IITOODA 1:2 - Bibliyeeda Ghaydit

² “Ayiita buuneesean bwat geat bea Israeli, giliwas sih ea fugeaba gheanyi, ea gealga ghweaniga nyaawa, ng'oara gheawunga headiga sean;

IITOODA 1:2 Mawu Ofanana

RITEAYDA 12:37

Ghang'eada fuga Israeli ng'eanyiida Ramesi ea ghwahita Sukoti, abeeda mooneeda buuneeda weewa geeshanga ea sagalamnyooji lah nea meeyiita gadeemga ea diibiga.

RITEAYDA 30:12

“Inyas giyiidayi fuga Israeli ak ginyasi mooneeda nyaawa, hean gaygaba nih adaw NG'UTAMIIDA leadeeda aba badayda gurooroadaanyi inyas giyiidayi saawa, aba gideaba adaghoang'waay geeyooda aba bugusta nyaawa damanda iyiiti saawa.

RITEAYDA 38:25

Ak lapiyeeda fuga bwat geat siyiida ea dalaantaji bughala ea sagalamnyeanjagi ea bughalaji ispwa ea laadam ea damanamuut was lapiyeeda heeda ghaydit:

RITEAYDA 38:26

beegiga was uhuuda (nea sumunajeanda gil, was shiliingajeanda heeda ghaydit), aba gilinyoo eeyiida ng'eada gweanyeew diktam ea ghwanaawda, ea sagalamnyooji lah ea samwagu ea bughalaji muut haradam ea damanamughuush.

IITOODA 1:18

ak gageanu saawa eaweeda madeeda bea sheedeaba iyeenya, ak ghabwada geat eemeesean ghayi siyiida was gilasih ea gheanyi ea dooshta nyaawa. Gawuurji gidabeada gheawunga fuga bea gweanyeew diktam ea gea naawa, nea geanung' gabadiina agi.

IITOODA 1:19

Gawuurji gidarukusiinda NG'UTAMIIDA Musa, ak ghoah gidiitiida aba hoowa bea dareapcheeda Sinayiin.

IITOODA 1:22

Gea orjooga Simeoni, jeacheenga nyaawa, aba gidabeada fuga gheanyaawa, ea gealga ghweaniga nyaawa, was fuga siyiida aba giteena mooneeda gheawunga nyaawa, aba giliwas sih, giliwas ng'eedeeda bea gweanyeew diktam ak gwadiyeada, was fuga ammu gaweay ng'ucheeda: