HOSEYA 10:2 - Bibliyeeda Ghaydit

² Gurooruunatka nyaawa gaba ng'uya; ak gayghoahiimu munyasnacheeka nyaawa. NG'UTAMIIDA gaygwalalaksa ng'eanyi heeda nyaawa bea wagiida, ak gaygwahirjeawi ng'udanga nyaawa.

HOSEYA 10:2 Mawu Ofanana

1 SUGOODIGA 18:21

Ak gwaneekiisa Eliya heeda mida buuneesean ak gwayi, “Gajabeacheewana jeedeaba ng'asheesu asiyeenyean ea ghoah eeju? Inyas NG'UTAMIIDA ea ASEETA gil, ghoayaachi geeshta, ama inyas ea Baali gil, eara ada ghoayaachi geeshta.” Ak ea mwasha buuneeda ghuutaanyi.

RITEAYDA 23:24

adiihiing'si geaw aseecheeka nyaawa, nea adibaday saawa, nea adiyaadi geeshta ng'asheega nyaawa, ak gaynung' goosha saawa, nea gihirjeaweadi daranajeega nyaawa.

GHWASIILDEANGA 11:18

Siida muy gayghwanyas mushahareeda ng'uyeega, nea dea sin ng'asheega miyaasiin gayghwanyas nyageadayda huumwa.

ISAYA 44:18

Fiisu mwanala gil ak ea maygwajeeng'u gil, aba gideaba sidukuta gheanyanga nyaawa, eara fughareenga nyaawa ea mwanala gil.

YEREMIYA 43:13

Ak gaygwahirjeaweada daranajeega mida Heliopoli mida ng'eanyiida Misri; nea ghoorajeega sibata aseecheeka Misri gayghaghwarda aba beasta’.”

ESEKIELI 14:5

Gaydasat gurooruunatka fuga Israeli aba gideaba gabiigu ghapka heedeanyu, aba gideaba nisheagiideawanean ak gabada sanaamajeega nyaawa.

HOSEYA 12:11

Ng'eanyiida Gileyadi iimida riing'eeda aba huumwa gayghoah gidamwadaagha nea aba Gilgali geenuus heewga lukghumajeega, aba heanyaawa bea wagiida gaygawuurji lagheanga siimughuush aba lilaneeda madamnyeanda.

HOSEYA 13:16

Samariya gaygwasar giidiinyeandaanyi, aba gideaba nijakta ASEATAANYI; gaygahuuyda ng'utkeaka, nea diibiga nyaawa gajealajaada bugusuunatka, nea gadeemga nyaawa gweayiideadi gajeabwaashaada jeesinga nyaawa.

HOSEYA 3:4

Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

HOSEYA 7:8

Efraimu niiguuyi geaw sea eemoojiga suuk; Efraimu mukaateeda meayamwa.

NG'ASHEEGA LAWI 26:30

Ak gaydanyarjeaweada ghoorajeegeagwa oobateewean mida heetiyeada, ak gaydabwaay heedeang'wa bea wagiida abiita geediga ng'andidi, ak geahisi muscheekeagwa badahuuka muscheeka haleanjeedeang'wa mawoosa aseecheeka; ak gayghwasteagwa gurooroodeanyu.

MIKA 5:13

ak gaydasach haleanjeadaang'u was sanaamu, ea daranajeagaagu mida headaang'u, ak ea maygutghadoawana haleanjeeda iisini aba geatingaagu;

SEFANIYA 1:5

ea giika inyeesa gwatkuy aba iheenga ghoorajeegean ea miinga mida humng'eedean; ea giika inyeesa gwatkuy nea ghwaak habeawooda aba heeda NG'UTAMIIDA ak gweaksa habeawooda Milkomu;

SAKARIYA 13:2

“Ak eaweedida, gwarugu NG'UTAMIIDA bea lugweega gaydasach gheawunga aseecheeka aba jeeda ng'eanyiida. Ak ea majeapkaat ak gaydahoan sibanga ea gurooruunatka munyas bea ririnnyeanda, gwariteawa jeeda ng'eanyiida.

Mattayo 6:24

“Manda siida ammu gagadiiyeesa fiisu hees iyeenya. Aba gideaba gayghwasit agi nea ghabwariiy niirja, ghana ghoang'waay geat sea nih ak gafool niirja. Majoamuusa agadiyeesiina ASEETA ea baruureega.

Lukka 16:13

Manda soomjeanda jea ghoamu gagadiiyeesa fiisu hees iyeenya, aba gideaba gayghwasit nih ak ghabwariiy nih, ghana ghoang'waay geat sea nih ak gafool nih. Moamuusi agadiyeesiina ASEETA ea meanang'oocheanduumeeda.”

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

1 Yohaana 2:15

Adoabwariinyi ng'eanyiida ea haleanjeeda mida muunda ng'eanyiida. Aba gideaba siida bwariiy ng'eanyiida, bariinyeega Ghweanda ea manda jeadaanyi.

1 SAMWELI 5:4

Ng'ata nea ghang'eatng'eat sakteayda eaweeda niirja, ging'ulayi, niibeada Dagoni nea ghabwada jih ng'eanyi aba badayda sigeeda aba madeeda sandakwajeanda neajeeda bea NG'UTAMIIDA, nea uhuuda Dagoni ea geatingaaschi sean gwalil aba ng'eanyi nea silajaada aba gidaghuuta; ak geapuut mughuushnata Dagoni.