HOSEYA 14:3 - Bibliyeeda Ghaydit

³ Ashuru mayghoamu ghaweadeasa, nea ea maygudu eeding'da faraasajeega; nea maygudu eeyeena ‘ASEETEANYA’, aba gadiyeeda geatingaasa. Aba headaang'u bananga inyeesa ghwanyas baydeayda.”

HOSEYA 14:3 Mawu Ofanana

2 DAMANYOOJIGA 16:7

Ak aba damandida ghwaan Hananeeda was meang'nyeanda heeda Asa was sugoocheanda Yuda, ak gwayeesha, “Aba gideaba ang'iing'i nibwati sugoocheanda Shaamu, nea ea miibwata NG'UTAMIIDA was ASEATAANG'U, hean ea nimng'awaneey shirikareeda Shaamu.

NYIIGHEEGA 10:14

Ang'iing'i nidaahi fuga gasa haleanjeeda ea gea sawana, ak giyiini geatingaagu; siida manda uurda iissa gagoonyi gurooroadaanyi, aba gideaba nuwoosi siida weeda bananeeda.

NYIIGHEEGA 146:3

Adukghusi fuga hees, ghana siida, moamu ghaweanyi.

NYIIGHEEGA 146:9

NG'UTAMIIDA ghoahaaghwa rabasta, ak gwadiiw bananeeda ea masinung'weanda; nea naweadinga fuga munyas ghwanung' ghwaschoarda.

NYIIGHEEGA 33:17

Faraasi marachi gil aba nyasooda jooriischooda, ak ea moamu ghoaghu siida aba hawunda uurdaanyi.

NYIIGHEEGA 68:5

Ghweanda bananga gil ea dea ahaaghwa masinung'weega niny ASEETA abiita giibindaanyi ghaydit gil.

ISAYA 1:29

Aba gideaba gajeapwaaspwaaseegwa aba sabiida oabwachi; ak gajeapwaaspwaaseegwa aba boostaaneeda oaloachi.

ISAYA 2:20

Eaweedida abeeda buuneeda gaygaba nih jakta sanaamooda sisna lapiya ea gidaanyi bada bea dahaabu siguura dahaabu, ghayi sissa geat jea ghabwat was gutkunooneeda ea udaghasgho,

ISAYA 27:9

Asi giidiinyeanda Yakobo gajeesamsa, nea ea haghweega majeekcheewi gil bea geandeayda riing'eadaanyi, damanda sina lagheanga sean bea heeda wagiida, gawuurji roonghooda lagheanga sigul ghoah basanga, ak ea maygwanda Asherimu ghana heeda wagiida ng'andit jea ghoabit nea ghamiinaada.

ISAYA 30:16

Ak agooga gooyeenyi, “Manda! Aseasa gajeesaldeawana faraasajeega,” ng'weani aba ng'weega; asi huumwa gil “gaygwasaldeaweegwa faraasajeega ng'weani aba ng'weega,” asi faraasajeega weajoodigeagwa ghang'aleagwa aba ng'weega.

ISAYA 30:2

Saawa ghwararang'aada gaweay Misri, nea miighoanyaashan, abeeda gaweay gagasa heechea gamng'awsa ak gafur Farao, ak ghwanyas heechea goobiida nea gabaseayu aba ng'eanyiida Misri!

ISAYA 31:1

Eamuy daanyaawa gea inyeesa ghwararang'aada gaweay ng'eanyiida Misri gagasa weeta eara gea ghus faraasajeega, ea gea ghus faraasajeega aba gideaba aasaang'a, ea fuga ding'da faraasajeega aba gideaba gwandeawa uurjeenga muuchi, ak ea masachsiina ghaat dea Ghaydit bea Israeli nea magasa NG'UTAMIIDA!

ISAYA 31:3

Ak fuga Misri ea buuneeda gil, mii ASEETA; nea faraasajeega nyaawa ea diyeanga gil mii guroorooda. Inyeessa ghamiinda NG'UTAMIIDA geatindaanyi, abeeda gayghoabeada siida deaweeda buuneeda nea ghoabeada sean iyeenyeeda nyaawa.

ISAYA 36:8

Asi sina neajeeda sea siideanyu haw, was sugoocheanda Ashuru, ak abeeda gaydagooneegwa Faraasaji sagalamnyooji iyeenya inyas gajanyasa fuga jea gwading'da badahuuka nyaawa.

YEREMIYA 49:11

Nung'usiina heeda banangaagu, gaydanung'waada goobiitpiit nea majeekcheewi; nea ghakghusan masinung'weagaagu.”

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

ESEKIELI 37:23

Nea maygut ghang'uda geat ririnnyeanda aba sanaamajeega nyaawa, ghana aba haleanjeeda nyaawa munyas, ghana aba giidiinyeanyeeka nyaawa wassean. Ak gaydalealu nea gearuuni heeda abiita sean, ghayi sin riing'eeda aba jeedida, ak gaydaamiidu asi gayghoah fugeasu nea gaydoaw ASEETA nyaawa.

HOSEYA 12:1

Efraimu ghoahaaghwa jeameeda, nea ghwaat geeshta jeameeda askwearjeanda geaw; inyeesa ghoahaat ng'uyeega ea jaliida; nea nisin neajeeda sea Ashuru, ak ghwaat nagheeda Misri.

HOSEYA 13:2

Ak ghamneawa ea nileakleakgh sinita riing'eeda, nea nisissa geat sanaamu, sanaamooda sina gearinda aba lapiyeeda nyaawa, nea sean geesina geatinga fuga geariri. Nea gwayeeniisa, abarsiina lukghumajeega. Ak headiga ghwanung' ghwasam gheatkweaka muhooga.

HOSEYA 14:8

Ea Efraimu, Aniini gaydasima naaha sanaamu? Aniini gil siida sheaha ghuusigeagwa ak ghoahaaghwaneegwa. Aniini geawuurjeewi meaghayeanda mideawa seenga nyawiiri, heedeanyu gwarituuna haghweagaagu.

HOSEYA 2:17

Aba gideaba gaydageandeawa ghuutaanyi gheawunga Baali, nea ea maygudu eeguuriisiina gheawunga nyaawa.

HOSEYA 4:12

Inyeesa buuneedeanyu ghoabwaarda gwadeagooda aba heeda damealeanda geeta, inyeesa gwarukusa bileangida gida gasa ghwanal. Aba gideaba guroorooda hiseadayeanduumeeda ninung' ghwaschoarda, ak gwanung'usa heeda ASEETA nyaawa ak gwahiseada.

HOSEYA 5:13

Iidu nea ghwadaah Efraimu geayoadaanyi, nea Yuda ghwadaah deaneadeadaanyi, hean ghang'eat Efraimu gawa ng'eanyiida Ashuru, goojeaksa heeda sugoocheanda haw. Ak ghwaraay ghoahaabeagwa ghana ghoahaap deaneaduutkeagwa.

HOSEYA 7:11

Efraimu gawuurji ghariibajeanda, dasha nea manda fughareeda, inyeesa gaguuriisa Misri, ak gawa Ashuru.

HOSEYA 8:6

ak eara aba jeeda Israeli? ea mii ASEETA gil. Meayda Samariya gajeenyarjeaweada.

HOSEYA 8:9

Aba gideaba nidiyeesa Ashuru, gawuurji digeeda jarooda neaydooschi nea gabwa geaw; Efraimu ghwashaayda geaw aba heeda ng'wasangaaschi.

YONA 2:10

Ng'ata goobalool NG'UTAMIIDA ghweayeanda, ak gakeeksa ghweayeanda Yona ng'eanyiida ghajaam.

SAKARIYA 13:2

“Ak eaweedida, gwarugu NG'UTAMIIDA bea lugweega gaydasach gheawunga aseecheeka aba jeeda ng'eanyiida. Ak ea majeapkaat ak gaydahoan sibanga ea gurooruunatka munyas bea ririnnyeanda, gwariteawa jeeda ng'eanyiida.

Yohaana 14:18

“Maydanung'useegwa heeda bananga; gaydahidu heedeang'wa.

GIIPKEATA DIIGHEANDA 17:16

Adiidu ghwasaang'ayiit Faraasajeagaaschi, ghana ghwanung' gabiikta buuneeda Misri ak ghoahaat faraasajeega, aba gideaba NG'UTAMIIDA gwayeeshiineey, ‘Agooga maygudu abiikta naweedida gicha.’