HOSEYA 14:2 - Bibliyeeda Ghaydit

² Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

HOSEYA 14:2 Mawu Ofanana

2 SAMWELI 12:13

Ghwalamda Dawdi ak gwayeesha Natani, “Aniini neasinyi riing'eeda aba madeeda NG'UTAMIIDA.” Hean gwayeesha Natani Dawdi, “Eara NG'UTAMIIDA nigeanda riing'eadaang'u; maygudu meawa.

2 SAMWELI 24:10

Hean gwasawana jeeda Dawdi iing'ata iitooda buuneeda. Ak gwayeesha Dawdi NG'UTAMIIDA, “Aniini neasinyi giidiinyeanda haw aba gili easinyiin. Asi ghamneawa, Ea NG'UTAMIIDA, geamuscheey ang'iing'i, geanda giidiinyeanda siidaang'u bea gadiyeeda; aba gideaba neasinyi leendeeda haw.”

AYUBU 7:21

Ghwasaan anda mibwaydani giidiinyeadeanyu, ak gigeandeawanean munyindeanyu? Gajeepunyan eawoojisu duwaawiin gajeani geeshteanyu ak gajea mudu danda.”

NYIIGHEEGA 119:108

Ea NG'UTAMIIDA, mwasa haleanjeedeanyu bea ghadooweeda bea duumsheesiinda, ak giinaalaan huumeanyekaagu.

NYIIGHEEGA 50:14

Adawa ASEETA lukghumajeega badiischooda, ak giidawi haleanjeeda iradi ASEETA haw bea humng'eeda;

NYIIGHEEGA 51:16

Aba gideaba ang'iing'i mibwariinyi lukghumajeega; gwachi gaydagu lukghumajeega sighwarda, ang'iing'i migassi lukghumajeega sighwarda.

NYIIGHEEGA 51:17

Lukghumajeega gasa ASEETA guroorooda doabiiwaadi; ea ASEETA, ang'iing'i mayfoola guroorooda doabiiwaat bea mureeda.

ISAYA 44:22

Neabuuschi giidiinyeanyeekaagu ea gawuurji shamooghooda, eara riing'eagaagu ea gawuurji dung'usta; biikni heedeanyu, aba gideaba nealealneey.

ISAYA 6:7

Ak ghwasat ghuuteanyu aba raraygiga nea gwayi, “Ng'ula, naang'udi ghuutaang'u gili, ak munyindaang'u ea sigeanda nea eara riing'eadaang'u ea sisamsa.”

YEREMIYA 3:12

Asi una, ak girukuti ng'asheesu nea gigali wiilooda ng'eanyiida ghayeawa nea giyeeshi ‘Biikni, Israeleeda mandeawana masaweega, gwarugu NG'UTAMIIDA. Maydang'uleeweey nyarasta, aba gideaba aniini geawooschi inya jih, gwarugu NG'UTAMIIDA, maydanyareas damanda manda muudeanooda.

HOSEYA 12:7

Niny siida ageakshachi gil, mida geatingaaschi gidasiiteeniida bea ng'uyeega, nea inyeesa ghabwariiy gwasawan buuneeda.

HOSEYA 5:5

Nea ghwarjeeda Israeli iissa geedeaksa gheamamuunatka nyaawa; Efraimu gayghoabeada aba ramaseandaanyi; Yuda eara niny gayghoabeada sea saawa.

HOSEYA 6:6

Aniini ghaabwariinyi huumwa nea ea mii haleanjeeda lukghumeeda gil, nea ghwanal ASEETA, ea ghang'al haleanjeeda ghadooweeda sigwariida.

YOELI 2:17

Fuga was ashoohoodiga, was fuga gadiyeeda NG'UTAMIIDA, deayeawda aba dageascheeda heeda ghaydit ea heeda wagiida, Ak ea dayi, “Siksiina fugaagu, ea NG'UTAMIIDA, nea adinung' gafoaleasa eemoojiga suuk ak gwajukeasa, nea gwayi, ‘Gwanda yeenu ASEETEANG'WA?’”

YONA 2:9

Nea aniini aba ghuuta haleanjeeda badiischooda gaydagoonyi lukghumajeega; gida ghayi eayeaksi habeawooda gaydagoonyi. Lealeanooda gwaleabu heeda NG'UTAMIIDA!”

SAKARIYA 3:4

Ghwalamda malaykajeanda ak gwayeesha fugiga miinaada aba madeadaanyiin, “Ageanda hang'weakiga munyas bea ririnyeandean,” ak gwayeesha niny “ng'ula neageandeawaneey ng'asheagaagu munyas, ak gaydanung' akweala hang'weaka sheayeeda haw.”

Mattayo 7:11

Abeeda iyoanali agoogeeda munyas gideaba gajoatawa diibigeagwa haleanjeeda miyaas, ea mayghwaraanya muuchi Ghweandeang'wa mida humng'eeda ak ghoadaw gea miyaasiin fugiga ikaaschi musiin!

Lukka 11:13

Agooga fuga munyas, iyoanaldunu gichea oatawda diibigeagwa haleanjeeda miyaas, abeeda Ghweandeang'wa mida humng'eeda mwanala muuchi ghoadawda Guroorooda Ghaydit fugiga musa ninyiin!”

Lukka 18:13

Hean ghamiinaada siidida ang'oonyi gwaadiin nea dildeaweat nea eara gheanyangaaschi ea meageala humng'eeda, gagiisan nea gwayi, ‘ASEETA, bwaydanaan aniini geabea riing'a!’

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Ruumi 11:27

“amadu nih ea neajeedeanyu gil sea saawa iyeageandi riing'eega nyaawa.”

2 Dimoteo 1:9

dea ghayi lealneasa ak gaguurneasa aba guurnooda ghaydit nea nih ea mabaysiina aba gisisinyi aseasa ak nih gabaysa niny ea dagheerjeanduumeadaanyi. Dagheerjeanduumeani geegooneasa aba naweeda Gristo Yesu nea miyeebwat ng'eanyiida.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ebraniya 10:4

Aba gideaba maygwasa gideaba gaygageanda riing'eega foojeanda jiirgwa ea gea nooga.

Ebraniya 13:15

Asi aba niny eegala mwadi nea geataydi lukghumeeda duumsheesiinda ASEETA, nea haghweega ghuuta gil gea mwas gheawungaaschi.

1 Betro 2:5

ak goowuurjeewi lagheanga mideawa eaweega, ak geadeaseagwa awoosa gheeda guroorooda, ak ghoah ashoohoocheanduumeeda ghaydit, jea ghoadayda haleanjeeda guroorooda sisapa geadi bea ghadooweeda was gea jea ghamwas ASEETA aba naweeda Yesu Gristo.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

1 Yohaana 1:7

nea iisineayeewi jeeda weeshinda, gawuurji gidamideata niny jeeda weeshinda abeeda ea sibareanyi aseasa, ak foojeanda Yesuheeda was Orjeedaanyi gaygoohuun riing'eegaasa sean.

1 Yohaana 3:5

Nea ghoanali gideaba niny ghwaan gageanda riing'eega, nea niny jeadaanyi ea manda riing'eeda.