HOSEYA 2:2 - Bibliyeeda Ghaydit

² “Asapsabwa geamadu, asapsabwa– aba gideaba niny mudea gatmoodeanyu gil, nea eara aniini ea mudu dawas siyeadaanyi– danung' goosheagiida geaw hiseadayeanduumeadaanyi, nea adiidu goobiida madeadaanyi, nea adiidu goobiida hiseadayeanduumeadaanyi dageascheeda gidingaaschi;

HOSEYA 2:2 Mawu Ofanana

ISAYA 11:12

Ak gayghamiiinda beendeerajeanda goohiimsa eemoojiga gideaba gayghoawaam fuga Israeli ghayi siitaarda, nea ghabwada geat fuga Yuda ghayi darda mida meadajeega asang'wan sean bea ng'eanyiida.

ISAYA 50:1

Gwayi NG'UTAMIIDA, “Gwanda yeenu barawajeanda nung'ooda geamadu, ghayi aanung'wi heeda? Ghana ghayi ghaashaaydaneegwa aba heedeabeang'a aba jeeda fuga eandeawi siileenyaawa? Agooga geeshaaydaneegwa, aba munyasnacheekeagwa, ak geamadu geanung'wa heeda aba giidiinyeanyeekeagwa.

ISAYA 58:1

“Ajuura aba nyeashta nea adisindi, aheeni daghataang'u gawuurji durumbeati; rukusiina fugeasu giidiinyeanyeeka nyaawa, rukusiina fuga gheeh Yakobo riing'eega nyaawa.

YEREMIYA 19:3

Ak gajeeshiina, ‘Ea sugoodiga Yuda ea fuga abiita Yerusalemu, oaleaydiit ng'asheanda NG'UTAMIIDA. Ayiinya gidarugu NG'UTAMIIDA bea lugweega, was ASEETA fuga Israeli, Ang'ula, gaydajagu munyinda badaydeaba ng'eanyiini nea gilinyoo ghwayiiy ng'asheanji gayghwanyeal iidigaaschi.

YEREMIYA 2:2

“Una ak girukwiidi giijasi aba heeda fuga Yerusalemu, Gwayi NG'UTAMIIDA, Aniini ghaapkaachi doobiiwnata gheareemaneanduumeadaang'u, ea bariinyeagaagu uurji gea sibeeda, gidiyaataaydi geeshteanyu aba jeeda dareapcheeda, jeeda ng'eanyiida miyeehisa gil.

YEREMIYA 3:1

“Inyas gang'ada gatmooda sea siyeadaanyi, ak ghang'amwa headaanyi, ak ghoah gatmoomba sih nuut, abeeda gayghoamu gabiiksa gatmoadaanyi? abeeda ng'eanyiita majeang'uda ririnnyeanda muuchi? gwayi NG'UTAMIIDA Ang'iing'i niyaagi hiseadayeanduumeeda sea ng'wasanga saang'a; abeeda ghamneawa gaygudu biikni heedeanyu?

YEREMIYA 3:13

Ang'iing'i mwasa giidiinyeandaang'u, bea gideaba ninung'usi heeda NG'UTAMIIDA was ASEETEANG'WA ak gookeali bariinyeegeagwa rabasta ea giliwas geeta nyawiish, ea gideaba miyooleeysiina iit ghuuteanyu, gwarugu NG'UTAMIIDA.

YEREMIYA 3:18

Ak aba eawoojigiga fuga Yuda gaygaguuyi sea fuga Israeli, ak gaygoodeanyi duwaawi nea gwaleabu ng'eanyiida mida wiilooda ng'eanyiida ghayeawa ea ghwahidu ng'eanyiida aadawji ghweaniga nyaawa.

ESEKIELI 16:20

Ng'ata gigeanu orjoagaagu ea haweagaagu ghayi ijiilnean, ak giidaydi ghoah lukghumeeda jea eaghwarda aba heeda nyaawa. Heapi? Ng'asheesu ikaagu bea hiseadayeanduumeedean iing'ulay ea ng'asheanda mwanang'?

ESEKIELI 16:25

Gideasi headaang'u bea wagiida aba ghuusiga naweadinga, nea gihiseadi aba leangaagu. Ak gimealuuli aba gilinyoo ghang'ata, nea giihaadi hiseadayeanduumeadaang'u.

ESEKIELI 20:4

Gajargweaksiina saawa siida gajargweaksiina saawa? Hean nung' ghwanal saawa nyarasta ghweaniga nyaawa.

ESEKIELI 23:43

“Ng'ata geayeenyi nih waasiin gaygamealuul, asi, suh gaygamealuul sea niny, asaha sea niny.

ESEKIELI 23:45

Asi gaygoorgweakseegwa fuga doobiiweadi, aba girgweaksiinda miisa gea mealuuli ea girgweaksiinda miisa gadeemga ahiida foojeanda aba gideaba saawa gamealuuli, nea geatinga nyaawa gwanda foojeanda.”

HOSEYA 1:2

Iimuchu nea ghoang'eat NG'UTAMIIDA baloolda aba ghuuta Hoseya, hean gwayeesha NG'UTAMIIDA Hoseya, “Una gheana gatmooda hiseada, ak goojiili diibiga hiseadayeanduumeeda, aba gideaba fugeaba ng'eang'i gwasin hiseadayeanduumeeda haw aba gideaba ghwanung'waada NG'UTAMIIDA.”

HOSEYA 2:1

Asi aguureewana orjooga giyeang'wa “Fugeasu”, ea haweega giyeang'wa “fuga sibwayda.”

HOSEYA 2:5

Aba gideaba nihiseada gheamata nyaawa, ninyeeda jiilu saawa nisin ng'asheega baspaseega. Aba gideaba gwayi, ‘Gaydeadeayi ng'wasangeasu goonean hamiteanyu ea beegeasu ea hang'deanyu durumwana ea dea bumbuni, ea nagheedeanyu ea difaayeedeanyu.’

HOSEYA 4:5

Ak ang'iing'i gajabeada askweari, sibaneeda gayghoabeada sea ang'iing'i eawa; ak gaydanuus geamadu.

MIKA 2:13

Dea jea ghwajaat naweeda gaygwadiyeada gawa madeanyaawa; gajeenyarja ak geeweay eesik ghuuta dooshta, ak geeweay jarooda. Ak ghang'ata sugoocheanda nyaawa nea gwanda madeanyaawa, NG'UTAMIIDA nyaawa gwanda mwadi.

2 Goriinto 5:16

Ghang'eada ghamneawa, asi aseasa meesissiini siida wassean mureeda aba ng'asheega saseeda; earapeadi aseasa sinali Gristo gideaba siida gil, amadu ghamneawa ea mudea gissinaldi.