HOSEYA 7:3 - Bibliyeeda Ghaydit

³ Aba munyasnacheeka nyaawa ninung' gahoosan sugoocheanda, ea fuga hees aba ng'uyeega nyaawa.

HOSEYA 7:3 Mawu Ofanana

1 SUGOODIGA 22:13

Ak gwayeesha giijasoocheanda weah gaguursa Mikaya niny, “Ng'ula ng'asheega sibanga ghwanyaashta geat ak ea doobiiweadi aba heeda sugoocheanda; anung' gawuurji ng'asheandeang'wa niba siyagi aba jeenyaawa, ak giibalooli ng'asheega doobiiweadi.”

1 SUGOODIGA 22:6

Ng'ata ghabwada geat sugoocheanda fuga Israeli aba hijagi sibanga, was fih bughalaji ang'wan, ak gwayeesha, “Gaydawa dang'uchi Ramot-gileyadi ghana jea danung'waada?” Hean gwayeesha sibanga, “Ng'eada una; aba gideaba NG'UTAMIIDA gayghwayiin geatinga sugoocheanda.”

YEREMIYA 37:19

Gwanda yeenu ghamneawa sibangeagwa ghayi ramooraseegwa nea gwayi, ‘Sugoocheanda Babeli majang'ucheewana nea maygang'uchi ng'eanyiini?’

YEREMIYA 5:31

sibanga niramoar ng'uyeega, nea ashoohoodiga gagadiiy nea ghwaat naweadinga nyaawa; nea fugeasu ghabwariiy gwasunu ng'asheesu, ak gajasina naaha iihidu mudeanoodeaba ng'asheesu?

YEREMIYA 9:2

Gideabali ghwanya ghaanyaschi heeda jea deabiida aba dareapcheeda, ghwanya gaydanung'wa heeda fugeasu ak geasheagiideewi heeda nyaawa! Saawa aba giteena nihiseada, Niiw guuyeeda fuga munyas.

HOSEYA 10:13

Noabwarji munyinda, ak ghoalaji ramaseanda, noayaaji haghweega ng'uyeega. Aba gideaba nikghusi mutukwajeagaagu ea seang'ayda shirikareadaang'u,

HOSEYA 11:12

Efraimu nineaweesean aba ng'uyeega, ea gheeh Israeli aba reengaweega; nea Yuda ea gudu ghwanal ASEETA, nea doabiiwaat aba heeda siida asagi ghaydit.

HOSEYA 4:2

manda ng'ashaan geaghus habeawooda, ea ng'uyeega, ea nuusta, ea gwadishta ea hiseadayeanduumeeda; iissa gwanuuseada moonghajeega sean ak foojeanda gamaseaw foojeanda.

HOSEYA 5:11

Efraimu simwanmwan, sijakta aba jeeda girgweageeda, aba gideaba ghamwas ghwaat geeshta ng'asheega marachi gil.

HOSEYA 7:5

Eaweeda sugoocheandeanya gaminyeani fuga hees aba beasta difaayi; ghamiinda geatindaanyi sea fuga bara budeay.

MIKA 6:16

Aba gideaba noang'waanyi deaweedajeega Omri, ea gadiyoojiga sean bea gheeh Ahabu; ak ghoayaachi geeshta girgweaguutka nyaawa; nea ghaanung' ghwaaknyi salgheang'da, nea fugaagu bea ng'eanyiida ghoah gea jea eemachiida; ak gajasareana giing'weaka buuneeda.”

MIKA 7:3

Geatinga nyaawa gwanda badayda ng'asheega munyas, ak gwasin muuchi; sugoocheanda ea siida haw aheeldooschi buuneeda gagasa seawshooda, eara siida haw siiwal gheang'da gagasa gurooroadaanyi gwasin ng'asheanda muy; ak hean gwanapsiinyi.

Ruumi 1:32

Earapeadi nal muuchi diigheanda ASEETA nea fuga sina ng'asheesu gammiisa miyeeda, ea meakghusa gideaba gwasin ng'asheesu, iissa ghamwas eara fuga sina ng'asheesu.

1 Yohaana 4:5

Suh gaba ng'eanyiida, ak gabaloola ng'asheega ng'eanyiida, ak gooleeysiit ng'eanyiida saawa.