GIING'EETA 2:1 - Bibliyeeda Ghaydit

¹ Hean ghwahit humng'eeda ea ng'eanyiida, ea haleanjeadaanyi sean.

GIING'EETA 2:1 Mawu Ofanana

NYIIGHEEGA 33:6

Aba ng'asheanda NG'UTAMIIDA geesin humng'eeda, ea lugoadaanyi sean aba aroosta ghuutaanyi.

RITEAYDA 31:17

Ak gayghoah gwadeagooda manda muudeanooda, aba dageascheedeanyu sea fuga Israeli aba jeemba eawooji lah NG'UTAMIIDA ghabwat humng'eeda ea ng'eanyiida, ak eaweedeaba ispwa ghwanung'waada gadiyeeda ak gafuuf.’”

RITEAYDA 20:11

aba gideaba NG'UTAMIIDA gagadiiy eawooji lah, ak gwasin humng'eeda ea ng'eanyiida ea basooda, ea haleanjeeda sean mida jeeda, ak gafuuf eaweedeaba ispwa, ng'ata ghoadaw NG'UTAMIIDA ghawooda eaweeda Sabaato nea ghoaghaydiit.

GIING'EETA 1:1

Ghayi aba giing'eeta ASEETA ghabwat humng'eeda ea ng'eanyiida.

ISAYA 45:18

Aba gideaba gwayi NG'UTAMIIDA, ghayi sin humng'eeda, (niny ASEETA gil!), ghayi bwat ng'eanyiida ak gwasin (nea goomajeek; masina aba gideaba gaygwarachi geaw, gwasin aba gideaba goobiida buuneeda jeeda!); “Aniini geawooschi NG'UTAMIIDA, ak ea manda nuut.

ISAYA 42:5

Gwayi ASEETA was NG'UTAMIIDA, dea ghayi bwat humng'eeda ak ghoabwarghaan, dea ghayi bwat ng'eanyiida ea haleanjeeda mida jeedida, dea ghayi adaw buuneeda giisiimeanda, ak ghoadaw gurooroadaanyi fuga mida badayda ng'eanyiida.

2 SUGOODIGA 19:15

Ak ghamwaash ASEETA Hesekiya aba madeeda NG'UTAMIIDA nea gwayi, “Ea NG'UTAMIIDA was ASEETA Israeli, hoorgeadaang'u iibiiti ghwasuut geeruubajeanda, ang'iing'i geaghusnyi guwoosi ASEETA sugoodiga sean bea badayda ng'eanyiida, ang'iing'i gibwadi humng'eeda ea ng'eanyiida.

ISAYA 45:12

Aniini geasinyi ng'eanyiida, ak geasinyi siida abiita jeeda; ak geasini humng'eeda geatingeasu, ak lugooda sean bea miinga gwanda aba diigheandeanyu.

NYIIGHEEGA 146:6

was dea ghayi bwat humng'eeda ea ng'eanyiida, ea basooda, ea haleanjeeda sean mida jeeda; niny iissa ghoang'waay neajeadaanyi damanda manda muudeanooda.

SAKARIYA 12:1

Nih giijasta leabu heeda NG'UTAMIIDA gil, aba badayda fuga Israeli. Gwayi NG'UTAMIIDA bwat humng'eeda, ghayi bwat sindeeta ng'eanyiida, nea ghoadaw siida guroorooda.

NYIIGHEEGA 33:9

Aba gideaba niny ghayi gwarugu ak gwasa; ak ghwanya ghuuta ak gamajeegiit.

NEHEMIYA 9:6

Ghwalamda Esra ak gwayi. “Ang'iing'i guwoosi NG'UTAMIIDA, nea gibwaageaw; nea gibwadi humng'eeda, ea humng'eeda mida humng'eeda, ea lugoadaanyi sean, ea ng'eanyiida ea haleanjeeda sean mida jeeda, ea baskweega ea haleanjeeda sean mida jeesinga nyaawa; nea haleanjeeni seaniin giidiiwi ang'iing'i; nea ghabwannyi lugooda humng'eeda.

2 DAMANYOOJIGA 2:12

Gabiikta gwayi Hiramu, “Gagasa eekghaambiit NG'UTAMIIDA was ASEETA fuga Israeli, ghayi sin humng'eeda ea ng'eanyiida, ghayi adawa sugoocheanda was Dawdi orjeeda haw fughara, mideawa weaghuumeeda ea nalita ng'asheega, was siichea ghwadeas gheeda sibatiisa ASEETA bea NG'UTAMIIDA, ea gheanyi bea sugoocheanduumeeda.

Ebraniya 4:3

Aba gideaba aseaseeda ghayi nimwas gaygaweay jeedeaba fuuftida, gawuurji gidanyaashta niny, “Gawuurji gidaayaakti habeawooda aba nyarasteanyu, ‘Ghanyea maygaweay jeeda fuufteanyu,’” earapeadi niisha gadiyoojigaaschi ghang'eada dea ghayi sibwada sindeeta ng'eanyiida.

Gadiyeeda Giijasoodiga 4:24

Nea ghwayiiy, gagatkat sean daghanuunatka nyaawa nea googeal heeda ASEETA nea gwayi, “Ng'utamiida Haw, ghayi sin humng'eeda ea ng'eanyiida ea basooda ea haleanjeeda sean mida jeeda,

YEREMIYA 10:16

Nea fuga gheeh Yakobo ea mawuurji haleanjeeni, aba gideaba niny dea sin haleanji seaniini, nea Israeli ea dooshtaanyi jea gwahearaniischeewa; nea gheawungaaschi ea NG'UTAMIIDA bea lugweega gil.

YEREMIYA 10:12

Geaghus dea sin ng'eanyiida aba uurdaanyi, bwat ng'eanyiida aba weaghuumeadaanyi, Nea aba fughareadaanyi ghwanung' goowiida humng'eeda.

ISAYA 65:17

“Aba gideaba ng'ula aniini ghaabwachi humng'eeda eesh, ea ng'eanyiida eesh, nea ng'asheega ghayi bea madeeda ea maygudu eapkaat nea maygawa jeeda fughareengeagwa.

ISAYA 48:13

Sindeeta ng'eanyiida ghayiinyi aniini aba geatingeasu, ak ghaabwachi humng'eeda aba geatindeanyu bea dugwa, inyeesa geaguursi saawa ak hean ghamiinaada duwaawi.

GIIPKEATA DIIGHEANDA 4:19

Adiidu gigatkadi gheanyangaagu ak ging'ulayi humng'eeda, ama inyas gidaahi (aseeta) ea sheeda ea miinga ea haleanjeeda sean bea humng'eeda adiidu gang'weela gheanyangaagu ak gibwadi haleanjeeda NG'UTAMIIDA was ASEETEANG'WA sissa eemoojiga suurja mida badayda ng'eanyiida.

GIING'EETA 2:4

Nih gida sibwata humng'eeda ea ng'eanyiida gil. Aba eaweeda sina NG'UTAMIIDA was ASEETA ng'eanyiida ea humng'eeda,

GIING'EETA 1:10

Ak gaguura ASEETA heeda ghajaam Ng'eanyiida, nea beegiga saang'a bwat geadiin gaguura Basooda. Ak ghwadaah ASEETA gideaba aamiy.

GIIPKEATA DIIGHEANDA 17:3

ak ea nuwa ghabwat aseecheeka, ghana aseeta ghana sheeda ghana gilinyoo gwanda humng'eeda aaheawi,

YEREMIYA 8:2

ak gajeetearsa madeeda aseeta ea sheeda ea madeeda lugweega humng'eeda, ghayi bwariiy nea gagadiiydooscheesa, ghayi wadiini heanyaawa, ak gwarukwiida ng'asheega nea gabada; ak ea majeamughuush nea majeebuy, gaygawuurji fiyeega dugwa aba badayda ng'eanyiida.

ISAYA 55:9

Aba gideaba gidasheagita humng'eeda muuchi, sea ng'eanyiida, asi eara naweadingeasu ea sheagachi muuchi sea naweadingeagwa ea gideateemsheati ea gidooteemsheati.

AYUBU 12:9

Aba jeedeaba suh seaniin, ng'eaha dea mwanala gideaba suh gwasin NG'UTAMIIDA.

Gadiyeeda Giijasoodiga 7:42

Iidu ghwayam ASEETA ak ghwanung' ghabwat miinga humng'eeda, gawuurji gissing'oarda aba jeeda gitaabooda sibanga: ‘Neada haleanjeeda oonuuseadi ea lukghumajeega googoonyean, gweanyeew haradam aba dareapcheeda, Ea gheeh Israeli?

Lukka 2:13

Deagheata gwandeayi sea malaykajeanji lugooda saang'a bea humng'eeda ak gwaduumsheesa ASEETA nea gwayi,

ISAYA 34:4

Ak gayghwadatasa lugoosean bea humng'eeda, ak humng'eeda gajeamughuta gardaasajeanda. Ak lugoanyaawa sean bea humng'eeda gayghoabitpitaayda, seenga sabiibu iijaam ak ghoabitpit, ak gawuurji seenga meaghayeanda iighajaamiit ak ghoabitpit.

NYIIGHEEGA 104:2

niikwealsi geaw weeshinda gawuurji hang'da, niibwargiidi humng'eeda gawuurji maheemajeanda,