HOSEYA 1:2 - Bibliyeeda Ghaydit

² Iimuchu nea ghoang'eat NG'UTAMIIDA baloolda aba ghuuta Hoseya, hean gwayeesha NG'UTAMIIDA Hoseya, “Una gheana gatmooda hiseada, ak goojiili diibiga hiseadayeanduumeeda, aba gideaba fugeaba ng'eang'i gwasin hiseadayeanduumeeda haw aba gideaba ghwanung'waada NG'UTAMIIDA.”

HOSEYA 1:2 Mawu Ofanana

2 DAMANYOOJIGA 21:13

ak ghamneawa ea niyaadi naweadinga sugoodiga Israeli, nea niidoabiiwi fuga Yuda sea fuga bea ng'eanyiida bea Yerusalemu gwasin ng'asheega munyas, gawuurji gidadoabiiwda gheeh Ahabu fuga Israeli gwasin ng'asheega munyas, ak gicha ea ninuusi orjooga giyeang'wa, bea gheeda ghweandaang'u, was fuga doobiiweadi ea ghang'alnyi;

NYIIGHEEGA 106:39

Hean ghwanyas ririnnyeanda aba gadiyoojiga nyaawa, ak gwahiseada aba gadiyoojiga nyaawa sin.

NYIIGHEEGA 73:27

Aba gideaba gea aheeldooscheeweey geat gaygoosha; ak ea nilasi uhuuda fuga sean nung'useey heeda.

YEREMIYA 2:13

aba gideaba fugeasu nisin riing'ooji iyeenya: ninung'wanaan heeda, aniineeda was eenda mideawa beega eaweega, ak gagurgursa geat healatka, healatka seaweadi jeesin moamu goodiiw beega.

YEREMIYA 2:20

“Ghayi aba garayi goohirjeawayi yookajeegeagwa ak goong'acheawayi ghealoonigeagwa; ak gooyeenyi ‘majeabwadeayi’. Ak aba iheenga heayeeniga geawi ea gumsheaka geediga nyawiiri ghoabwachi aseecheeka marachi gil.

YEREMIYA 2:23

Gajamuustaan eena, ‘aniini miyeeng'udanani ririnnyeanda, nea miidaat geeshta Baali’ Ng'ula naweadaang'u aba jeeda moangoachi; ak gidaahi gida nisini– guwuurjeewi dayeenda ngamiya daanghan,

YEREMIYA 3:9

Ng'ata ghang'uda ng'eanyiida ririnnyeanda ak gamealuul aba badita aseecheeka sisna lagheanga ea geediga.

ESEKIELI 6:9

Ama iyapkaadan aba jeedeaba fiisu bea eemoojiga jea ghwadardaan. Ak gayghoapkaat gidaghayi aabwardi aba gideaba gurooruunatka nyaawa manda doobiiwnata ak ghwanung'wanaan heeda. Aba gideaba ghwanung'waada ghusoodeanyu ak ghaghus sanaamajeega. Asi gayghwasit geat saawa nea gabwageat aba munyasnacheeka nyaawa ea ng'asheega munyas sina.

HOSEYA 2:7

Hean ng'ata gayghwaat geeshanga ng'wasangaaschi, nea ea mayghwanyas, hean gaygagaseada ak nea ea mayghwadaah; aba ng'ata gaygwayi, ‘Gaydabiikta dabiiksa siyeedeanyu bea mwadi; aba gideaba giibindeanyu bea ghayi aamiy ea ghang'al deaba ghamneawa.’

HOSEYA 3:1

Ng'ata gwayeeshiinean NG'UTAMIIDA, “Una biikta bwariinya gatmooda bwariiy ng'wasangaaschi nea gwahiseada, gawuurji gidabwariiyda NG'UTAMIIDA fuga Israeli, eara gwayamiisa geat aseecheeka suuk ea bariinyeega mukaatajeega sabiibooda gajeami.”

HOSEYA 5:3

Aniini ghaanali Efraimu, nea Israeli ea meafunyanaani; ak ghamneawa, Efraimu, ea nihiseadi, ak Israeli ea sibwara ririnnyeanda.

Marko 1:1

Nih gidang'eata Giijasta Miy bea Yesu Gristohi was Orjeeda ASEETA.

GIIPKEATA DIIGHEANDA 31:16

Ghwalamda NG'UTAMIIDA ak gwayeesha Musa, “Ng'ula, eawoojigaagu jea meawana nineekiit, ak fiisu gayghang'eat ghwaat geeshta hiseadayeanduumeeda aseecheeka rabasta mida ng'eanyiida, ak ghoabita bugusta nyaawa, ak gaygwanung'usean heeda ak gaygwanyarja neajeedeanyu ghayi easinyi sea saawa.

2 Betro 2:14

Gheanyanga nyaawa ghwanyiit hiseadayeanduumeeda, ak ea malang'uuta aba riing'eeda. Iissa gwareengani jeesinga ng'arng'ari. Ak gwandeawa gurooruunatka siinaal shidoodeaba ghaang'. Diibiga simwaashta!

Giidaheechta 17:5

ak gheamamdaanyi geeng'oorsa gheawunga makcheameeda, “Babeleeda haw, gheamata fuga hiseada bea ng'asheega munyas bea ng'eanyiida.”