GIING'EETA 3:4 - Bibliyeeda Ghaydit

⁴ Ng'ata gwayeesha ichibooda gatmooda, “Majameewa.

GIING'EETA 3:4 Mawu Ofanana

GIING'EETA 3:13

Ng'ata gwayeesha NG'UTAMIIDA was ASEETA gatmooda, “Ang'iing'i nisini naaha?” Gwayeesha gatmooda, “Gwareenganean ichibooda ak ghaayaaji.”

GIING'EETA 3:3

amadu gwayi ASEETA, ‘Adiidu ghoayaaji haghweega geeta mida bugusta boostaani, ghana asada, abeeda gajameewa.’”

2 SUGOODIGA 1:16

Ak gwayeesha, “Gwayi NG'UTAMIIDA ‘Aba gideaba giijeakti buuneeda heeda Baal-sebubu was aseeta Ekroni, heapi nih gwasin gideaba ASEETA aba jeeda Israeli mandana? Gwachi jea abearsiina ng'asheanda. Asi mayrarang'anana badayda bulaliida iding'di aba huumwa gaymeawa.’”

2 SUGOODIGA 1:4

Asi gwayi NG'UTAMIIDA, ‘Mwayrarang'aanana uhuuda bulaliida idiyeesi aba huumwa gaymeawa.’” Ak ghang'eat Eliya gawa.

2 SUGOODIGA 1:6

Hean geeyeesha niny, “Geeroonyeewi sih ak gwayeeshiineasa, ‘Abiikta heeda sugoocheanda ajeakneagwean. Ak gooyeeshi gideaba gwayi NG'UTAMIIDA, heapi nih gwasin gideaba manda ASEETA aba jeeda ng'eanyiida Israeli? Bwak ea aweayeena eanyaasha Baal-sebubu was aseeta Ekroni? Asi aba badaydeaba nih. Mwayrarang'aanana uhuuda bulaliida iding'di aba huumwa gaymeawa.’”

2 SUGOODIGA 8:10

Ghwalamda Elisha ak gwayeesha niny, “Una rukusiina gideaba ‘gayhaabwa’; nea ghoahiimnaan NG'UTAMIIDA gideaba gayghami.”

2 DAMANYOOJIGA 18:21

Ng'ata gwayeesha, ‘Gaydang'eat dawa ak gaydoaw guroorooda ng'uyeega aba ghuusiga sibangaaschi sean.’ Ng'ata, ‘Gayreengana niny, ak gaynyagaada; una ak giidoabiiwdunu.’

NYIIGHEEGA 10:11

Gwayi aba gurooroadaanyi, “Niroosa ASEETA, ak ghafuy gheamamdaanyi, mayghwadaah eara gil.”

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

2 Goriinto 11:3

Iidu ghaabeali, gawuurji gidaghayi reenganiida ichibooda Hawa aba milmilandaanyi, gajeehuteawi fughareengeagwa ak ghoanung'waadi doobiiwnata ea alooheeda Gristo.

2 Goriinto 2:11

adaghwanyas Shataani gheata jea ghwanyagaadawa aba badahuukaasa; aba gideaba meewoosi dasheahi aba gidida gasean.

GIIPKEATA DIIGHEANDA 29:19

ak inyas ghwayiiy ng'asheegeaba habeawooni ea neajeeda, ak ghoadaw geaw siisi ghawooda aba gurooroadaanyi, nea gwayi, ‘Gaydaba hoyyoo eara daweelweelda jeeda roodaweega gurooroodeanyu.’ Ak ghaanung' goosha gea shabeadi ea gea gajeami.

1 Dimotteo 2:14

Ak Adamu ea miyeereengani geereengani gatmooda muuchi ak ghoabita jeeda ramaseanda.