HOSEYA 9:1 - Bibliyeeda Ghaydit

¹ Adihoosani, Ea Israeli! adiidu gihoosandi fuga suurja; aba gideaba nihiseadi, nea nijakti ASEATAANG'U. Nibwariinyi sheayda hiseadayda aba badayda heeda silakiisa booga.

HOSEYA 9:1 Mawu Ofanana

NYIIGHEEGA 73:27

Aba gideaba gea aheeldooscheeweey geat gaygoosha; ak ea nilasi uhuuda fuga sean nung'useey heeda.

ISAYA 17:11

Eara gwachi anung' gwardu ak gwaheetu eaweecheanji oohisteawiin, ak goonung' gooruutu bayriida sakteaweanji; abeeda boogeagwa gaygoosha eaweecheanji bea gurmeahiidean, ea sawanadeeda maygooshean.

YEREMIYA 2:19

Asi ang'iing'i gaygabiikseey munyindaang'u, nea ng'ooweataang'u gayghwaaknyi, Nala ak gidaahi gideaba eamuy ak ea ng'waan, asi nala ak gidaahi gideaba nih ng'asheanda muy muuchi mideawa ng'weaniidooda; aba gideaba ninung'usi heeda NG'UTAMIIDA, was Ng'utamiida bea lugweega.

YEREMIYA 2:20

“Ghayi aba garayi goohirjeawayi yookajeegeagwa ak goong'acheawayi ghealoonigeagwa; ak gooyeenyi ‘majeabwadeayi’. Ak aba iheenga heayeeniga geawi ea gumsheaka geediga nyawiiri ghoabwachi aseecheeka marachi gil.

YEREMIYA 44:17

Ak gajeesna gida wasean ghayi siyeaksi habeawooda, ak geaghwardi geediga ng'andidi aba badayda gatmooda was sugoocheanda aba humng'eeda ak geetalealsi niny haleanjeeda ghadooweeda sileeha, gawuurji gidasisindi aseasa, sea ghweanigaasa, sea sugoodigaasa ea fugaasa hees, aba mujiinajeega Yuda ea aba jeesinga naweadinga Yerusalemu; aba gideaba abeeda geendeawi hamita deayeat, nea geanyagaadi, nea miyeadaaha ng'asheega munyas.

HEAREEGA 4:21

Ng'weela nea gihoosani, Ea hudeaba Edomu, iibiiti ng'eanyiida Usi; eara aba headaang'u gayghang'ata gharajeanda; gayboogida ea jakta hang'da dawshiida.

ESEKIELI 16:15

“Abeeda gighusi leangaagu, ak gisini ng'asheega hiseadayeanduumeeda, aba gidasigwarsiindaneey. Ak gisini hiseadayeanduumeeda aba heeda giliwas sih nyooh ghang'ata.

ESEKIELI 16:30

“Gidang'arng'arda gurooroadaang'u gwarugu NG'UTAMIIDA was ASEETA, inyas gisini ng'asheesu seaniin, gadiyeeda gatmooda hiseada.

ESEKIELI 20:32

“Suh oomanyayi aba gurooruunatkeagwean, maygwasa earahay–gooyeenyi, ‘gajeewuurjeewana eemoojiga suurja, eemoojiga darooraka suurja, ak geabwachi geediga ea lagheanga.’

ESEKIELI 21:10

Sishinyi aba gideaba gaylaja gheata, ak geasinyi aba gideaba uurjeewana dadamandeeda! Heapi? Gajeehoosana? Ng'uta gafool bileangida orjeedeanyu gawuurji gidafoolda gilinyoo ea geeta gil.

HOSEYA 10:5

Fuga abiita Samariya gayghaboadan aba badayda meayda Bet-afeni. Ak fugaaschi gaygagiisan aba badaydaanyi, nea ashoohoodigaaschi hiseada gaygoonyahuushi aba badaydaanyi, ea badayda giigheambiitaanyi siheeli sea niny.

HOSEYA 2:12

Ak gaydadatas sabiibajeagaaschi ea shaboogheetaanyi nea gwayi, ‘Mii gida geatindeanyu gil ghayi goonan ng'wasangeasu.’ Ak gaydanung' ghoah dareabeeta ak gayghwaak diyeanga jarooda.

HOSEYA 4:12

Inyeesa buuneedeanyu ghoabwaarda gwadeagooda aba heeda damealeanda geeta, inyeesa gwarukusa bileangida gida gasa ghwanal. Aba gideaba guroorooda hiseadayeanduumeeda ninung' ghwaschoarda, ak gwanung'usa heeda ASEETA nyaawa ak gwahiseada.

HOSEYA 5:4

Gadiyoojiga nyaawa mwanung' ghwanyas biiksiinda ASEETA. Aba gideaba gwanda jeesinga nyaawa guroorooda hiseadayeanduumeeda, nea ea mudu ghwanal NG'UTAMIIDA.

HOSEYA 5:7

Nidatas masaweega nyaawa aba heeda NG'UTAMIIDA; aba gideaba niji diibiga jarooda. Ak ghamneawa sheeda sing'usha gaygahuuyda saawa ea madameega nyaawa.

AMOSI 3:2

“Fuga aanali agooga gil ak ghwahit aba jeeda buuneesean mida badayda ng'eanyiida; asi gaydaaganeagwa ghoorjooda aba giidiinyeanyeekeagwa sean.

AMOSI 4:5

ak ghoataydi lukghumeeda haleanjeeda sisabwa geadi bea badiischooda was gidasimwatawiit, ak goorukwiidi haleanjeeda sisabwa geadi bea jeedeesh oataydi, nea goorukwiidi saawa; aba gideaba gidahaguuweegwa gil sinooda, Ea fuga Israeli!” gwarugu Ng'utamiida was ASEETA.

AMOSI 6:13

agoogeeda inyas goohoosanyi aba mujiineeda Lodebari, nea gooyeenyi, “Miyeegeanda mujiineedeanya aba uurdeanya ak geegeandi Garnaimu nea geebwaageadi?”

AMOSI 8:10

Ak gaydayam ghweelmoojigeagwa ghoah giiseaneega, nea sarmoojigeagwa sean ghoah heareega; ak gaydayiin mananuunatka sean hang'weaka guniyajeega, nea gaba uhuuni mideawa mearumeeda; ak gaydanung' gawuurji giiseaneega bea orjeeda sighus, ak huuydeandaanyi eaweecheanji gajea ng'waan.

Yakkobo 4:16

Ak gwasunu nukwa ghoaghwarji geat aba ghwarjeedeang'wa. Nea ghwarjeeni sean sunuun eamuy.

Yakkobo 5:1

Asi ghamneawa meanang'oodiga, ooyeawda nea gookuuli aba sawanadeeda jea gwahisseegwa.