HOSEYA 11:11 - Bibliyeeda Ghaydit

¹¹ gayghapka nea ghaboadananda dariidaka leabu Misri, ea ghariibajeega leabu ng'eanyiida Ashuru, ak gaydanung' gabiikta gealga nyaawa, gwarugu NG'UTAMIIDA.

HOSEYA 11:11 Mawu Ofanana

ISAYA 11:11

Ak eaweecheanji Ng'utamiida gayghoahaakta geadi gicha goodeelu boosteangaaschi mida Ashuru, ea Misri, ea Batirosi, ea Gusi, ea Elamu, ea Shinari, ea Hamati, ea ng'eanyiida mida ghuuta basooda.

ISAYA 60:8

Suh naaha ng'eetiideayda shamooghuutkean naaha gil, nea gawuurji ghariibajeega weay jeeda ghoorajeega nyaawa?

SAKARIYA 10:10

Ak gaydeadeelu ghoah ghang'eada ng'eanyiida Misri, gaydabwadageat saawa ak gearuuteawi jeeda ng'eanyiida fuga Ashuru, ak ghaanung' gaweay ng'eanyiida Gileyadi ea Lebanoni, ak ghwanyiit ng'eanyiisean buuneeda ea ghoareat heechea goobiida.

HOSEYA 7:11

Efraimu gawuurji ghariibajeanda, dasha nea manda fughareeda, inyeesa gaguuriisa Misri, ak gawa Ashuru.

OBADIYA 1:17

Nea aba uhuuda giijeeda Sayuni gaygwanda fugiga ghayi waptaan, ak gajea ghaydit; nea gheeh Yakobo gaygoombal ng'eanyiida nyaawa.

HOSEYA 3:5

Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.

ESEKIELI 37:25

Ak gaygoobiida ng'eanyiida ghayi aadawji Yakobo was siideanyu bea gadiyeeda, heeda ghayi abiita ghweanigeagwa. Ak eara saawa gaygoobiida hoowa, saawa ea diibiga nyaawa ea diibiga gea nyaawa, damanda manda muudeanooda. Ak Dawdi was siideanyu bea gadiyeeda gayghoah siida nyaawa haw damanda manda muudeanooda.

ESEKIELI 37:21

Ak giyeeshi saawa, gwayi NG'UTAMIIDA was ASEETA, ng'ula, gaydearuuna fuga Israeli jeeda eemoojiga ghayi weay jeeda. Ak gaydaaweamna meadajeega sean, ak gaydeadu jeeda ng'eanyiida nyaawa.

YEREMIYA 31:12

Ak gayghapka ak gwasarman aba ghuuta haw aba uhuuda giijeeda Sayuni, nea geesalsa alooheeda NG'UTAMIIDA, ak booga, ea difaayi, ea nagheeda, ea dayeega manang'i bea gisilga, ea muhooga, ea gurooruunatka nyaawa gaygawuurji boostaaneeda siyiin beega ak ea maygut ghang'ut gurmeahiida.

ESEKIELI 34:27

Ak geediga madamnyeanda gaygwaji haghweagaaschi, ak gaygaba seayu aba jeeda ng'eanyiida nyaawa, abeeda gayghwanal gideaba aniini geawooschi NG'UTAMIIDA, inyas geang'achi ghealoodida sirasa gheatkweaka nyaawaan, ak gaydaaghu aba geatinga fugiga nung' gaweay soomjeanduumeedean.

ESEKIELI 34:28

Nea maygut ghoah soomjooga eemoojiga, nea mayghwaak diyeanga ng'eanyiida, saawa gaygoobiida nea gaba seayu, nea maygut gwanda siida jea ghang'uda muuwda.

SAKARIYA 8:7

Gwayi NG'UTAMIIDA bea lugweega, Ng'ula gaydalealu fugeasu, ghang'eada ng'eanyiida ghayeawa ea ghwahita ng'eanyiida biyeara;

SAKARIYA 8:8

ak gaydeadu saawa goobiida bugusta Yerusalemu, ak gayghoah fugeasu nea ghaahuuyi ASEETA nyaawa, aba huumwa ea doobiiwnata.”