HOSEYA 8:7 - Bibliyeeda Ghaydit

⁷ Saawa nihista jeameeda, ak gayghwalach shaarara. Booga miinaada ea mandeawana bayriida, ak ea maygwaji hamita; eara iijih, gayghwaak rabasta.

HOSEYA 8:7 Mawu Ofanana

GHWASIILDEANGA 22:8

Siida hista ng'asheega munyas gayghwalach miyeeda, ak bileangida nyarastaanyi gayghwasiinda.

AYUBU 4:8

Aba gida aadaakti aniini, fuga hista gea munyas, ea munyinda, gayghwalach suh.

Galattiya 6:7

Adeereenganeegwa, ASEETA meereenganna, aba gideaba siida gayghwalach gida wasean ghayi hista.

NAHUMU 1:3

NG'UTAMIIDA mii asas nyaras ak gwandeawa uurda haw, ak NG'UTAMIIDA gaygageanda giidiinyeanda aba giduurji sean. Nea naweadingaaschi siga gwanda shaarara ea jeameeda, nea shamooghuutka ea birjeanda geeshangaaschi.

HOSEYA 7:9

Uurdaanyi niyaak rabasta, nea niny ea mandeawana iita; nea uhuudaanyi ea ninyiit ghearashka, nea niny ea mandeawana iita.

HOSEYA 2:9

Hean aba ng'asheesu, gaydageanda gicha ngaanoodeanyu aba damandaanyi, ea difaayeedeanyu aba damandaanyi; ak gaydaareat hang'deanyu durumwana, ea hang'deanyu bumbuni, akweala dawiishnataanyi.

YEREMIYA 12:13

Gwahista ngaano ak ghwalach halaghweenga, Gagadiiy aba uurda ak ea mwanyasa gil. Ak hean aba nyarasta ng'waan bea NG'UTAMIIDA, booga jea ghwalach gaygaba baspaseega.”

ISAYA 66:15

“Aba gideaba ng'ula NG'UTAMIIDA gayghwahina beasta, nea mutukwajeagaaschi bea ng'ucheeda gawuurji jeameeda shaarara, Ak ghawalda nyarastaanyi aba beasta yeat, nea goowoowsa buuneeda aba ng'ushapta beasta.

ISAYA 17:11

Eara gwachi anung' gwardu ak gwaheetu eaweecheanji oohisteawiin, ak goonung' gooruutu bayriida sakteaweanji; abeeda boogeagwa gaygoosha eaweecheanji bea gurmeahiidean, ea sawanadeeda maygooshean.

REEKUSIINDA 5:16

Nih ng'asheanda muy muuchi, nea gideaba gidahitaayda ea gichea ghabeada; ak abeeda gwaloosa naaha siida gadiyeesiinda jeameeda?

2 SUGOODIGA 15:29

Aba damanda sugoocheanduumeeda Beka sugoocheanda Israeli, hean ghwahidu Diglat-bileseri sugoocheanda Ashuru. Ak ghoang'waay mujiinajeega Iyoni ea Abel-bet-maaka, ea Yanoa, ea Gadeshi, ea Hasori, ea Gileyadi, ea Galilaya ea ng'eanyiisean bea Naftali. Ak goobaleak buuneeda ea ghwahita Ashuru.

2 SUGOODIGA 15:19

Iidu ghwahidu ng'eanyiida Israeli Bulu was sugoocheanda Ashuru, hean ghoadaw Menahemu Bulu dalaantaji sagalam bea lapiya. Aba gideaba gagasa weeta, nea gamajeegiit sugoocheanduumeadaanyi aba geatindaanyi.

GIIPKEATA DIIGHEANDA 28:33

Nea eemeeda minali gayghwaak haghweega madamnyeandaang'u ea gadiyoojiga iisini aba uurdaang'u; gajeeghabasnyi nea geesawanyi galeaga sean;

Galattiya 6:8

Aba gideaba siida hista ng'asheega aba saseadaanyiin, aba jeeda saseadaanyi gayghwalach munyinda; duuku siidida histeawa gurooroodean, aba jeeda guroorooda gayghwalach eaweega manda muudeanooda.

ISAYA 55:2

Iijea oatayda lapiya aba gida mawoosa hamita? Ak googadiyeesi gidamwajanyasa lang'uudadeeda? Ooleeysean iit muuchi, ayaaga gidamiy, ak goohhoosanyi saseanuukeagwa aba ghashneeda.

HEAREEGA 5:2

Hearaniischoodeanya niyamwa ghoah dea rabasta, ak gealgaasa ea nigeanda fuga jarooda.

HOSEYA 9:16

Efraimu sibwar, hawunga nyaawa nigajeamiidi, maygudu ghoamu gwaji haghweega. Eara iijih, gaydanuuseada diibiga nyaawa bwariiy.

HAGAYI 1:6

Goohisti booga saang'a, ak ghoalaji gea ng'ay; ak gooyeagiischi, ak ghanyea moolang'uudi; ak gooleeshi, ak ea meahiideagwa; ak gookwealshi, ak ea manda siida nyas shang'shang'anda; nea siida siitaw gidageatinda geataw gidageatinda ak ghwayiin jeeda shageeda mideawa seawuutka.

GIING'EETA 41:23

ea muschoon ispwa, siseadi ak ea ribeadi, ak ghaghajaamiit aba jeameeda leabu heeda ghayeawa,