HOSEYA 4:3 - Bibliyeeda Ghaydit

³ Ak aba ng'asheanji ng'eanyiida gaygagiisan, sea fuga sean abiida jeeda ng'eanyiida gaygoosha uurjeenga, eara diyeanga madameega, ea dariidaka humng'eeda; eara ghweayeega jeeda basooda gajeegeanda.

HOSEYA 4:3 Mawu Ofanana

ISAYA 33:9

Ng'eanyiida goonyahuushi nea ghaghajaamiit, dimda Lebanoni nighajaamiit, nea moangoachiyda miy bea Sharoni ea niwuurji dareapcheeda; ak Bashani ea giijeeda Garmeli ea niibitbit seenga geediga.

YEREMIYA 12:4

Ng'eanyiida gaygagiisan ea ghoah eeju Ea ghwasis nyeega sean bea madameega? Aba munyinda fuga abiita jeeda, Diyeanga jarooda ea dariidaka humng'eeda niisha, Aba gideaba gwayi buuneeda, “May ghwadaah muudeanoodeanya.”

YEREMIYA 23:10

Aba gideaba ng'eanyiida ninyiit fuga mealuuli, nea ng'eanyiida ea niiguul aba ng'asheega riing'eeda, nea eara nyeega dareapcheeda ea nigajeamiidi. Naweadinga nyaawa ea munyas nea uurjeenga nyaawa ea marachi gil.

YEREMIYA 4:25

Hean ghaang'weardi, ak ging'ulayi, mwaadaahi eara sih, nea eara dariidaka sean bea humng'eeda ea nidarda.

YEREMIYA 9:10

“Agutuuni heareega nea gooyeawdi aba badayda giijeega ea shooka aba badayda nyeega mida dareapcheeda, aba gideaba nijeama nea manda siida jea ghwala jeeda nea meayiinya eara nyeashta dugwa; nea dariidaka humng'eeda ea diyeanga jarooda ea niiguudeadayi.

YEREMIYA 9:9

Gwayi NG'UTAMIIDA ghamneawa gajea meargweaksiini fiisu aba badaydeaba ng'asheesu? ak nea gajea maawaldani aba badayda eemeeda uurji suh?

ESEKIELI 38:20

Ghweayeega jeeda basooda ea dariidaka humng'eeda, ea diyeanga dareabeeta, ea diyeanga sean badiina jih aba badayda ng'eanyiida, ea buuneesean mida badayda ng'eanyiida, gayghaboadan aba madeedeanyu. Ak giijeega gajeejaksa ng'eanyi nea goobeedeayi heayeeniga ak gaygoobeedeayi ghamarjoojiga sean.

YOELI 1:18

Gawuurji gidamuumiida diyeanga! Hawanyoojiga dugwa nibeal, aba gideaba mandeawana nyeega; huumwa, hawaniga gisilga ninyas sawanadeeda.

AMOSI 1:2

Ak gwayi: “Ghwanya ghuuta NG'UTAMIIDA leabu Sayuni, ak ghwanya ghuutaanyi leabu Yerusalemu; ak gaygagutu heareega haghweeda jeagiischoodiga, ak uhuuda Garmeli gayghaghajaamiit.”

AMOSI 5:16

Asi gwayi NG'UTAMIIDA, was ASEETA bea lugooda, was Ng'utamiida: “Gajeegutu heareega aba jeeda naweadinga sean; ak gajeeyi aba jeeda naweadinga sean, ‘Uuw! Uuw!’ Ak gajeeguursa fuga bwar ng'eanyi ghwahidu gagutu heareega ak eara giika ammu shookean ghapka gagutu heareega,

AMOSI 8:8

Aba badaydeaba ng'asheanji maygwasaw ng'eanyiida, ak gilinyoo gwanda jeeda ea maygagiisan, ak gaygwascheeng'u sean gawuurji Nayli, ak gayghwanyiit nea ghoashoay gicha gawuurji Nayleeda Misri?”

NAHUMU 1:4

Niny iissa goojuursa basooda ak ghoaghajaam, iissa ghoaghajaam eeniga sean; Bashani ea Garmeli gagajeamiidi, nea deakghweeda Lebanoni ghwasis.

SEFANIYA 1:3

“Gaydahuuyda siida ea diyeayda; gaydahuuyda dariidaka mida humng'eeda ea ghweayeega basooda. Gaydahista fuga munyas; ak gaydageandeawa giliwas sih badayda ng'eanyiida,” nih gidarugu NG'UTAMIIDA.

SAKARIYA 5:4

Gwayi NG'UTAMIIDA bea lugweega gaydeajeakta mooshteawi gawa jeeda gheeda siida jagwadiisachi ea jeeda gheeda siida aga habeawooda ng'uyeega aba gheawungeasu, ak gaygoobiida bugusteaba gheanyi, ea ghwanung' goosha sea darearjeakaaschi ea lagheangaaschi.”