HOSEYA 4:9 - Bibliyeeda Ghaydit

⁹ Ak gayghoah giduurji buuneeda, gayghoah gichea gawuurji ashoohoocheanda; ak gaydanung'wa heeda aba naweadinga nyaawa.

HOSEYA 4:9 Mawu Ofanana

GHWASIILDEANGA 11:31

Heapi, siida doabiiwaat inyas giimeardaanyi aba badayda ng'eanyiida, Abeeda gaygawuurjiin aba heeda siida muy ea dea riing'eeda.

GHWASIILDEANGA 12:14

Siida gaygoolang'uut gea miyaasiin aba haghweega ghuutaanyi, ak siida gayghwanyas sinaweega gadiyeeda geatindaanyi.

GHWASIILDEANGA 5:22

Siida muy seara gajeang'waay aba munyindaanyi, nea gabwa geaw gayghoang'waay ghuduumbwaada aba jeeda riing'eadaanyi.

ISAYA 24:2

Gaygaba siisi nyas gidida, gichea gawuurji buuneeda, ea gichea gawuurji ashoohoocheanda gil; siida gadiyeeda, ea siidaanyi haw bea gadiyeeda; gichea gawuurji huda gadiyeeda, gichea gawuurji ghamaghaamwat gil; gichea gawuurji siida shaah haleanjeeda, ea gichea gawuurji siida shaayda gil; gichea gawuurji siida siileaksheewa, ea gichea gawuurji siida aleakshi gil; gichea gawuurji siida siileeda, ea gichea gawuurji siida mideawa siileeda.

ISAYA 3:10

Ayeeshiina fuga doobiiweadi gideaba saawa ghang'wana, aba gideaba gayghwaak haghweega gadiyoojiga nyaawa.

YEREMIYA 5:31

sibanga niramoar ng'uyeega, nea ashoohoodiga gagadiiy nea ghwaat naweadinga nyaawa; nea fugeasu ghabwariiy gwasunu ng'asheesu, ak gajasina naaha iihidu mudeanoodeaba ng'asheesu?

ESEKIELI 44:10

Ak fuga Lawi nung'wanaan heeda, damanda rooda fuga Israeli, gwarooda ak ghwaat geeshta sanaamajeega nyaawa, ak gayghwasar ng'asheega nyaawa munyas nea gabwageat.

ESEKIELI 44:12

Aba gideaba gagadiiyeesa saawa aba madeeda sanaamajeega nyaawa, ak ghoah rusooda ng'asheega munyas aba heeda fuga Israeli. Asi neagatgachi geatindeanyu dalas saawa, gwarugu NG'UTAMIIDA was ASEETA, ak saawa gayghwasar giidiinyeanyeeka nyaawa.

HOSEYA 1:4

Ng'ata gwayeesha NG'UTAMIIDA, “Ng'assiina gheawunga jeebi ak giguuri ‘Yesreeli,’ aba gideaba siipuut gheadi mwanang' ak ghaalaschi gheeh Yehu aba bayiiga ghayi sin aba mooheeda Yesreeli. Ak gaydahuta sugoocheanduumeeda aba jeeda eemeeda Israeli.

HOSEYA 10:10

Gaydoan ak ghaabwarji fuga riing'eeda ak gaydaaga ghoorjooda saawa; gayghabwat geat eemoojiga aba badahuuka nyaawa ak gajeayaaga ghoorjooda riing'eega nyaawa.

HOSEYA 12:2

NG'UTAMIIDA gwandeawa giiheakteayda aba badayda Yuda, ak gayghwaaga ghoorjooda Yakobo nea gajeegala naweadingaaschi, ak gayghawal aba giteena ginisin.

HOSEYA 12:3

Aba jih ghoang'waay diding'da orjeeda ghaamwat, hean nea gwaheedu gang'aleali sea ASEETA.

HOSEYA 7:2

Ak ea moapkaada gideaba gudu daapkaat riing'eega nyaawa sean. Ak ghamneawa gadiyoojiga nyaawa nineaweesa meatkwajeega nyaawa, gwanda madeeda gheanyangeasu.

HOSEYA 8:13

Ghabwariiy haleanjeeda sisabwa geadi; inyeesa ghoadayda banyeega lukghumajeega ak ghwaak banyeegiga; ak NG'UTAMIIDA ea mandeawana hooseaneega aba badahuuka nyaawa. Hean gayghoapkaat ramaseanyeeka nyaawa, ak gayghwalas riing'eeda nyaawa; gaygabiikta ng'eanyiida Misri.

HOSEYA 9:15

Munyasnacheeka nyaawa gwanda Gilgali; hean aba hoowa ghoah heeda aang'eadi sidooda nyaawa. Aba munyasnacheeka nisin gaydahoan gwariteawa jeedeaba gheanyu. Nea ea maygudu dabwariiy gicha; fuga nyaawa hees nijaktaneani.

HOSEYA 9:9

Ning'uda geat riing'eeda gawuurji eawoojiga Gibeya: gayghoapkaat munyasnacheeka nyaawa, ak gayghwaaga ghoorjooda riing'eega nyaawa.

SAKARIYA 1:6

Ak ng'asheegeasu ea huumeanyeekeasu, earukusi fugeasu bea gadiyeeda was sibanga, heapi miigwasa aba heeda ghweanigeagwa? Ak gwaduukuuna nea gwayi, Eara gwasinda gidagasiida NG'UTAMIIDA bea lugweega aba sinaweega naweadingaasa, hean ghoah gidasimaneasa.”

Mattayo 15:14

Anung'waada saawa, suh fuga adoobiiwshi ng'oowi. Nea siida ng'oaw iyadoabiiw siida ng'oaw, gayghoabita duwaawi jeeda shoomanda.”