HOSEYA 1:6 - Bibliyeeda Ghaydit

⁶ Gabiikta gagweayiit gicha, ak gwaji huda. Ng'ata gwayeesha NG'UTAMIIDA, “Guureewana gheawungaaschi ‘Meebwayda’, aba gideaba maygudu dabwariiy Israeli gicha nea ak ea maydasamsa earahay.

HOSEYA 1:6 Mawu Ofanana

1 Betro 2:10

Aba madeeda ghayi moowoosi buuneeda ak ghamneawa ea noowooschi fuga ASEETA; aba mwadi ghayi mii anyasa baydeayda ak ghamneawa ea noanyaschi baydeayda.

HOSEYA 2:23

Ak gaydahisa jeeda madamnyeanda aba badaydeanyu, ak gaydabwayda dea miyeebwayda, ak gaydayeesha gea mawoosa fugeasu, ‘Agooga goowooschi fugeasu’; ak gaygwayi, ‘Ang'iing'i guwoosi ASEETEANYU.’”

HOSEYA 2:4

Nea ea maydabwayda diibigaaschi, aba gideaba diibiga hiseadayeanduumeeda gil.

2 SUGOODIGA 17:6

Gweaydeaba shageash bea sugoocheanduumeeda Hosheya. Hean ghoang'waay sugoocheanda Ashuru Samariya, ak goobaleak fuga Israeli ea ghwahita Ashuru ak ghamwanya Hala ea Habori, neekeewa eenda Gosani, bea mujiineeda eemeeda Meedi.

ISAYA 27:11

Nigajeamiidi damealga geediga ak gagiishachi; ak gayghapka gadeemga ak ghaghwarda. Aba gideaba suh mii fuga mideawa fughareenga gil, aba gideaba dea sin saawa ea mayghabwayda saawa, nea dea sin saawa maygwasamsa.

HOSEYA 1:8

Hean ghoashuukghu “Nea meesamsiina”, gagweayiit gicha, ak gwaji baleanda.

2 SUGOODIGA 17:20

Iidu ghwanung'wa heeda NG'UTAMIIDA jeacheenga sean bea fuga Israeli. Ak gwasawan nea ghwayiin geatinga fuga jea ghwanung' ghoah saawa rabadanga. Ea ghwahita damanda jea gwajakteawa ghoang'aamwa madeadaanyi.

AMOSI 7:8

Ak gwayeeshiinean NG'UTAMIIDA, “Amosi, gidaahi naaha?” Ak geayeeshi, “Ghaadaayi gidasiiteeniida.” Hean gwayi NG'UTAMIIDA, “Ng'ula, gaydayiin gidasiiteeniida bugusta fugeasu was Israeli; ak ea maygudu gabiikta dasuut saawa;

AMOSI 9:8

Ng'ula, gheanyanga Ng'utamiida was ASEETA gwanda badayda sugoocheanduumeeda riing'eeda, ak gaydanung' goosha aba badayda ng'eanyiida; ak ea maydanung' goosha gheeh Yakobo,” gwarugu NG'UTAMIIDA.