HOSEYA 7:1 - Bibliyeeda Ghaydit

¹ Damanda eagasayi dahaabwa fugeasu was Israeli, geanung' ghwadaajiit munyinda Efraimu, ea munyasnacheeka ng'asheega sina Samariya. Aba gideaba iissa gwareengani fih; mareanghweanda gwanyarja, nea fuga areetiida haleanjeeda iissa ghoareat haleanjeeda aba naweeda.

HOSEYA 7:1 Mawu Ofanana

ISAYA 28:1

Dashageada fuga ghwarjeeda ea gea boogideadi bea Efraimu, miyeenoadaanyi gaygooshealda deakghweeda sis, miyeenooda mida jeeda moangoachi mida sigeeda miyaas, nea iheengeaba fugiga ea joara difaayiin!

ISAYA 59:12

Aba gideaba giidiinyeanyeekaasa nisaang'ayiit aba madeadaang'u, nea riing'eegaasa gamuuwu aba badaydeanya. Aba gideaba giidiinyeanyeekaasa geendeawi aseasa, ak munyasnacheakaasa ea sinali:

ISAYA 59:13

sinung'usi NG'UTAMIIDA heeda ak ea siheawi niny, ak ea siheawi eayaada geeshta ASEETEANYA; ng'asheega munyas ea heeheeweega ng'asheega simanyay gil, aba jeesingaasa geeng'aday ea eerukuna ng'asheega ng'uyeega.

ISAYA 59:14

Ak girgweageeda doabiiwaat ea sijaksa bwadaw, nea doobiiwnata easheagi muuchi; aba gideaba huumeanda niibisa ghuuta naweeda bareanda, ak doobiiwnata ea mayghwahidu jeeda.

YEREMIYA 51:9

Gwachi geegasayi eahaabwa Babeli, ak ea mwahaabwa. Anung'usiina heeda, ak ghoanung' eeweaya gaba siisi weah ng'eang'da nyaawa; aba gideaba girgweageadaanyi nidiyeada ea ghwahita humng'eeda ak ea siitiing'da ea ghwahita dea daliil.

ESEKIELI 16:46

Huda geamadu haw Samariya gil, sea haweagaaschi gwanda meatkweadaang'u bea wiilooda ng'eanyiida ghayeawa. Nea huda geamadu mwanang' Sodoma gil, sea haweagaaschi gwanda meatkweadaang'u bea wiilooda ng'eanyiida biyeara.

ESEKIELI 23:4

Gheawunga nyaawa, daahaw geeguura Ohola, nea dea mwanang' geeguura Oholiba, ak ghoah geasu, ak gwaji orjooga ea haweega. Nea aba gheawung'su ikaanyaawaan, Samariya Ohola gil, nea Yerusalemu ea Oholiba gil.

ESEKIELI 24:13

Aba jeeda ririnnyeandaang'u gwanda hiseadayeanduumeeda, aba gideaba geahuunyeey ak ririnnyeandaang'u ea moosha, maygudeehuun ririnnyeandaang'u gicha ak goosha. Bwak ea danung' goosha nyarasteanyu aba badaydaang'u.

HOSEYA 10:5

Fuga abiita Samariya gayghaboadan aba badayda meayda Bet-afeni. Ak fugaaschi gaygagiisan aba badaydaanyi, nea ashoohoodigaaschi hiseada gaygoonyahuushi aba badaydaanyi, ea badayda giigheambiitaanyi siheeli sea niny.

HOSEYA 11:12

Efraimu nineaweesean aba ng'uyeega, ea gheeh Israeli aba reengaweega; nea Yuda ea gudu ghwanal ASEETA, nea doabiiwaat aba heeda siida asagi ghaydit.

HOSEYA 11:8

Gaydaamuustaan dajaktaneey, Ea Efraimu! Gaydaamuustaan danung'waadaneey, Ea Israeli! Gaydaamuustaan danung' uurjeewana Adma! Gaydaamuustaan dasimaneey gideasimi Seboimu! Gurooroodeanyu niyam geaw aba jeedeanyu, baydeaydeanyu niyeat muuchi aba headaang'u.

HOSEYA 12:1

Efraimu ghoahaaghwa jeameeda, nea ghwaat geeshta jeameeda askwearjeanda geaw; inyeesa ghoahaat ng'uyeega ea jaliida; nea nisin neajeeda sea Ashuru, ak ghwaat nagheeda Misri.

HOSEYA 12:2

NG'UTAMIIDA gwandeawa giiheakteayda aba badayda Yuda, ak gayghwaaga ghoorjooda Yakobo nea gajeegala naweadingaaschi, ak gayghawal aba giteena ginisin.

HOSEYA 4:17

Efraimu niiguuyi geaw sanaamu, anung'waada gwandeawa geaw.

HOSEYA 4:2

manda ng'ashaan geaghus habeawooda, ea ng'uyeega, ea nuusta, ea gwadishta ea hiseadayeanduumeeda; iissa gwanuuseada moonghajeega sean ak foojeanda gamaseaw foojeanda.

HOSEYA 5:1

Oaleaydiit, Ea ashoohoodiga! Ayiing'sheena, Ea gheeh Israeli! Oaleaydiit, ea gheeda sugoocheanda. Aba gideaba girgweaksiinda gabeaheegwa agooga; agooga noowooschi gadageeda aba Mispa, ea ghaseeda siwiilsa badayda ng'eanyiida Dabori.

HOSEYA 6:4

Ghamneawa gaydasimaneey naaha, Ea Efraimu? Ghamneawa gaydasimaneey naaha, Ea Yuda? Aba gideaba bariinyeegeagwa aba heedeanyu gawuurji shamooghooda sakteayda, gawuurji rahooda inyeesa goosha sakteayda.

HOSEYA 7:13

Dashageada, ea gideaba ninung'usean heedeanyu! Gayghwanyas nyariida, aba gideaba nijaktaneani. Gaydalealu saawa, nea inyeesa gwanaba ng'uyeega aba badaydeanyu.

HOSEYA 8:5

Neajakti meaydaang'u, Ea Samariya Nyarasteanyu niyeesa badahuuka nyaawa. Gaygageanu eawooji hada iijea gwayi bwak ea ghamiyaasiit

HOSEYA 8:9

Aba gideaba nidiyeesa Ashuru, gawuurji digeeda jarooda neaydooschi nea gabwa geaw; Efraimu ghwashaayda geaw aba heeda ng'wasangaaschi.

AMOSI 3:10

“Ak ea mwanala sinooda ng'asheega doobiiweadi,” gwarugu NG'UTAMIIDA: “fugiga adiiwi ng'asheega munyasiin ea giireeta haleanjeeda buuneeda aba jeeda gealga nyaawa.”

AMOSI 3:9

Arukwiida aba gealga bea Ashuru, ea aba gealga ng'eanyiida Misri, nea giyeeni, “Abwada geat aba iheenga giijeega Samariya, ak ghoadaayi deawiitmeeda haw mida jeedida, ea ghabasta mida bugusta nyaawa.”

AMOSI 8:14

Ea giika ak habeawooda Ashimayda Samariya, nea geeyi, ‘Aba gidabiideata ASEATAANG'U, Ea Dani,’ ea ‘gidabiideata naweeda Beer-sheba,’ gaygoobeedeay, ak ea maygudu gabiikta gicha ghang'eatng'eat.”

MIKA 6:16

Aba gideaba noang'waanyi deaweedajeega Omri, ea gadiyoojiga sean bea gheeh Ahabu; ak ghoayaachi geeshta girgweaguutka nyaawa; nea ghaanung' ghwaaknyi salgheang'da, nea fugaagu bea ng'eanyiida ghoah gea jea eemachiida; ak gajasareana giing'weaka buuneeda.”

Mattayo 23:37

“Ea Yerusalemu, Yerusalemooda, inuusay sibanga nea gifuti lagheanga fuga siicheakseey! Neagasayi dabwada geat diibigaagu niba hada, gawuurji gidahiniida nghaghooda dayeagaaschi aba jeeda meang'eagaaschi ak ghoaheawi!

Lukka 13:34

Ea Yerusalemu, Yerusalemu, gibarayi sibanga nea giftayi aba lagheanga fuga siicheagu headaang'u! Neagasayi niba hada damuughuushta diibigaagu gida amuguuriida nghaghooda dayeagaaschi aba jeesinga meang'eagaaschi, ak ghoaheawi!

Lukka 19:42

nea gwayi, “Gideabali gwachi eara ang'iing'i ginali eaweecheanji miisa hoyyoohiin! Ak ghamneawa ea siiwiimwa gheanyangaagu.