HOSEYA 3:4 - Bibliyeeda Ghaydit

⁴ Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

HOSEYA 3:4 Mawu Ofanana

GIING'EETA 31:19

Abeeda Labani nuwa ghwalajaada buudeega gisilgaaschi, ak gwajagwat Raheli aseecheeka ghwaan.

GIING'EETA 31:34

Abeeda Raheli nigeanda haleanjeeda sigadoowani ak gwayiin jeeda shageeda ngamiya, ak goopteadawa. Nea Labani abeeda ea nisaach jeeda maheemajeanda sean, ak ea mwanyasa.

GIING'EETA 49:10

Yuda maygwaheeli bileangida gheambalmeeda, Nea jeacheangaaschi gaygoombaliischi galeaga sean, ak gaygweasa eemoojiga niny haleanjeeda guskuseega; nea gwatkuy aba mureeda aba madeadaanyi.

2 SAMWELI 6:14

Ak ghang'was Dawdi aba madeeda NG'UTAMIIDA aba uurdaanyi sean; ak geekwealsa Dawdi hang'da bumbun siikwealiisa hamarjoojiga.

2 SUGOODIGA 23:24

Yosiya gooruuteawa hoowa giijoodiga, ea beeneediga ea aseecheeka, ea sanaamu, ea haleanjeeda munyas bea riing'eeda daah aba ng'eanyiida Yuda ea Yerusalemu. Ak gwasa ng'asheega deaweeda sing'oorsa gitaaboadida ghayi nyas Hilkiya was ashoohoocheanda aba jeeda ghooriida NG'UTAMIIDA.

2 DAMANYOOJIGA 15:2

ng'ata gawa jarooda gwaroonyi Asa, ak gwayeesha, “Aleeysean iita, ea Asa, sea fuga sean bea Yuda ea Benjamini. NG'UTAMIIDA gwandeayi sea agooga, nea eara agooga goondeayi sea niny. Nea iyoogaseadi niny, gajanyasa, ama inyas gajajakta niny, abeeda eara niny gaygwajaktaneegwa.

RITEAYDA 28:4

Hang'weaka jea eesin suh: Shageeda daghata, hang'da mwanang' bea mananda, hang'da gul ng'eanyi, ea gooteeda gadiyeeda bea suulga, ea weasta sineaweesa uhuuda, ea ghealooda mananda, ak gajeesissa Haruni was orjeeda geamadu ea orjoagaaschi hang'weaka ghaydidi, ak gagadiyeesean ghoah ashoohoodiga.

RITEAYDA 28:6

Ak gajeesissa weasta mananda mideawa dahaabu, bea oormeeda gasa gwatuudu, ea deagasa ghwahareariit ea dea areara, ea hang'weaka bumbuni miyaas, sin gearnoocheanda huumwa.

HEAREEGA 2:9

Dooshingaaschi niibita jeeda sigeeda; ak ea ninyarja nea gwahirjeaweada darearjeagaaschi; sugoocheandaanyi ea fugaaschi hees gwanda bugusta eemoojiga; ea mudugwanda deaweeda, ak sibangaaschi ea manda gisiihiimsa aba heeda NG'UTAMIIDA.

ESEKIELI 19:14

Hean gwarina beasta jeeda damealgaaschi, ak ghwaak haghweagaaschi ak ea mutgwandeawa damealeanda majeek jea ghwahit aba bileangida gheambalmeeda. Ak suh ea giinyahuushooda gil, ak gayghoah giinyahuushooda.

ESEKIELI 20:32

“Suh oomanyayi aba gurooruunatkeagwean, maygwasa earahay–gooyeenyi, ‘gajeewuurjeewana eemoojiga suurja, eemoojiga darooraka suurja, ak geabwachi geediga ea lagheanga.’

ESEKIELI 21:21

Aba gideaba sugoocheanda Babeli ghamiinaada aba ghuuta naweading'su asiyeenyean, was guuyeeda naweadinga sajaada ak ghabwar lagheanga. Gooduumduum geatka ak ghoanyaashta ng'asheega aba heeda sanaamajeagaaschi nea gwasikteawa guwooyda.

ESEKIELI 21:31

Ak gaygoobisa nyarasteanyu badaydaang'u, ak gaydaguuseey beasta nyarasteanyu, ak gaydayiinyi geatinga weajoodiga, nal muuchi lasooda uhuuda.

DANIELI 11:31

Ak gayghwahidu shirikareadaanyi ak ghabwara ririnnyeanda gheeda sibata ASEETA ghaydit, nea gageanda haleanjeeda siyeada ghadooweeda sighwarda. Ak gayghamiinaada gidamuy eatu nyariida.

DANIELI 12:11

Nea damandida sigeandeawa haleanjeeda ghadooweeda sighwardaan, ak ghamiinaada gidida muy jea gweadu nyariidean, gaygwanda askwearjooji sagalama ea bughalaji samwagu ea diktam ea damanamuut.

DANIELI 9:27

Ak gaygwasin neajeeda majeek sea fuga saang'a aba jeeda wiikajeanda; ea aba eawoojiga mwahita wiikajeanda gaygwaduulu lukghumeeda ea haleanjeeda ghadooweeda; ak gajeayiin gidamuy deageaw was uhuuda gheeda sibata ASEETA ak gaygoobiida hoowa gwaroonyi siida jea gweadu nyariida, ea muudeanooda ghayi sissa ASEETA niny.”

HOSEYA 13:10

Gwanda yeenu ghamneawa sugoocheandeang'wa jea ghaweanyi; gwanda yeenu fugeagwa hees sean jea gafureegwa– gea ghayi ooyeenyi, “Goonean sugoocheanda ea fuga hees”?

HOSEYA 13:11

Aba nyarasta ea neagoonyeegwa sugoodiga, ak ea neageandi aba nyarasteanyu.

HOSEYA 2:11

Ak gaydahuta hooseaneagaaschi sean, ea ghweelmajeagaaschi sean, ea eawoojigaaschi sean bea ng'ushiinda sheeda, ea sabaatohajeagaaschi, ea ghweelmoojiga ghayi sirukuta.

NG'ASHEEGA LAWI 8:7

Ak geeshuup hang'da geaw, ak geerasa eara ghealooda, ak geataw hang'da geaw ak geeshuup hang'da bumbun bea jih, ak geerasa ghealooda sisna gearinda bumbun, ak geerasa niny.

SAKARIYA 10:2

Aba gideaba sanaamajeega gabaloola haleanjeeda mwadaagha; nea fuga bara lagheanga ghwadaah ng'uyeega, ak gweadu giirgweatka ng'uyeega, nea ghwanung' ghahawda buuneeda mwadaagha, aba seareeni gaweay nea gawuurji gisilga sisawan mandeawana jeagiischoocheanda.

SAKARIYA 13:2

“Ak eaweedida, gwarugu NG'UTAMIIDA bea lugweega gaydasach gheawunga aseecheeka aba jeeda ng'eanyiida. Ak ea majeapkaat ak gaydahoan sibanga ea gurooruunatka munyas bea ririnnyeanda, gwariteawa jeeda ng'eanyiida.

Lukka 21:24

Ak gajeenuuseadawa ng'uta nea suuk geetabwaardaawa jeeda eemoojiga sean nea Yerusalemu gayghoala eemoojiga ea ghwahidu damanda fuga eemoojiga.

Yohaana 19:15

Goojuur Saawa muuchi nea gwayeesha, “Ang'aamwana hiji, Ang'aamwana hiji, Angoora!” Gwayeesha Bilato saawa, “Gaydeangoor sugoocheandeang'wa?” Ghwasha ashoohoodiga hees nea gwayeesha, “Aseasa meendeawani sugoocheanda geaghus Gaysari.”

Ebraniya 10:26

Nea iisisinyi riing'eeda aba baysiinda nea sinyaschi fughareeda huumeanda, abeeda ea maygwanda lukghumeeda aba badayda riing'eega,

FUGA LAJA GIRGWEAGUUTKA 17:5

Nea siisi was Mikahiin gwandeawa gheeda aseecheeka, ak gwasin sanaamu ak ghaghwal orjeanagi aba jeeda orjoagaaschi ghoah ashoohoocheanda.

FUGA LAJA GIRGWEAGUUTKA 18:14

Hean gwayeesha fih muut ghayi weay ghoahaak ghaang' ng'eanyiida Laisha, heeda fuga gheanyaawa, “Agooga ghoanali gideaba jeedeaba gheawi gwanda haleanjeeda was sanaamu, asi ghamneawa ooteemsheena gichea asina.”

FUGA LAJA GIRGWEAGUUTKA 8:27

Gwasin Gideoni sanaamooda siguura naifeera aba haleanjeedida, ak ghwayiin jeeda mujiineadaanyi, mida Ofra; ak gaweay buuneesean bea Israeli headaanyi ak ghabwat sanaamajeega, ng'ata ghoah ng'asheanji ghaseeda aba heeda Gideoni ea gheanyi.

1 SAMWELI 14:3

Nea Ahiya orjeeda Ahitubu, was orjeeda geenyea Ikabodi, was orjeeda Finehasi, was orjeeda Eli, was ashoohoocheanda NG'UTAMIIDA aba Shilo, abeeda gookweali eefoodi. Abeeda buuneeda mwanala gideaba Yonatan nuwa.

1 SAMWELI 15:23

Aba gideaba heeheeweega gawuurji sea riing'eeda beeneetkweanduumeeda, nea hang'ooynata uhuuda gawuurji ghwarjeeda ea badooda sanaamu. Aba gideaba niheawi ng'asheanda NG'UTAMIIDA, ak eara niny ea niheawa ea muwoosi sugoocheanda.”

1 SAMWELI 2:18

Abeeda Samweli gagadiiy aba madeeda NG'UTAMIIDA, nea gookwa hang'da miy rassa mananda.

1 SAMWELI 21:9

Gwayeesha ashoohoocheanda, “Geandeawi ng'uta Goliyati was siida Filisti, ghayi ibarsi moangoachiyda Ela, ng'ula gwanda hiji geeneawusa hang'da aba badayda hang'da siikwealiisa hamarjoojiga; iigasayi geanda haleanjeeni gigeandi, aba gideaba hiji manda nuut geaghus nih.” Ghwalamda Dawdi ak gwayeesha, “Manda dea uurji nih, goonean.”

1 SAMWELI 22:18

Ng'ata gwayeesha sugoocheanda Doegi, “Asi yamwa geaw ak gibwari ashoohoodiga.” Hean ghang'eat Doegi bea eemeeda Edomu ak ghabwar ashoohoodiga, ak ghabwar eaweedida fih seedam ea muut rassa hamarjoojiga nyaawa hang'weaka bumbuni.

1 SAMWELI 23:6

Damanda mang'awa Abiyatari was orjeeda Ahimeleki gawa heeda Dawdi aba Geila, ghwaan nea gweana geadi hang'da siikwealiisa hamarjoojiga ashoohoocheanda.

1 SAMWELI 23:9

Hean gwajeeng'u Dawdi gideaba Sawli gabada ng'asheega munyas aba badaydaanyi; ng'ata gwayeesha Abiyatari was ashoohoocheanda, “Eani hiji hang'da siratiisa hamarjoojiga ashoohoocheanda.”

1 SAMWELI 30:7

Hean gwayeesha Dawdi Abiyatari was ashoohoocheanda, was orjeeda Ahimeleki, “Eanean hang'da jea deakwealsa hamarjoojiga.” Ak gweadu Abiyatari hang'da jea eekwealsa hamarjoojiga ashoohoocheanda heeda Dawdi.