiksa buuneeda ASEETA, ea Musa, nea gwayeesha, “Ghwasaan inyas gooyeaneasa eang'amwana ng'eanyiida Misri, ak geeshealsi dareapcheeda? Aba gideaba manda hamita, ak ea manda beega, ak ea niheawa jeesingaasa hamidi muyiin.”

1 Goriinto 10:10

nea adoanikghti gidaghayi aniikghta fuga mwaatkwa aba jeenyaawa, ak ghwalas uhuuda habitkwajeega.

GIIPKEATA DIIGHEANDA 25:18

damanda ghayi nyasaneey naweeda, ak ghabwar fugaagu sinung'usa bwadaw was fuga ng'arng'ari sinung'wa bwadaw, damanda ipuri ea ahiila nea meawala ASEETA.

GIIPKEATA DIIGHEANDA 32:22

Aba gideaba beasta sighwar aba nyarasteanyu, ak gayghwaagaada ea ghwahita heeda maloonghajeega, ak gayghwaak ng'eanyiida ea beagaaschi, ak beasta gayghwaak sindeecheeka giijeega.

GIIPKEATA DIIGHEANDA 9:22

“Eara aba Dabera Masa, ea Gibrot-hataafa, ghoanyareaschi NG'UTAMIIDA.

Ebraniya 12:29

aba gideaba ASEETEANYA beasta nyarja haleanjeessean.

Yakkobo 5:4

Ang'ula, gidageatinda fuga gadiyeeda lach madameegeagwa, ghayi oaweachi aba milmilanda, ooyeawda; nea shooka fuga lach ea nihita iidiga Ng'utamiida bea lugooda.

Yuuda 1:16

Fiisu inyeessa ghoaniikgh, fuga mideawa sicheeda, inyeessa ghwaat geeshta ng'asheega nyaawa gasa, fuga hees ghuusi gwara geat, reengani buuneeda ak ghwanyas gheata gidagasa.